عبدالله : دا شيك فيهو امضاء فاطمة اختي
بابكر : جبتو كيف دا 😳
عبد الله : ما مهم جبتو كيف و المهم انو حاكتب فيهو اسمي و مقدار الورثة بتاعت فاطمة و امي يعني حاكتب 450 مليون
بابكر : ايوااا فهمت ، لقيتك ابليس والله ههههه
عبد الله : طبعا انت حتكون شاهد انت و عثمان انو فاطمة كتبت لي الشيك دا و من دربنا نمشي للنيابة
عثمان : يلا نمشي
عبد الله ملا الشيك و اتصل على المحامي يجيهم هناك و مشى للنيابة و لما وصلو للنيابة
عبد الله : السلام عليكم
الشرطي : و عليكم السلام
عبد الله : عايز افتح بلاغ
الشرطي : في منو و بخصوص شنو ؟
عبد الله : في اختي ، لانها شالت مني 450 مليون و كتبت لي بيهم شيك و ابت ترجعهم
الشرطي : 😨 في اختك !
عبد الله : ايوا اختي و لو سمحت اكتب البلاغ
الشرطي مستغرب لكن كتب ليهم البلاغ و رسل مع عبد الله عسكري و مشو بعربية عبد الله و معاهم المحامي و مشو لي فاطمة عشان يقبضو عليها و وصلو البيت و نزل المحامي و العسكري و عبد الله فضل في العربية و فاطمة فتحت ليهم الباب و استغربت لمن شافت العسكري
المحامي : السلام عليكم
فاطمة : و عليكم السلام ، في شنو!!
المحامي : دا امر قبض ليك و مطلوب حضورك فورا القسم
فاطمة : ليه انا عملت شنو !
العسكري : حتعرفي في القسم ، هسي اتفضلي معانا
فاطمة : طيب دقيقة اغير هدومي
المحامي : طيب بسرعة
فاطمة تدخل و رقية تسالها منو الجاء
فاطمة : المحامي برا جاب لي امر قبض و ماشة اشوف الحاصل
رقية : نعم 😳 ، لييه في شنو
فاطمة : انا ذاتي ما عارفة
رقية : طيب انتظري البس توبي
فاطمة و رقية طلعو لقو عربية عبد الله و عبد الله فيها و جو الاتنين يركبو فيها
عبد الله : المتهمة بس تركب معانا
فاطمة : ما بركب بدون امي
العسكري : طيب اجر ليهم امجاد
عبد الله : اجر امجاد خلاص
العسكري يوقف امجاد و يركبو فيها فاطمة و امها و يصلو للقسم
عبد الله : ادفعي حق الامجاد
