OVERTHINKING [#Wattys2016]

chapter 19.

ببقي ماشيه ف الشارع و بشوف وشوش كتير .
و كل وش وراه حكايه ، ببقي نفسي اتعرف علي الناس و اتكلم معاهم عادي
و نفسي اسمع حكايه واحد واحد .
انا لو سمعت حكايه كل واحد بشوفه ف اي حته بس انا معرفوش ، حلاقي انه كافح ف حياته ، سعات بعتبر ان الناس العاديه دي مشاهير ، عشان بيقاوموا حاجات كتير .
الاب الي ممكن يقعد باليومين مياكلش عشان يأكل عياله عشان يادوب الاكل ميكفيش الا فرضين ، مع انه تعب عشان يجيب الفلوس اصلا ، بس هوا حيتخلي عشان خاطر ولاده "الجيل الجديد" يبقوا كويسين صحيا.
الام الي جوزها مات و معاها اربع اطفال و ربتهم واحد واحد و اشتغلت و صرفت عليهم و تعبت عشان تبقي اب و ام ف نفس الوقت ، ممكن واحد من ولادها يطلع دكتور و يعمل مستشفي زي 57357 مثلا ، و التاني يطلع مذيع ممتاز و التالت ممهندس و اوروبا رشحته انه يكون احسن مهندس ف الشرق الاوسط
الفكره هنا ان الناس المشهوره دي متشهرتش كده دي اتشهرت ب تعب الاب و الام
فا الناس لكا تشوف حد مشهور ، ياريت حطوا ف اعتباركوا ان كان في حد ورا النجاح ده ، حد بيزق الي نجح ده لما كان بيحس بالفشل ، حد تعب عشان يوفرله تعليم
وراء كل شخص عظيم اب كافح من اجله.
وراء كل شخص عظيم ام كافحت من اجله.