سحر الحب

الحلقة الحادية والثلاثون

فجأة نورت لوحة مكتوب عليها اتحركي قدامي وادخلي من الباب

سارة فضلت تمشي براحه علشان خايفة تخبط في حاجه وفضلت تدور علي الباب ولما لاقته فتحت ولاقت يوسف ونهي واحمد ومازن ورنا وبلالين وتورتة وكلهم في نفس واحد

كلهم:كل سنها وانتي طيبه

سارة جريت وحضنت نهي ويوسف

سارة:انتو نسيتو اني انا ونونو عيد ميلادنا نفس اليوم ولا ايه

يوسف:لا يا حببتي بس احب احتفل بيه معاها لوحدنا دا عيد ميلادك انتي وباسم هو اللي عمله وخطط لكل حاجه

باسم جه ولابسها سلسله وباسها من خدها

باسم:كل سنه وانتي طيبه

سارة:وانت طيب

احتفلو بالعيد ميلاد سوا وكلو ورقصوا وبعدها طلعو علي الفندق علشان يرتاحو

سارة:فين الولاد يا نهي واحشني موت

نهي:كدا كدا انتوا معازومين عندنا بكره في البيت وهتشوفيهم

سارة قشطه تصبحي علي خير

نهي:وانتي من اهله

سارة دخلت لباسم وكان باسم بيلبس التي شيرت

سارة:باسم شكرا النهاردة كان يوم حلو اوي

باسم:متشكرنيش انا اللي يهمني اشوفك مبسوطه وبس هاه فتحتي السلسلة

سارة(وهي بتفتح السلسلة):ايه دا هي بتتفتح

سارة اتصدمت لما لاقت صورة شريف اللي في السلسلة وبصت لباسم

باسم (قرب منها):انا حطيت صورة شريف والناحية التانيه سبتهالك فاضيه علشان احترت احط نهي ولا مازن ولا ممتك ولا مين فسبتهالك انتي تختاريها

سارة(بدموع):انا انا مش عارفه اقول ايه

باسم(وهو بيمسح دموعها):اوعي تعيطي انا مش عاوز اشوف دموعك ديه ابدا ابدا ممكن

سارة(حضنته):ممكن طبعا

باسم:طيب يلا روحي غيري علشان ترتاحي ورانا بكره حاجات كتير

سارة:ورانا ايه

باسم:عزومة نهي وفسح وبلاوي بلاوي يلا يلا

سارة:طيب هدخل اخد شور وطلعلي بجامة

باسم(باستغراب ):بجامه

سارة:اه علشان اعرف افتح واتحرك احنا في فندق مش في البيت

باسم:اه قشطه

سارة دخلت خدت شور وباسم طلع البجامة وسارة خدتها منه ولبست وخرجت وقعدت علي التسريحه علشان تسرح شعرها

باسم:هاتي المشط اسرحلك شعرك

سارة:بتعرف

باسم:طبعا