مدراؤكم ما بيشوفوا منكم إلا كل وجه بشوش.(طبعا أكيد 😓هذا المدير😖).. وبتكونوا في منتهى اللطف مع زملاءكم بالشغل .. (لازم علشان روح التعاون😉).. جيرانكم بالعماره مهمين 👍..(النبي وصّى على سابع جار😊).. حارس العماره ..مين بيقدر يستغني عنه ؟؟ أكيد متوصّين فيه غير شكل..ويا سلام على اهل الزوج او الزوجه !! والشله اللي بتسهر وتأرجل معها.. !! او جاراتِك وصاحباتك !!
خفه دم ووجه منشكح!! 😊 منتهى النغاشه واللطافه والذوق..👍
الصبيه والشاب اللي بالجامعه .. دكتورك كلامه ما بينزل الارض.. وشله الأُنس .. رفقاء الدهر .. قمه السعاده وانت معهم 😍😍
المشكله وين؟؟؟ كل واحد من هذول .. بس يدخل بيته.. يزيل القناع.. قناع الوجه المبتسم..😊 وبيظهر تحته .. الوجه المتعب 😓المنهك 😖اللي روحه طالعه.😩. بديش اظلمهم .. هم ما كانوا يمثلوا .. ولا هذا نفاق اجتماعي .. 😔..هو هيك لازم نكون .. اشخاص رائعين .. 😍ناضجين متفهمين .. ايجابيين 👍.. ومبتسمين 😊.. إنما أهل بيتك هم أولى الناس يشوفوا هذا الجانب من شخصيتك ..هم اللي لازم تكون معهم في منتهى اللطف والذوق والاخلاق .. ومراعاة المشاعر .. مش (انا بدي آخذ راحتي بالبيت !! وين أعصب ؟ 😡وين أعبّر عن روحي الطااااالعه!!! 😤فقعت ! 😩رح انفجر !! ما حد يحكي معي!! مش مستحمل حالي!!😓 ).. بديش اقول ناس نكديين في بيوتهم .. برضه حرام اكون قاسيه عليهم.. هم منهكين من تعب اليوم وجايين يرتاحوا .. يرتاحوا من المجاملات .. يرتاحوا من الضغط على حالهم وتحمل الاخرين.. بس مع هيك أنا مصره .. زوجك أو زوجتك .. أمك وأبوك .. أختك وأخوك ..أولادك ..هم أولى الناس انك تكون معهم رائع .. لانه هم اللي بيحبوك فعلا .. بغض النظر عن النفسيه اللي انت فيها .. هم اللي رح يستحملوك مهما شافوا منك قسوه 😤أو جفاء🙄 أو نكد😖 ..
اهل بيتك لهم اولويه يعرفوا قديش انت ..شخص رائع 😊
