يوسف: مش هتفهمينا بقي مين دا
سارة:دا كان زميلي انا ونهي في المدرسة في تالتة ثانوي وكان جديد وكدا وروحنا ساعدناه وعرفناه علي المدرسة وضمناه لشلتنا وكدا وكانت الامور عادية لحد بعدها بفترة لاقيت اي ولد يقرب مني يقوم متخانق حتي اللي كانو في الشله وانا الصراحه اتخنقت بس حاولت افسر الامر بطريقة مختلفه المهم جه في مره وقالي انه بيحبني وانا قلتله انه زي اخويا وكدا راح متعصب عليا وووقتها احنا كنا برا المدرسة راح مسكني من شعري وكان هيموتني وجه ولد من اللي في الشله يحوش بينا ونهي كانت غايبه في اليوم دا راح فضلو يضربوا في بعض والطلاب حاشوهم وتاني يوم الولد اللي دافع عني مجاش سألت عليه ومحدش يعرف عنه حاجة جبت رقمه واتصلت لاقيت واحدة بترد عليا وبتقول انه لاقوه مقتول انا وقع عليا الموضوع كصاعقة ولما لاقيته جاي عليا مشيت وروحت البيت وحكيت لنهي نهي نصحتني احكي لأهل الولد علي اللي حصل وروحت وحكيت لوالدته ووالدته اخدتني وروحنا القسم وقدمت بلاغ فيه وجابوه وانا مشيت ومعرفتش بعدها ايه اللي حصل وبقا يتصل عليا وكأنه مافيش حاجة حصلت ويقولي محدش هيقربلك وانا موجود وحاجات زي كدا كسرت الشريحه وغيرت رقمي وكل دا وكانت نهي معايا بس تقريبا هو ميعرفش العنوان بس كدا وبقاله فترة مختفي فانا رجعت لحياتي ومن ساعة اللي حصل وانا بقت تجيلي الحالة ديه كل ما تحصل حاجة او هو يكلمني
يوسف: دا مريض نفسي ازاي كدا
نهي: لا دا مريض بسارة
مازن:طب وانتي هتفضلي عايشه في رعب ماقولتيش لأهلك ليه
سارة: مجاش في بالي وبعدين مش عاوزة مشاكل
مازن: بصي بالمنظر دا هيعرف عنوانك وتوقعي يجيلك في اي لحظة لازم تبقي مأمنة نفسك
سارة: ازاي بقا
مازن: مش انتي بتعملينا الطبيخ احنا هنعلمك ازاي تدفعي عن نفسك بشوية حركات كدا
سارة: قشطة بس امتي بقا
يوسف:روحوا يلا البسوا وتعالو في الجنينة من ورا
نهي: قشطة
وهما خارجين من البوابة لاقوه في وشهم
سارة: مروان
مروان: ازيك يا حبي واحشتيني
سارة(بزعيق لدرجة ان صوتها وصل لمازن ويوسف):ابعد عني بقا يا اخي وبطل قرف وانا بحذرك لو مبعدتش عني هبلغ عنك البوليس وهعملك محضر عدم تعرض
كان مازن ويوسف خرجوا وواقفين وراهم
مروان(وهو بيصقف):برافو والله طلعلك صوت وبتعرفي تعلي صوتك اومال مين دوول اللي خارجين من نفس البيت اللي خارجين منه
نهي: وانت مالك يا اخي كنت اشترتنا
مروان: لا يا ماما ومتدخليش انتي احسنلك
أنت تقرأ
سحر الحب
Romantikالسحر مهما كان نوعه عندما يتسلل ويدخل الي الانسان يتحكم به وبتصرفاته لا نستطيع السيطرة عليه ولا التحكم به وانا اخترت احد انواع السحر وهو سحر الحب الذي يختار القلب ويتسلل اليه ولان القلب يعتبر مركز الانسان ويتحكم به فيعتبر سحر الحب هو اقوي انواع السح...
