وقفنا عند رحمه ومكه لما دخلوا غرفة المدير وشافوا عمر
رحمه باندهاش : عمر !!
عمر كان واقف بيعمل ف ورق والسكرتيره واقفه ومقربه منه جداا ولمست ايده ع دخول رحمه ومكه انتوا متخيلين صح ! المهم السكرتيره بعدت عنه بسرعه
السكرتيره : عن اذنك يا فندم
وعمر مردش ... دخلت رحمه بسرعه شديده ووقفت قدام عمر وبغضب : ده ايه ده بقا اللى يا استاذ عمر
عمر متجاهل اللى حصل ببرود : ايه ! ( احنا عارفين عمر بارد )
رحمه بتزعق : والله !! انت مشوفتش كانت قريبه منك ازاى لا وماسكه ايدك وانت سايبها كده عادى
عمر ببرود برده : هي مين دي ؟
رحمه : لا ولا حاجه يا عمر خليك خلص اللي وراك وتعالي عشان مستنينك .. وهي ماشيه بيبص ع الباب لقا مكه موجوده وعنيها كانت ع وشك العياط
مكه كانت مستغربه من نفسها هي عيطتت ازاى وليه متعرفش غير انها لقت دموعهها نازله لوحدها
رحمه نزلت بسرعه ومكه بصت لعمر بصه قاسيه جدا ونزلت ورا رحمه ... طول الطريق بتحاول تهدى ف رحمه وتحاول تفهمها انه ممكن يكون سوء تفاهم بس رحمه مش مستوعبه اى حاجه وعماله بتعيط
رجعوا البيت وحاولوا يبينوا ان محصلش حاجه
مامة رحمه : ها قولتولوا
مكه : لا يا طنط مكنش موجود هناك
ورحمه ساكته خالص
مامة رحمه : ازاى بس اماال راح فين
مكه خدت رحمه ودخلوا قعدوا ف اوضة مكه
رحمه : انا مش مصدقه اللى شوفته
مكه : متحكميش حكم قاسي كده ي رحمه احنا منعرفش ايه اللى حصل
رحمه : ازااى بس ي مكه واللى شوفته ده كان ايه ومشوفتيش كان باارد ازاى
مكه : اهدى بس ي حبيبتى اهدى لحد م تتناقشوا ف الموضوع وكل حاجه هتتحل وبعدين م عمر طول حياته بارد ايه الجديد
ابتسمت رحمه ومسحت دموعها ف ديماا مكه بطلعها من حزنها و بتقدر تفرحهها وتلاقي لكل مشكله حل ربنا يديم صحوبيتهم
خلصوا العزومه وعمر مجاش وميعرفوش عنه حاجه بس مراد كلمه ولقا تلفونه اتفتح وقاله يروح ع بيت مراد وكده وراح عمر ودخل
عمر : سلام عليكم
كلهم ردوا عدا رحمه ومكه وسلم عليهم الا برده رحمه ومكه
دخلوا مكه ورحمه البرندا والبرندا كبيره جدا وحلوه اوى والجو فيها تحفه وقعدوا يتكلموا شويه وفجاه عمر دخل
عمر : رحمه عاوز اتكلم معاكي شويه
مكه : طب عن اذنكم وخرجت مكه
رحمه : خير اظن مفيش حاجه مفروض تتقال بعد اللى شوفته انهارده
عمر : بس واسمعيني .. اللى حصل سوء تفاهم دى سكرتيره مش محترمه وهي اللى كانت بتقرب عليا كده واظن انتى اكتر وحده عارفه انى مليش ف الحاجات دى ابدا
رحمه : والله اللى اعرفه انها بدل مش محترمه تنطرد وغير كده كنت سايبها تقرب منك ليه هاا ولا كنت فاقد حاسة الاحساس ساعتها
عمر : رحمه اهدي واتهدي اقسملك بالله انى م كنت واخد بالى من اى شي وكنت مركز جدا ف الورق
رحمه : ماشي ي عمر
عمر : صافي ي لبن
رحمه : حليب ي اشطا بس لما تيجي تروح ااشركه مش هسيبك وهاجي معاك
عمر : هه طيب ياختى انا معرفش انا بتناقش معاكي ليه اصلا اما اطلع من وشك .. لسه طالع خبط ف مكه وبعدين اعتذرلها انه خبطها مردتش عليه ودخلت لرحمه
رحمه : انتى صح يا كوكتي الحلووه احنا فهمنا غلط وشرحتلها كل حاجه الاتنين فرحوا ان مكنش فيه حاجه وكملوا اليوم بسعاده .. العزومه خلصت واليوم خلص ومشيوا . كل واحد فيهم كان مشغول بحاجه معينه زي مثلا مكه مكنتش مشغوله بحاجه دى بارده زي عمر كده ومثلاا رحمه كانت بتفكر ف مراد مش هكدب عليكم هما الاتنين كانوا بيفكروا ف بعض بس نص ساعه وناموا وعمر ولاول مره فكر ف مكه كتير اوى زى مثلا ليه عيطتت والنظره اللى بصتهاله ف الشركه وف البيت يا ترا في ايه فكر شويه وبعدين نام
اليوم التاني بدا وبداية اسبوع جديد ممل ورخم وكليه ومزاكره وبلاب بلا ... طبعاا كانت اخر سنه ف هندسه لعمر ومراد وكانوا هيتخرجوا مع بعض والسنه قربت تخلص وحفلة التخرج قربت
بعد شهريين ....
يوم حفلة التخرج وكلهم جايبين لمراد وعمر هداية خلينا نذكر هدية رحمه لمراد وهدية مكه لعمر
رحمه : (بصوت واطى ) خد ياك يطمر .. احم احم الف مبروك ي مراد
مراد : (بصوت واطى برده ) لمضه طول عمرك .. احم الله يبارك فيكي ياترا ايه دى قنبله
رحمه : هاهاها ظريف 😒 افتح وانت تعرف
مراد بيفتح لقاها ميداليه مكتوب عليها (البشمهندس مراد) والميداليه فضه يعني غاليه : الله زوقك حلو ي مفعوصه شكرا بجد يا رحمه حلووه اوى
رحمه : اى خدعه غاليه دى 😂😂 هات عشه جنيه بقا
مراد : اتكلى ع الله
واتكلموا شويه وخلاص .. خلينا ف عمر ومكه
مكه : اتفضل يا بشمهندش الف مبروك
عمر وحس احساس اول مره يحسه مهو معندوش دم ف غريب عليه : في نفسه : ( احلى بشمهندس سمعتها ف حياتى ) مكه بجد شكرا الله يبارك فيكي عقبالك بس ايه دى
مكه : افتحها وهتعرف
عمر فتحها لقاها ساعه الفضه برده ام 2000 جنيه دي اه والله افترا
عمر : الله يا مكه زوقكك تحفه بجد وكلفتى نفسك شكرا ي دكتووره
استغربت وانتفضت لما سمعت كلمة دكتوره يااه لسه فاكر انها نفسها تعمل دكتوراه وتبقا دكتورة تحاليل
مكه : يارب تكون عجبتك
والحفله خلصت وكله انبسط وبلوا الشربات اليوم اللى بعديه هيبقا يوم فظيع ... صحيوا كلهم وكانت اجازه اخر السنه كل عيله ف بيتها اتفاجئ ابو مكه باتصال رقم غريب
ابو مكه : سلام عليكم
الشخص : عليكم السلام ازى حضرتك .. انا كنت عاوز اجي اتقدم لبنت حضرتك مكه بشكل رسمي حبيت استاذن حضرتك ع ميعاد
ابو مكه بيبص لمكه وبيضحك : اكيد ي بنى تنور انهارده ف اى وقت
الشخص : ماشي يا فندم شكرا لحضرتك
قفلوا مع بعض وابو مكه بصلها وقالها : مبروك ي قلب ابوكي جايلك عريس
مكه مصدومه وشعورها مختلط بين حززن وفرحه ومتعرفش ليه : 😳 وبعدين قامت دخلت اوضتها
باباها : ابتدينا نتكسف اهو
جه العريس باليل وكلهم جاهزين دخل هو واهله واتكلم مع باباها عن شغله والبيت وكده
مكه بتبص من الخورم بتاع الباب اتفاجئت ب محمد اللى كلمها ف الكليه وكان عاوز رقم باباها
طلعت مكه وسلمت ع كل الموجودين وجه يمدلها ايديه
مكه : اسفه مبسلمش
محمد اتضايق من التصرف ده بس حاول يتخطاه عشان الموضوع يمشي
خلصوا القعده واتفقوا ان مكه واهلها هيفكروا واللى فيه الخير يقدمه ربنا
مكه لمامتها : انا مش مرتاحه ي ماما مش موافقه
مامتها : طب بس فترة خطوبه ي بنتى وبعدين قرري ده الراجل ميتعيبش
مكه : متغصبونيش والنبي
مامتها : مش هنغصبك ع حاجه بس فكري ده هي خطوبه بس ده انا مصدقت انك وافقتى تقابلي عريس من اللى بيجي
مكه كانوا بيجولها عرسان كتير بس كانت رافضه الفكره تماما
مكه : خلاص ي ماما هفكر
مامتها : ماشي ي حبيبتى .. وسابتها سارحه ف ملكوتها
جه ع بالها عمر ي ترا هيكون ايه موقفه !!!
ويتبع ...
_________________________
خلص البارت بتمنى يعجبكم
بااي
أنت تقرأ
" قلبــُكِ لــي وحدي " (مكتملة)
Romance''' الحب كنجومِ السماء جميلة وهادئه ولكن ان اقتربت ستحترق '''.. "لا يعلمان انهما يحبان بعضهما كل منهما كبريائه يمنعه من قول الحقيقه او حتي مصادقة نفسه بها .. تعالوا نشوف الابطال ازااي وايه رايهم بالحب "
