OVERTHINKING [#Wattys2016]

chapter 10

كنت ماشيه ف الشارع، سمعت صوت الاب بيزعق
-انا مش قلتلك نوديهم مدارس تجريبي !!
-بس الولاد كده مش حيتعلموا كويس .. و لا حيتربوا كويس
-مش مهم ..
-لأ مهم
-انا الي اقول مهم ولا مش مهم ..
***
-في ايه ي بابا ؟
-مفيش ي حببتي .
-اكيد في انا سمعاكوا من الاوضه بتعتي .
-كنت بقول ل امك اننا هنحولكوا مدرسه تانيه .
-ايه!! . لا انا مش عايزه
-لأ هتعوزي غصب عنك ..
-ي بابا انت تعرف انا بقيالي 9 سنين ف المدرسه دي و مصدقت كونت صداقات السنه دي
- مفيش نقاش ف الموضوع ده .
-ي بابا انا مش عاوزه اروح ف مدرسه تانيه ! ..انا بحب المدرسين بتوعي .. بحب الناس الي ف المدرسه .. انا بحب مدرستي !! ..
-بكره اوراقك هتروح للمدرسه تلتانيه فيش كلام تاني خلاص
-لأ !!!!!
-اخرسي ! ..الموبيل مسحوب منك ل مده اسبوع.. لو نطقتي ف الموضوع ده تاني مش هتشوفي الموبيل ده ل اخر السنه !! ..
***
ف الاول كان حوار مابين الاب و مراته
الاب مش راضي يسمع مراته بتقول ايه .. مراته بتتناقش معاه بس المشكله انه مصر علي رأيه .. الاب شايف نفسه انه صاحب البيت فا حقه انه يفرض اوامر منغير ما يسمع رأي باقي الاسره .. فضل يزعق ف مراته عشان يسكتها .. و لما جت بنته بدأت معاه كلام ف نفس الحوار ، فضل يهددها لو مسكتتش ..
احيانا الاب و الام بيفرضوا عاي ولادهم حاجات ، بس ولادهم بيبقي عندهم وجه نظر مختلفه و لما بيجوا يتكلموا البيت كله يبدأ يزعق ، الاطفال (الجيل الصغير) رافضين فكره الاب و الام (الجيل الكبير) ، و لما يبدأ الجيل الصغير انه يتكلم و يقول وجهه نظره يبدا الجيل الكبير يهدد الجيل الصغير بالحاجات الي بيحبوها لو مسكتوش ..
المشكله ان الجيل الكبير معظمه كبريأه عالي اوي ، فا مبيديش فرصه للصغيرين انهم يعترضوا .. و ده خلي الجيل الصغير ميعرفش يعبر عن نفسه ، لانه لما بيبتدي يعبر عن نفسه صوت الاب و الام بيبدا يعلي و الاطفال صتهم يعلي و محدش بيسمع حد ف الاخر.
المفروض كل اسبوع الاسره تتجمع ف مكان واحد و يتكلموا مع بعض .. كل واحد يقول وجهه نظره من اول الاب لحد اخر عنقود ف الاسره (اصغر حد).
كده الاطفال هيسمعوا وجهه نظر ابوهم و ابوهم هيسمع وجه نظرهم و يحاولوا يتناقشوا بهدوء لو في اعتراض ..