وامي توسلت بي وبوست رجله وايمن كله كافي فضحتنا وصار حجي بينهم المهم اقتنع واخذته امي للغرفه.. بس حبيت ماسويت جريمه.. طبعا اخذ فوني وكسره.. وانمنعت من الطلعه حته للسوك ونسيت اكو شي اسمه باب اطلع منه... جان گلبي يتگطع من اتذكر كل هذا الصار بيه وسامر مااعرف شنو صار بي.. مرت 5اشهر وابويه بعده ميباوع بوجهي وصادفت اجه اخويه علي وردت ارضي ابويه عني حته ميسولف كدام علي لان هذا يجن صدك ويموتني.. المهم دخلت ع ابويه وهو بغرفته جان كاعد..
وكعت بست رجله واني ابجي كلتله بابا ماكو احد ميغلط واذا تشوف اني مغلطت هو ابنهم الي رادني.. صرخ وكال اش لتكملين.. بابا اسمعني.. اني شنو حياتي وانته متباوع بوجهي.. كل هذا وعياطي يبجي الصخر واشوف خيال امي بالباب..
المهم بجيت وبوست راسه ورجلي وتالي يله گلي الله يسامحج وباوعلي بحنيه شويه...
طلعت حظنت امي واني ابجي وامي هم زعلت مني فتره بَـßÊـسّ مو اكثر من اسبوعين.. وخاصه رجلي جانت محروكه وبطني همين فجانت هي تجي تشوفني الى ان فك زعلهه..
5 اشهر ماعرف شلون عشتها.. افكر بنفسي افكر بسامر ! طبعا ليل كله سهر وبجي وبنهار نايمه وماعرف شنو تاليهه..
واجه علي وبقى اسبوعين يمنا واسبوعين يم اهل مرته لان جانو اهلها بالشمال وميكدر يعوفهم وحدهم... والحمد لله معرف بالي صار بس سأل امي ليش تركت الشغل وامي عبرتها علي وهم شافني متغيره حيل وضعفانه.. صدك سليت ومجنت اكل وبس بجي وقهر... شجان صار لو ابو موافق!
يوميه هل سالفه تمر براسي واني افور... امي مجانت تخليني اشتغل وكله بقه عليه ومن يجي الليل مرات تجي يمي تسولفلي بالدين وتشغل ادعيه بغرفتي عبالهه اني مخبله يمكن.. واله اكلكم يمكن صدك جنت مخبله بوقتها..
حتى ايمن وزينب من عرفو بقصتي صارو احن ناس عليه وايمن يخلي فونه يمي يكول خاف تضوجين اتونسي بي.. اني اعرف هو عباله اريد اخابر سامر.. ومااجذب واكلكم مااتصلت! لااتصلت ورقمه جنت خافظته بَـßÊـسّ مغلق!!
هذا الي خله النار تشب بضلوعي معقوله ياسامر هيج تنساني!
وزينب حبيبتي بس تريد تخليني انسه متخلي سالفه متسولفها يمي واني بنفس الكأبه.. ومرت6 اشهر ومااعرف شي عن سامر
بَـßÊـسّ ابويه قرر يتطلع تقاعد وصحته تعبانه هليام..
طبعا من گعد صرت خدامه اله آني وطلباته متخلص ويدقق ع كل شي يمكن هاي عدوى مال التقاعد كل الي يتقاعد هيج يصير بي.. گضيت سنه كامله! بدون مااطلع ولااعرف اخبار سامر ولاادري شنو صاير بلدنيا برا.. وصلت لمرحله كرهت سامر لان مجرب يسأل عني ومصدك اجته فرصه يخلص مني! بس مانسيته ابد! ويمكن اضحك ع نفسي من أگـول كرهته .. اغسل مواعين واشوفه كدامي واني صافنه اشوفه كانما يفوت بذاك طوله الحلو.. ابويه راتبه كلش قليل صار مال تقاعد واحنه هوايه ومصاريف اخواني كومه ... وزينب تحتاج دورات... وابويه ميگدر يطلب من علي بالرغم هو حالته كلش زينه بس زوجته تصرف ..
وهو تعب حيل وصار يحتاج يروح يشوف شنو سبب هلتعب الي بي وساءت حالته وتقريبا راح ذاك الحيل الجان بأبويه ومتنازل يروح للطبيب لحد مصار ادراره دم!
بوقتها متنا خوف وحرنا شنسوي.. واجن عماتي الي هن 3 وعمامي 2 وطبعا عماتي عبالك جايات عنايه بس حته يصوبن بأمي عليه لان لهسه متزوجت وبناتهن اصغر مني متزوجات.. اني جنت حيل انزعج من يجن ويحجن هيج واصعد بكل مابيه من ضوجه ابجي واتذكر سامر.. وحتى توصل مرات احجيها بصوت سامر تعال وينك..تعال خلصني تعال اشتاقيتلك!
اخذنا ابويه وتبين عنده اليوريا صاعده وطلبو بعد تحاليل وتحليل ورا الثاني وامي طلعت العدهه والماعدهه.. وبعدين لگو حصى بلمراره والقناة الصفراء مسدوده وحته الكبد متأذي منها..
وجان لازم عمليه ودبرنا الفلوس وامي طلبت من خوالي وهم ماقصرو.. وسوه العمليه ونجحت وتقريبا رجع مثل الاول بس طبعه الصعب كأنه اختفه وماله اثر .. صار يگعد ويانه ويسولف حتى بسوالف النسوان.. حسيته شلون المراهق والطفل يتصرف.. يحب احد يدلله ويكعد يمه ويسولف بدون ميمل..
ماعرف شنو غيرت بي هاي العمليه .!!!
اني استغليتها وفاتحته بموضوع رجعتي للشغل وبين حجي امي وحجي ايمن وحتى زينب اقتنع بحجه الدين الي علينا وراتبه ميكفي وكال ياويلج يتكرر الي صار ولتفشلين شيبه ابوج!
اني هم عاهدته مراح يصير غير الي يريده..
