وقفنا البارت اللى فات لما رحمه كانت بتحكي لمكه عن الشخص اللى حب رحمه.. مواصفات رحمه ( بيضاء البشره ذات عيون واسعه في كلية العلوم بس ف كليه غير كلية مكه ف بلد تانيه يعنى .. قصيره ورفيعه وفائقة الجمال )
رحمه : بصي ياستى وانا ف الكليه مره وحده لقيت واحد وقفنى وقالى انه بيحبنى ومعرفش حاجه عنه غير انه اسمه احمد بس انا بصتله بقررف ومشيت وبيني وبينك انا مش طيقاه
مكه : طب لو بيحبك بجد هيجي ع بابكم ويخبط ياروحي ف متشغليش بالك وسيبك منه قطعت المكالمه دخول مراد اخو مكه مواصفاته ( طويل وابيض البشره عنده لحيه ووسيم جدا وف كلية الهندسه مع عُمر )
مراد : بتكلمى مين يا حساسة الكون يا رقيقه 😂
مكه : وانت مالك يا رخم *بتمسكه من قفاه وبتذقه ع برا * اطلع برا ياض براا معرفش انا ايه ده بلاوي بتتحدف من كل حته
مكه لرحمه : معلش ي بنتى منتى عارفه مراد
رحمه بضحكه : ههههههههه طبعآ عارفاه
مراد بيدخل تانى : طردتيني بس انا معنديش دم وهدخل تانى 😂 ( دمه خفيف ماشاء الله ) هااه بتكلمي مين بقا ؟
مكه : بكلم رحمه واهدا كده هاا اهدا
(مراد بيشوف رحمه صدفه يعنى كل شهر او اسبوع كده يعنى ) قلبه دق بسرعه ع سماع اسم رحمه وميعرفش ليه
مراد : رحمه اااااه طب ابقي سلميلي عليها
مكه لرحمه : مراد بيسلم عليكي
رحمه نفس الحاجه قلبها دق بسررعه شديده وبعد ثوانى ردت : احم الله يسلمه سلميلي عليه كمان
مكه : طيب ياحبي انا مضطره اقفل بقا مش عاوزه حاجه ؟
رحمه : لا ياروحي بااي
مكه : بااي
قفلوا مع بعض وكل شخص فيهم تايهه ف احلامه اقصد مراد ورحمه اما مكه وعُمر ف ولا اى اندهاش
مراد دخل لغرفته وقبل م ينام فكر شويه (بس مش هقلكوا ف مين 😂😂 عشان انا معرفش ) وبعد كده نام ورحمه نفس الحاجه اما مكه ف نامت ع طول
في صباح يوم جديد نزل كل واحد ع كليته
وكانت رحمه مقرره تنقل كليتها مع مكه وكانت قدمت الورق واتقبل انها تنقل وكانوا مكه ورحمه ف غاية السعاده انهم هيكونوا مع بعض ف هما الاتنين ملهمش غير بعض اصلا
دخلوا وخلصوا محاضرتهم وخرجوا وهما ماشيين واحد وقف قدام مكه وقالها التالى
الشخص اسمه محمد طويل القامه وجسمه منسق جدا ووسيم جدا
محمد : بقولك ايه يا آنسه مكه
مكه : .....
محمد : آسف وقفتك بس انا عاوز اقول انى معجب بيكي جداا وكنت عاوز رقم باباكى
مكه متنحه وباصه للارض وبوقها وعنيها من كتر الدهشه هيوقعوا بعد شويه وبعد م ادركت الموقف
مكه بتشد رحمه : يلا يا رحمه عشان متاخرين
محمد : ايه البت دى بس اشطاا وراكي وراكي
رحمه لمكه بعد م مشيوا من قدام محمد : اوووبا هااار ابيض يا جماعه انا اول امبارح وانتى انهارده بس الواد شكله واقع
مكه ووشها بقا طماطمايه : بس ي بت انتى
رحمه : ماشي ياعم اتقل هو حد قدك
مكه : يلا ي زفته
روحوا وكان يوم خميس نهاية اسبوع رخم وشاق عليهم وقرروا يخرجوا بس عقبال م رجعوا الوقت كان اتأخر والشباب اخواتهم مرضيوش ينزلوهم وحدهم ونزلوا كلهم عمر ورحمه ومكه ومراد اتقابلوا وقعدوا ف كافيه ع النيل
رحمه : الله الجو توحفه يااه لو كل الايام خميس وف نفسها : ( ولو كل مره نتاخر عشان تنزلوا معانا تقصد مراد وعمر 😂)
مكه : الجو حلو اوى فعلا والبحر بيريح النفسيه وببهدينى جدا
مراد : طيب يا مرهفة الحس انتى وهي ممكن هدوء بقا شويه
عُمر بعد صمت وزى منتوا عارفين مبيتكلمش بسهوله : والله معاك حق يا مراد الستات دى رغايه رغي ( ياريته م اتكلم 😡 )
رحمه : والله بقينا رغايين دلوقتى ابقا شوف مين هيعملك الاكله اللى بتحبها والكابتشينو اللى كل ثانيه بتشربوا يا عمر بيه هه
عمر : لا يا حبي ده انا مقصدش ده انتى حتى هفتانه بقالك فتره ومبتتكلميش خالص
رحمه : هاهاهاها اه جيب ورا كده
بدات مكه ورحمه يسرحوا ف البحر ويفكروا ف موضوع الاتنين اللى وقفوهم وقالولهم انهم بيحبوهم دول وعمر ومراد بداو يتكلموا عن الكليه والحياه ويهزروا ويضحكوا وفجاه سكتوا ولاحظوا شرود مكه ورحمه
مراد : بسسست مكه مكه
مكه بعد م رجعت للواقع : هاه
مراد : هاه ايه انتى موتى اكلينيكيا ولا ايه اللى واخد عقلك
مكه : ولا حاجه
عمر : رحممه يا رحممممه
رحمه بعد م فاقت من شرودها : ها ايوه
عمر : ايوه ايه بس ده انتى ميئوس منك
رحمه : معلش ي حبيبي بكره تخف 😂😂 ( دبش رحمه ماشاء الله )
وبعد شويه قاموا مشيوا وهما خارجين قابلوا الاتنين اللى كلموهم ف الكليه رحمه ومكه تنحوا وبصوا لبعض والولدين طلعوا اصحاب كمان وبصوا لمكه ورحمه وضحكوا .. رحمه ومكه مشيوا بسرعه ومن سرعتهم اتكعبلوا ولسه هيوقعوا عمر سند مكه بسرعه ومراد سند رحمه ( هاااح عالرومانسيه )
عمر لمكه وهو لسه ماسكها : انتى تمام ؟
مكه ووشها احمر رجعت لورا : اه تمام شكرا
مراد لرحمه : كويسه ي رحمه ؟
رحمه بعد م سندت ورجعت واقفه : اه كويسه بصوت واطي شويه : موقعتش من الدور السابع يعنى
مراد وهو ماشي : سمعتك
وبعدين روحوا وكلهم بداوا يفكروا ف اللى حصل
بس عمر نام ع طول وقال وانا هشغل نفسي ليه وانخمد
صحيوا تانى يوم وهو الجمعه وكانوا اهل رحمه وعمر معزومين عند اهل مكه ومراد
نزلت مكه تجيب طلبات لمامتها وطلعت ورن الجرس وكانوا اهل رحمه وعمر وصلوا بس كانت رحمه ومامتها وباباها بس .. سلموا كلهم ع بعض
مامة رحمه لمكه : مكه معلش ي حبيبتى تروحي انتى ورحمه لعمر ف شركة باباه لان باباه كان مخليه يودى ورق ونسينا نقوله اننا جايين هنا والموبايل بتاعه مقفول
مكه : حاضر ي طنط يلا يا رحمه
لبست مكه ونزلوا راحوا الشركه بتاعة ابو عمر وخبطوا ودخلوا اوضة المدير اللى هو ابو عمر وفجأه وقفوا
رحمه : عمرر !!!
ويتبع ...
~~~~~~~~~~~~
نهاية البارت 😃😃 يارب يكون عجبكم وطويل اهو
توقعاتكم للبارت الجاى وياترا مكه ورحمه شافوا ايه خلاهم اندهشوا كده ؟!!
مستنيه ارائكم وتوقعاتكم
بحبكم بااي 😘😘
أنت تقرأ
" قلبــُكِ لــي وحدي " (مكتملة)
Romance''' الحب كنجومِ السماء جميلة وهادئه ولكن ان اقتربت ستحترق '''.. "لا يعلمان انهما يحبان بعضهما كل منهما كبريائه يمنعه من قول الحقيقه او حتي مصادقة نفسه بها .. تعالوا نشوف الابطال ازااي وايه رايهم بالحب "
