سحر الحب

الحلقة الثلاثون

سارة بصت للشباك وفضلت ساكته والمضيفه مظهرتش تاني ونزلو وخدو شنطهم واول ما وصلو البيت سارة طلعت علي اوضتها وقفلت الباب عليها وباسم اتعصب وطلع وراها ولما جه يفتح الباب لاقاه مقفول راح مزعق

باسم(بصوت عالي):افتحي الباب يا سارة

سارة:مش فاتحه

باسم:افتحي احسنلك يا سارة

سارة:مش فاتحه يا باسم

باسم راح كاسر الباب ودخل وسارة اتخضت

باسم:انا مش فاهم انتي مالك زعلانه ليه مش انتي مبتحبنيش مش انتي بتحبي شريف مش انتي متجوزاني وعايشين زي الاخوات كمان هتخنقيني ومش سيباني اعيش حياتي وانا اصلا معملتش حاجه حتي يا شيخه ولا قلتلك اتجوز عليكي واخد حقوقي من واحده تانيه وراضي ومتكلمتش لكن كمان مليش زنب وتقفشي وتزعلي بطلي انانية بقا عاوزاني جمبك وعاوزة تحافظي علي حبك لشريف كفايه بقا كفاية

باسم خرج من الاوضة وسارة قامت ولحقته ووقفته

سارة:خلاص انا اسفه انت عندك حق انا غلطانه وفعلا انانية اوعدك ان دا مش هيتكرر تاني

باسم:طيب خلاص سبيني اخرج انا مخنوق محتاج اتمشي شويه علشان اهدي

سارة:ماشي براحتك

خرج باسم ومركبش العربية وفضل يتمشي وحاول يهدي وعمال يفكر وسارة طلعت غيرت هدومها وقعدت مستنيه باسم وهي حاسه بالندم ومش عارفه تعمل ايه وعماله تفكر والنوم غلبها ونامت علي الكنبة وباسم رجع ولما شافها نايمة علي الكنبة زعل من اللي عمله وقرب منها ولسه هيصحيها لاقاها صحيت

سارة:باسم انت رجعت

باسم:اه انا

سارة(حطت ايدها علي بوقه):متكملش انا اللي غلطانه انا اسفه واوعدك مش هكرر الكلام دا تاني مقولكش انا عشت اسوء لحظات حياتي وانت برا ومش عارفه انت هترجع ولا لا انا مستعده اعمل اي حاجه بس متبعدش عني تاني

باسم(ِشال ايدها من علي بوقه وباسها):انا قلتلك مقدرش ابعد عنك

سارة قربت منه وباسته وهو ضمها ليه وباسها بوبعدها سيطر علي نفسه وبعد عنها

سارة:بعدت ليه

باسم:مش عاوز اعمل حاجه غصبا عنك ولا اخالف اتفاقي معاكي

سارة(مسكته من وشه):انت كل مره بتكبر في نظري يوم عن يوم

باسم(باسها من ايدها):طيب يلا ننام علشان ورانا بكره شغل ولا ايه

سارة:يلا

طلعو نامو وتاني يوم الصبح سارة صحيت وخرجت براحه من حضن باسم وقامت حضرت الاكل ولبست وكانت قاعدة علي التسريحه وبتلم شعرها لاقت باسم بيصحي من النوم قامت وسابت شعرها وقعدت جمبه وباسته من خده