مكه ببكاء : قالي انه مش هيخليني اشوف يوم حلو ف حياتي بعد انهارده... وهددني
قامت رحمه وحضنتها بسرعه وبدات تواسيها في حين ما مراد وعمر بيفكروا هيعملوا ايه
تعالوا نسيبنا منهم ونفلاش باك كده 👇
يوم حفلة تخرج مكه ورحمه لما عمر اعطى الهديه لمكه وكان معاها ورقه وقالها انها متفتحهاش الا لما تروح عالبيت واول م روحت وفتحت الورقه وجدت هذه الكلمات عليها : "ضحكتك بتخلص اي حزن ناوي يبتدي ... انتي اميرتي " مباارك التخرج ... عُمر.
ابتسمت في سعاده فائقه وبدات تقفز وتقفز ثم ادركت انها هبله ف جلست مره اخري وظلت تقرا بالورقه الي ان نامت في ثبات
نفلاش باك تاني 👇
مكه حاولت تتذكر صوت الشخص اللي كان بيحاول يخطفها مرارا وتكرارا تحاول وتحاول لكن لا فائده وكان عمر ومراد ورحمه ملتفون حولها هي مازالت بالمشفى ساد الصمت بتفكير كل الجالسين بما يحدث وقطع الصمت صوت رحمه
رحمه بروحها الخفيفه الدعابيه : يا جماعه اظن التفكير هيطول وانا جوعت شممقن كده والله انا هنزل اجيبلنا اكل وهطلع وكانت تنهض
قاطعها مراد : نعم ياما واحنا ايه هنا ارايل لنكون شفافين ولا حاجة
مكه : خلاص يامراد انزل معاها ومتسبهاش لوحدها
رحمه : ملهوش لزوم امراااد هنزل واطلع بسرعه لو اتخطفت هبقا اقولكوا
قام مراد ومسكها من قفاها بطراطيف صوابع ايده زي الدبانه
مراد : قدامي ياا به قداامي
رحمه : انت ماسك صرصار م براحه اعم
مكه ضحكت ع منظرهم جداا وعمر كان ف عالم غير العالم مش مركز معاهم ابدا مكه لاحظت شروده بدات تصقف ف وشه : عمممر عممممر
عمر واخيرا عاد : هاه ... ايه ده فين مراد ورحمه
مكه : نزلوا يجيبوا اكل وطالعين
عمر بحنيه : انتي كويسه
مكه بابتسامه بريئه : الحمدلله كويسه ... شكرا ع وقفتك معانا
عمر قرب من السرير ومسك ايدها بررقه : مفيش شكرا دي خالص فاهمه انا مخلوق عشان اكون جمبك مكه عنيها هيطلعوا بره من الصدمه وبعدين بصوا بعين بعض لفتره لا يستطيع احدهما انزال عينه عن عين الاخر وقالت اعينهما مالم يستطيعوا قوله وقطعت اللحظه الرومانسية كالعاده رحمه... مكه شالت ايدها بسرعه وعمر رجع للكرسي ورحمه لاحظت ضحكت وقررت متتكلمش ودخلت حطت الاكل وطلع مراد
مراد : انت يابني اختك دي ايه ده جايبه اكل لشعب كامل
رحمه : نعم يابابا متاكلش انت الله وبعدين ده حاجه بسيطه جدا دي
مراد : كده بسيط امال لو عادي هتعملي ايه هتاكليني
عمر ومكه فضلوا باصنلهم وقاعدين يضحكوا رحمه ومراد لاحظوا اتكسفوا وقعدوا عشان ياكلوا
اكلوا كلهم وخلصوا وطلع مراد يسال الدكتور ممكن مكه تطلع دلوقتي والدكتور سمحلهم ياخدوها وطلعت مكه وخدوها عالبيت وقعدوا معاهم شويه وبعدين نشيوا رحمه وعمر ودخلت مكه ترتاح ف غرفتها لكن النوم كانوا اخد طياره ع اخر الدنيا ومش راجع ومكه بتحارب لتنام ومش عارفه وبدات تفتكر كل حاجه حلوه او وحشه حصلتلها الذكريات اللعينه بتاع قبل النوم وتتذكر حادثة الخطف وحاولت تجمع مين هو لكن بلا فائدة واخيراا دق النوم بابها فتحتله اكيد ده خدته بالحضن كمان ونامت في ثبات عميق
يوم جديد اسيقظت مكه وهي متعبه فلم يمر الوقت الكافي لتتعافى قررت ان تحارب المها وتصنع الفطور لمراد قبل ان يذهب لعمله
وبالفعل حضرت الفطور وايقظت مراد وقام مراد وقبل يدها فكان يعاملها مثل الاميرات وتناولوا الفطور سويا وتحدثا معا وضحكا ثم ارتدي ملابسه ليذهب للعمل
مراد : كوكا انا ماشي لو احتاجتي اي حاجة كلميني وانا هروح بس نص ساعة امضي ع اجازه وارجعلك
مكه : ماشي ياحبيبي بس اجازه ليه
مراد : والله تقريبا كده في وحده زي اختي تعبانه ومفروض اني مسبهاش
مكه : ههههههههه لا يا مراد مفيش داعي انا هكون كويسه بالله عليك ورحمة بابا وماما متاخد اجازه ده شغلك مينفغش تسيبه
مراد : مكه!! مينفعش كده صدقيني انا مينفعش اسيبك وانتي بالحاله دي وبعدين تاني مره مسمعكيش تحلفي برحمة ماما او بابا فاهمه
مكه : حاضر وبعدين مالي ياخويا منا زي القرد اهو ومسكته من قفاه ويلا بقاا براا عشان مش فاضيين
مراد وهي تخرجه : طب ليه العنف يا مكه ياحبيبت البي
مكه بضحكه : هههههههههههه اطلع ياض بره
وقفلت ف وشه
مراد من الخارج بصوت عالي لتسمعه : خدي بالك من نفسك
مكه : حاضر وانت كمان
ومشي عمر وفضلت مكه لوحدها بالبيت اتفاجات باتصال رقم مجهول
مكه : الو السلام عليكم
الشخص : وعليكم السلام ورحمة اللّه وبركاته
مكه اندهشت لما ادركت انه صوت عمر ومش عارفه تتكلم اتصدمت البت ياعيني
عمر : عامله ايه انهارده ؟
مكه بصدمه: انت جبت رقمي منين ؟
عمر : من بتاع الملامين
مكه وبتحاول تكتم ضحكتها : نعم!!!
عمر : مش هغلب يعني مش مهم الرقم المهم انتي
مكه ومازالت مصدومه : انا!!
عمر : في ايه يامكه انا بشتمك ولا ايه انتي مستغربه كده ليه
مكه : ها لا ولا حاجه
عمر : عامله ايه انهارده احسن؟؟
مكه بابتسامه : اه الحمدلله تمام
عمر : طب مش محتاجه اي حاجة
مكه : ربنا يخليك يا عمر لو احتاجت اكيد هقولك
عمر : تقريبا بحب اسمي بس اول م انتي تنطقيه 😍
مكه : .......... لا رد
واتفاجات الباب بيخبط وهي مش مركزه ف فتحت من غير حتى ما تشوف مين واتصنمت ف مكانها اول م شافت اللي ع الباب وحاولت تقفل لكن قوته اكبر من قوتها
الشخص : هاهاها وقعتي ف يد من لا يرحم انا بقا هوريكي ودخل وقفل الباب وراه حاولت تفلت هو كعبلها وقعت وبدات تصرخ
مكه : عممممر الحقني يااا عممر
عمر نهض سريعا من عالمكتب : مكه مكككه ايه اللي بيحصل ورما الموبايل وجري بسرعه ع تحت لسيارته وانطلق بسرعه شديده
مكه واقعه ع الارض والشخص المجهول لسه هيشلها لياخدها العربيه خبطته ف بطنه بسرعه وقامت تدخل غرفتها وحاول تقفل بس وضع رجله بالداخل ولم تستطيع اغلاق الباب وحاول التقرب منها
مكه ببكاء وانهيار وصراخ : انت ايه يا اخي مبتزهقش حراام عليك بقا سيبني ف حالي
الشخص : اسيبك هاهاهاهاها لا ضحكتيني بقا انا يابت تسبيني وتخلي اخوكي الشحط يجي يرميلي الدبله ف وشي
مكه بصراخ : الحقوننني وبدات تصرخ اقترب محمد وكتم فمها
محمد : ابقي قابليني لو حد سمعك ومسك شعرها بشده مما جعلها تصرخ
محمد : بصي يابت انتي هتجوزيني ع سنة الله ورسوله ولا هتستفزيني اعمل حاجات مش كويسه هتندمي عليها
مكه : انت مفكرني هوافق عليك انت ده بعينك روح ربنا ياخدك تفووو
محمد وقد استشاط غضبه ومسح وجهه وامسكها من شعرها وضربها ع وجهها
وصل عمر وصعد باقصى م يمكن لمكه وبدا يطرق ع الباب لكن لارد وصوت مكه تصرخ فقط كاد يججن فكسر الباب ودخل سريعاا وجد محمد ممسكا بشعر مكه فكاد يموت من الغضب ذهب واخذ مكه وراءه وظل يضرب به واسقطه ارضاا حتى اغشي عليه
ذهب ليتصل بالشرطة فخرج سريعا وجد مكه تاتي من الغرفه والدماء تخرج من انفها وجريت ارتمت بحضن عمر...
يتبع...
*************
خلص البارت
تفاعل بقا يا حلوين عشان انزل ع طول
يارب يعجبكم
#zainab... ♡
أنت تقرأ
" قلبــُكِ لــي وحدي " (مكتملة)
Romantik''' الحب كنجومِ السماء جميلة وهادئه ولكن ان اقتربت ستحترق '''.. "لا يعلمان انهما يحبان بعضهما كل منهما كبريائه يمنعه من قول الحقيقه او حتي مصادقة نفسه بها .. تعالوا نشوف الابطال ازااي وايه رايهم بالحب "
