OVERTHINKING [#Wattys2016]

Chapter 4

انا عاوزه اعمل حاجه تفيد البلد .. انا هغير الناس

-انتي عبيطه؟ عمرك شفتي حد ف سنك بيقدر يعمل حجات تغير الناس .. ي بنتي انتي صغيره اركني علي جنب دلوقتي ... لما تكبري ابقي فكري ف الموضوع ده .

و دي كانت بنت طموحه عندها 14 سنه ..

كانت بتحب تسعد الي حوليها ... كانت بتحب انها تكون حاجه مؤثره

كانت كل ما تقول ل حد علي طموحها يقولولها انها صغيره (مش عشان يكسروا احلامها..ده عشان هما شايفين ان السن الصغير مبيعرفش يعمل حاجه)

هيا حبت تقنع نفسها انها تقدر تعمل حاجه ..

عملت challenge لنفسها و قالت تدخل مسابقه احسن صوت ..

دخلت و كل الي الحوليها مكنش مقتنع انها هتفوز ..

هيا دخلت و كل الي كانت بتنافسهم كانوا اكبر منها مابين ال16 و ال17 سنه ..

دخلت و خرجت .. و تبهر كل الي حوليها أنها فازت علي كل الي اكبر منها (عشان كان صوتها اقوي و احلي منهم).

هنا اقول ان السن الصغير يقدر يعمل كتير .. معظم الجيل الصغير ده عنده مواهب كتير اوي ، بس في مشاكل بتقابلهم:

اولا : ان هما مش عارفين يودوا الموهبه فين

ثانيا : ان مافيش خامات او اي مساعده

ثالثا : مفيش حد بيشجعهم ،فا بالتالي الجيل هييأس ، فا بالتالي هيوقف تدريب علي الموهبه ، و ده هيخلي الموهبه تختفي مع الوقت ..

و في مواهب مجهوله ..

ممكن يكون الولد عنده موهبه بس محدش ملاحظها ولا هوا نفسه ملاحظها ..

دايما دور جواك .. في حاجات كتير انت لسه مكتشفتهاش ف نفسك ..

كل الي يتعمل انك تدي وقت ل نفسك .. تأمل ف نفسك ..