OVERTHINKING [#Wattys2016]

Chapter 6

كنت راكبه المترو انبارح و قاعده سرحانه ..

بنت جنبي جانت قاعده علي حجر مامتها ..

بصيت للبنت و ابتسمتلها

البنت بصتلي كذا مره بس بأستغراب .. كنت برد علي بصاتها ب ابتسامه

كنت كل ما ابتسم هيا تبص ف الارض و تلف وشها الناحيا التانيه ..

فضلت متبصليش لمده نص دقيقه ..

فجأه لاقيتها بتقولي "انتي تعرفي اني عندي قطه؟"

و من هنا بدأت تتكلم معايا ..

اسمها لوجين ، قالتلي انها ف kg1 و مش بتحب مدرستها

تخيلوا kg1 و بتكره مدرستها!!

قبل ما امشي قلتلها "انا عاوزه اخد شعرك ده معايا و انا مروحه "

ضحكت و حطت اديها علي شعرها و قامت قايلالي "اتفضليه بس هوا مش بيتشال"

*اول مره طفله تقولي اتفضلي .. سألت اطفال قبل كده نفس السؤال قالولي لأ ده شعري*

انا بعتبر الابتسامه دي لغه .. و دايما الابتسامه بتدي للقدامك راحه + ان يبقي نفسه يبدأ كلام معاك ..

الابتسامه دي بتبقي ثواني بس سعات بتبقي هيا السبب ف تكوين صداقه لمده سنين