Dasht-e-Aarzoo.#lovefrompakistan Completed ✔️

Aashiqi

Aashiqi mein Meer jaise khwaab mat dekha karo,
Baawle ho jaaoge mehtab mat dekha karo;

Jasta jasta parh liya karna mazameen-e-wafa,
Par kitab-e-ishq ka har baab mat dekha karo;

Is tamashe mein ulat jati hain aksar kashtiyan,
Doobne walo'n ko zer-e-aab mat dekha karo;

Maikade mein kya takalluf maikashi mein kya hijab,
Bazm-e-saaqi mein adab aadaab mat dekha karo;

Ham se darwesho'n ke ghar aao to yaaro'n ki tarah,
Har jagah khas-khana-o-barf-aab mat dekha karo;

Maange taange ki qabaein der tak rahti nahin,
Yaar logo'n ke laqab-alqaab mat dekha karo;

Tishnagi mein lab bhigo lena bhi kafi hai Faraz,
Jaam mein sehba hai ya zehr-aab mat dekha karo...
...............
Ye padhnay ke baad i am speechless 😷