خالد:طيب مضطر استأذن انا بقا
رنا:انا مش عارفه اشكرك ازاي
خالد:ولا شكر ولا حاجه دا شغلي عن اذنك
مشي خالد ورنا طلعت خدت شور ونامت والكل نام وتاني يوم رنا لبست ونزلت ولسه هتخرج
مازن:راحه فين بدري كدا
رنا:العياده انا ورايا مواعيد كتير جدا
مازن:طيب خدي بالك من نفسك
رنا:قشطه سولام
خرجت رنا ومازن وباسم وسارة ويارا فطروا
باسم:طيب انا عاوز اشوف بيت ليا وكمان عاوز ادور علي شركة اشتريها
مازن:البيت وشركة سهليين في كام عرض كدا هوريهملك واختار بينهم
باسم:قشطه
خلصو اكل وباسم اختار ونزل وشاف واشتري بيت وشركة واتصل بعمال ومهندس ديكور يظبطو البيت والشركة ورجع هو ومازن البيت وكانت سارة جهزت الغدا وكلهم وصلو وطلعو غيرو هدومهم ونزلو قعدو علي السفرة
رنا:النهاردة كان يوم متعب بشكل انا صدعت
مازن:حتي احنا كان يومنا صعب
باسم:لولا مازن مكنتش هعرف اعمل حاجه انا لاقيت بيت وشركة
رنا:مبروك حلو اوي بدأت شغل فيهم
باسم:اه كله تمام
رن الجرس
سارة:هقوم افتح
سارة راحت فتحت وكان يوسف ونهي والولاد دخلتهم وقفلت الباب
يوسف:احنا جايين نودعكم احنا طالعين علي المطار دلوقتي
نهي:هتوحشيني يا سارة
سارة(بدموع):وانتي كمان يا نهي هتوحشيني اوي
نهي:اوعي تكوني زعلانه مني
سارة:مش زعلانه منك بس هتوحشيني
سارة حضنت نهي وخدت الولاد تبوسهم ويوسف ودع الكل ومشيو وسارة طلعت علي اوضتها
باسم:هما مين دوول
رنا:يوسف يبقا صاحب مازن واخوه وعايشين مع بعض طول عمرهم ونهي تبقي اخت سارة وصحبتها وعمرهم ما افترقو علشان كدا سارة زعلانه اول مره يفترقو
باسم:اها
سارة كانت فوق وعماله تعيط بحرقة وحاسه ان كل اللي حواليها بيروحو منها واحد واحد قامت غسلت وشها وهديت ونزلت تقعد معاهم تحت وفجأة رن موبيلها وكان والد سارة
والد سارة:الو يا بنتي
سارة:قولتلك انا مش بنتك بتتصل ليه انت لسه مموتش
والد سارة:انا ربنا كاتبلي عمر جديد انا ومراتي وجنالك البيت لاقيناه مقفول كنت عاوز العنوان علشان اخد يارا
سارة:العنوان********
وقفلت
مازن:دا بباكي
سارة:اه جاي ياخد يارا يعني هي جت عليها
مازن:يعني انتي زعلانه انها هتمشي
سارة:اه طبعا يا مازن انا اتعلقت بيها بس خلاص مش مهم انا المفروض اكون جاهزة ان اللي جمبي دلوقتي هيمشي مش هقعد اعيط علي كل واحد هيمشي هطلع اجهزلها حاجتها
طلعت سارة وكانت بتجهز حاجة يارا
رنا:تقول مكتوب عليها اي حد يبقا جمبها يبعد كدا انا مش فاهمه
مازن:اظاهر كدا مفضلش غيري انا وانتي وخلاص
رنا:فعلا
باسم:وايه السبب انها بتعامل ابوها كدا
رنا حكتله هي ومازن وبعدها رن الجرس وكان والد سارة ومراته رنا دخلتهم في الصالون وسارة نزلت بيارا وحاجتها ويارا لما شافت والدتها جريت عليها وحضنتها
والد سارة:شكرا يا سارة انا كدا لو جرالي حاجه هكون مطمن علي يارا
سارة:متشكرنيش مهما راحت ولا جت للأسف بيربط بنا دم واحد عاوز حاجه تانيه
والد سارة:عاوزك تسامحيني
سارة:انسي واياك تفتح الموضوع دا تاني
والد سارة :بس
سارة:مبسش مش خدت بنتك انت ومراتك خلاص اتفضل مع السلامة
والد سارة خد يارا ومراته ومشيو وسط نظرات مازن ورنا وباسم
رنا:مينفعش تعملي كدا في بباكي يا سارة
سارة:اللي عملو مش قليل يا رنا انا هرجع بيتي انا مش هستحمل اقعد هنا اكتر من كدا
رنا:لا متسبنيش لوحدي وبعدين كدا بتستغني عني
سارة:خلاص هقعد معاكي انا هطلع فوق بقا
رنا:بقولك يا سارة ما تنزلي تشتغلي بقا
سارة:هبقا اشوف الموضوع دا
باسم:ايه رائيك تشتغلي معايا
أنت تقرأ
سحر الحب
Romanceالسحر مهما كان نوعه عندما يتسلل ويدخل الي الانسان يتحكم به وبتصرفاته لا نستطيع السيطرة عليه ولا التحكم به وانا اخترت احد انواع السحر وهو سحر الحب الذي يختار القلب ويتسلل اليه ولان القلب يعتبر مركز الانسان ويتحكم به فيعتبر سحر الحب هو اقوي انواع السح...
