سحر الحب

الحلقة الخامسة والعشرون

سارة فضلت تعيط لحد ما نامت تاني وباسم راح منيمها ومغطيها وقعد علي الكنبة اللي في اوضتها ونام وتاني يوم سارة صحيت لاقت باسم نايم علي الكنبة قامت وقربت علشان تصحيه لاقته ابتسم وراح شددها ناحيته وباسها راحت زقاه ومزعقه

سارة(بزعيق):ايه التخلف دا قوم

باسم:اسف اسف والله كنت نايم

سارة:طب قوم يلا غير ورانا شغل

باسم:يعني انتي مش زعلانه

سارة:دا كان غصبا عنك قوم يلا واقفل الموضوع

خرج باسم من الاوضة وابتسم وبعدها نزل راح بيته وغير هدومه وكان مبسوط اوي وسارة غيرت هدومها ونزلت لاقته واقف وباين اوي انه مبسوط فتحلها باب العربية وركب

باسم:تحبي نفطر فين

سارة:اطلع علي اي حته مش هتفرق لسه قدمنا وقت

باسم:اوك

طلع باسم علي كافتيريا وطلبو

سارة:شكلك احسن من الاول

باسم:فعلا

سارة:انا همشي بدري النهاردة الراجل جاي ولازم اكون معاه

باسم:انتي اختارتي الصوره اللي هيرسمها

سارة:اه خلاص

باسم:طب وريهاني

سارة ورتله الصورة

باسم:اشمعنا ديه يعني

سارة:علشان عينيه واضحه فيها اكتر

باسم:اها طيب يلا ناكل

سارة :يلا

كلو وبعدها طلعو علي الشركة وبعدها بفترة سارة دخلت لباسم

باسم:في مقابلات تانيه

سارة:لا بس الملف دا لازم يتمضي

باسم:أيه الورق دا كله

سارة:ورق مهم انا همشي بقا زي ما قلتلك

باسم:طيب هاجي معاكي انتي ناسيه اننا جايين في عربية واحده

سارة:طب والورق

باسم:مش مهم امضيه بكره هو هيطير

سارة :براحتك

خرجوا وطلعو علي البيت ولسه هيقعدو الجرس رن سارة قامت تفتح

سارة:استاذ مالك

مالك:اه يا فندم انسه سارة

سارة:اه اتفضل

دخلته سارة وكانت مبهورة بشكله كان موز من الاخر وعينه زرقا وشعره اسود وبشرته بيضه باسم قام سلم عليه

مالك:ممكن اشوف الصورة اللي هرسمها والحيطه اللي هرسم عليها

سارة:اه اهيه