تليفونها رن
رنا:ايه مستشفي ايه
مازن :مالك ايه اللي حصل
رنا:شريف وسارة عملو حادثة
مازن:انهو سارة
رنا:بنته
مازن: طب يلا
خرجوا وطلعو علي المستشفي ولما وصلو
رنا:خير يا دكتور
دكتور:حولنا ننقذهم بس للأسف ملحقناش البقاء لله
رنا قعدت علي اقرب كرسي وعيطت ومازن راح حضنها وحاول يهديها رنا بعدت عنه بسرعة
رنا: وديني لسارة
مازن:نعم مش فاهم
رنا:هتوديني ولا اروحلها انا
مازن: طيب حاضر بس مش تخلصي اجراءات دفنهم
رنا:لا لما سارة تعرف
خدها وراحو لبيت سارة وسارة اول ما شافت مازن اترمت في حضنه وقعدت تعيط
سارة:طلع متجوز وعنده بنت يا مازن
مازن:عارف اهدي بس
سارة:عارف ازاي ومين ديه
مازن:مهو انا روحت وراه وعرفت وواجهته وقولتله يقولك
سارة:مين ديه
رنا:انا رنا ابقي خالة سارة ومربيها
سارة:ايوا خير ايه اللي جيبك
رنا:شريف وسارة بعد ما خرجو من عندك عملو حادثة
سارة:ايه هما فين خدوني ليهم بسرعة
رنا: مش هينفع خلاص راحو عند الأحسن مني ومنك
سارة اغمي عليها ومازن شالها وودها المستشفي ولما فاقت فضلت تعيط
سارة:انا عاوزه اشوفه قبل ما يدفن يارتني سامحته مكنش حصل كدا
رنا: دا عمره وكان لازم يموت بس الفرق انه كان هيموت في حضنك بدل في حادثة
مازن:اهدي يا سارة ارجوكي
سارة :خدوني ليه انا عاوزة اروحله
رنا: حاضر تعالي معايا
رنا خدت سارة ودخلتها المشرحه وسارة فضلت تعيط وتتكلم مع شريف لحد ما رنا دخلت وخدتها وفضلت رنا جمب سارة هي ومازن ونهي ويوسف وكانت سارة منهارة لحد ما عدت شهور وكانت رنا كل يوم مع سارة
رنا:مش هتقلعي الاسود يا سارة
سارة:مش قادرة يا رنا تعبانة اوي لولا وجودك جمبي
مازن:وانا مليش لازمة ولا ايه
سارة:هو انا اقدر استغني عنك
رنا:انا بقي جيبالكو غدا معايا بدل الدليفري
مازن(بنحنحه):هو انتي بتعرفي تطبخي
رنا:اكيد هقوم احط الاكل
وبعد ما قامت
سارة(بتريقه):هو انتي بتعرفي تطبخي والله لولا اللي انا فيه كنت ضحكت انت وقعت ولا ايه يا معلم
مازن:شكلي كدا يا سارة والله علي فكرة هي عارفة كل حاجه
سارة: مش فاهمة
مازن:يعني عارفة اني كنت بحبك وكل كل حاجة
سارة: طب حلو دا
رنا:تعالو يلا انا حطيت الاكل
قامو وفضلو ياكلو وسارة مكنتش بتاكل ورنا لاحظت
رنا:هو اكلي طلع وحش ولا ايه
سارة:ما انتي عارفه انا مليش نفس اكل
رنا: سارة انتي بقالك شهور مبتكليش كويس وصحتك بقت في النازل مينفعش كدا لازم تشوفي حياتك وتابعي يارا ومدرستها
سارة:انتي عارفة يعني ايه يا رنا النفس اللي بتنفسه راح واللي كان بيخليني عايشة مات اللي قلبي كان بيدق علشانه خلاص راح قلبي وقف وحياتي وقفت مش قادرة
رنا:عارفة يا حببتي علشان كدا سيباكي تروحي لقبره كل يوم انا كدكتورة مشجعكيش علي كدا بس انا عارفة هو بالنسبالك ايه وبعدين هو حولينا وموجود واكيد مش هيكون مرتاح وانتي كدا يلا كلي بقا دا المحشي دا لفاه صوبع صوبع والله يلا بقا
سارة(بابتسامه):ماشي
اعدوا ياكلو ولما خلصو رنا جابت شاي
مازن:بجد بجد الاكل فظيع مدوقتش في طعامة الاكل بتاعك
سارة:وانا اكلي اللي كان وحش يعني
مازن:انا اقدر دا انتي اكلك تحفه بس بصراحة اكل رنا احلي
سارة:بقا كدا ماشي ماشي
رنا:طب ما دوقيني اكلك طالما بتعرفي تطبخي
سارة:هبقا اشوف
مازن:يلهوي علي التناكة
سارة:حيوان علي فكرة انا هخلع انا خدو بالكو من يارا
أنت تقرأ
سحر الحب
Romanceالسحر مهما كان نوعه عندما يتسلل ويدخل الي الانسان يتحكم به وبتصرفاته لا نستطيع السيطرة عليه ولا التحكم به وانا اخترت احد انواع السحر وهو سحر الحب الذي يختار القلب ويتسلل اليه ولان القلب يعتبر مركز الانسان ويتحكم به فيعتبر سحر الحب هو اقوي انواع السح...
