زماااان .. لما كنت صيدلانيه صغيره.. اممم مش زمان كتير ! هاها.. كنت اجاوب اوقات على بعض الاستشارات الطبيه : ما بأعرف .. مش عيب الواحد يقول ما اعرف ويروح يقرأ ويبحث عشان يعرف .!!. المفروض اللي سأل يحترمك لانك كنت صريح وما بدك تعطيه معلومه خطأ.. وهلق بعد خبره طويله .. بتكون عارف انما بتشك بأشياء كتيره ويمكن خطيره .. وما بدك تخوّف المريض.. لانك عارف خطوره الحاله بتقول له ..لازم يراجع طبيب اخصائي ويعمل فحوصات ويتأكد.. الصيدلي بصفه انه هو غالبا المركز الصحي الأوّلي لازم يكون مدرك حدود عمله.. ويعرف كيف يوجّه المريض وكيف يتعامل مع نفسيته من غير إثاره شكوكه.. في حالات لازم نكون بمنتهى الصراحه مع المريض ..مثلا .. تخطيط دماغ او تخطيط قلب او تنظير او فحص أشعه او او .. حتى الطبيب ما بينجم ولا بيفتح بالفنجان !! لازم فحوصات ونتائج مختبرات..لما المشكله المرضيه ما تنحل من العلاج الأولي بيصير لازم الصيدلي ينصح المريض انه (يقطع عرق ويسيّح دم).. يقطع الشك باليقين!!.. اضطر افهّم المريض هيك لانه أي حاله مرضيه اوّلها بيكون سهل معالجتها وحلها .. اما اذا ضلينا عاملين زي النعامه ممكن الموضوع يتفاقم.. ويصير الحل أصعب،. والله ولي التوفيق..#يوميات_صيدلانيه.
