يوسف: ينفع افهم ايه اللي حصل
نهي (وهي بتعيط ومنهارة): اصل سارة كانت مع احمد
يوسف: احمد بتاع الحادثه طب انتي عرفتيه ازاي
نهي(وهي بتعيط اكتر): اصل احمد دا حب عمري يا يوسف الوحيد اللي دخل قلبي وحبيته وهو كان بيحبني عشت معاه اجمل لحظات حياتي يا يوسف كان الشخص الخفي اللي في حياتي مكنش حد يعرف عننا حاجه حتي سارة كنت بحبه اوي اوي وفجأه اختفي من حياتي ومبقتش عارفه اوصله لاننا كنا بنحب بعض ومن وانا في تانيه اعدادي واختفي في تانيه ثانوي وسابلي رساله بيقولي انه كان متراهن مع صحابه عليا بس هو حبني بجد ومقدرش يستحمل انه يجرحني او يشوفني وانا منهارة فاختفي انت متخيل الانسان الوحيد اللي حبيته عمل فيا كدا لما شوفته كان نفسي اجري عليه واحضنه لما شوفته نسيت كل اللي عمله فيا بس اتشليت ورجعت وجيت هنا عارف المكان دا كنا بنزوغ من المدرسه ونقعد فيه حبيته اوي يا يوسف ولسه بحبه
يوسف كان بيسمع كل دا وهو مش مصدق وحس بحاجة غريبه جواه مش فاهم ايه هي بس لما شافها زادت في العياط مقدرش يشوفها بتعيط وراح واخدها في حضنه وفضل يهديها نهي فضلت تعيط كتير اوي لحد ما نامت في حضن يوسف ويوسف فضل ساكت بس دوشة كبيرة جواه في 100 سؤال جواه بس مش عارف يتكلم وساكت وبس نرجع لسارة اللي كانت مع احمد بياكلو ولما خلصت شكرته علي العزومه وراحت علي الجامعة بس استغربت من عدم وجود مازن حضرت المحاضرات ورجعت علي البيت بس راحت تشوف مازن الاول ورنت الجرس محدش فتح ولسه هتمشي لاقت مازن فتحلها اتخضت من شكله
سارة: مالك يا مازن فيك انت تعبان ولا ايه
مازن: مافيش حاجه انا كويس
سارة(وهي بتحط ايدها علي راسه):يا نهارك اسود دا انت مولع
مزن: لا انا كويس
سارة: اتفضل اطلع قدامي علي السرير حالا
طلعته سارة ونزلت جابت مايه ساقعه وكمادات وطلعت تعمله كمادات وعماله تتصل بيوسف مبيرودش لانه عامل الموبيل سايلنت نرجع ليوسف ونهي نهي صحيت لاقت نفسها في حضن يوسف وكانت عينها محمرة ووارمه من كتر العياط ولما افتركت اللي حصل عيطت تاني
يوسف(رفع وشها ومسح دموعها)ممكن تبطلي عياط بقا
نهي: ح حاضر
يوسف(وهو بيحاول يخرجها من اللي هي في): قومي بينا من هنا بدل ما نتمسك فعل فاضح في الطريق العام
نهي ضحكت بصوت عالي
يوسف: ايوه كدا مش عاوز اشوف غير ضحكتك
راحو وركبو العربيه وهما سايقين لاقي واحد بيبيع غزل بنات ركن ونزل اشتري منه ورجع العربية
يوسف: اتفضلي يا ستي
نهي: انا بحبه اوي يا يوسف شكرا
يوسف: العفو
أنت تقرأ
سحر الحب
Romanceالسحر مهما كان نوعه عندما يتسلل ويدخل الي الانسان يتحكم به وبتصرفاته لا نستطيع السيطرة عليه ولا التحكم به وانا اخترت احد انواع السحر وهو سحر الحب الذي يختار القلب ويتسلل اليه ولان القلب يعتبر مركز الانسان ويتحكم به فيعتبر سحر الحب هو اقوي انواع السح...
