OVERTHINKING [#Wattys2016]

chapter 13.

بنتين قاعدين جنب بعض
جت بنت تالته نسلم عليهم
نور: ايه ده ! .. الاء و ندي !
الاء:نور ازيك ؟
نور : الحمد لله انا كويسه انتوا عاملين ايه
ندي : احنا الحمد لله كويسين .
الاء : ايه اخبار الاجازه؟
نور: كويسه بس بتخلص بسرعه اوي
ندي : احنا برضو ملحقناش نعمل حاجه
نور : بتيجوا النادي هنا كتير بقي ؟
الاء : هاها لا مش قوي ، انتي عارفه اننا مش فاضيين اوي، ورانا gym بقي و كده
نور : فرحانه اني قابلتكم و الله
ندي : و احنا كمان
ندي و الاء فضلوا مبتسمين لحد ما نور مشيت
الاء : شيفه لابسه ازاي .
ندي : اه فاكره نفسها fashionista .. و لابسه علي الموضه بقي و كده
الاء : هاها . يع
ندي : البنت دي لسه بتحب تتفرج علي افلام cartoon .
الاء : هاهاها و عاملنا فيها بتاعه و حطالنا صورتها علي الinstagram انبارح و كاتبه english qoute ..
ندي : هاها
***
ده الي بقي بيحصل دلوقتي ..
ابقي فاكره نفسي صاحبتهم و اسلم عليهم
و لما اديهم ضهري يقعدوا يسفوا عليا ..
للاسف كميه النفاق عماله بتزيد ..
يعني زي صاحبتنا نور ..
نور دي بتحب ندي و الاء اوي ، و بتحكيلهم علي كل حاجه .
ندي و الاء بيوروها قد ايه هما بيحبوها و لما تمشي و تسيبهم يقعدوا يتريقوا عليها ..
طب ليه ، ليه نتريق علي الناس من ضهرهم ..
انا شايفه ان مش نور هيا الي ضعيفه انها حبت ناس غلط ..
انا شايفه ان ندي و الاء هما الي ضعفه عشان لو كانوا اقويه مكنوش استنوا لما نور تمشي و بعديها يتكلموا عنها وحش ..
ف النهايه خلينا ناخد بالنا من الناس و احنا بنتعامل معاهم اه مش كل الناس كده طبعا
بس ياريت احنا منبقاش زي الصنف ده ..