-جربي تنزلين وشوفي شنو يصيرلج..
عندك اطفال؟
-اي عندي لمى..
مووقت شقاك!
-والله بنتي عمرها سنتين اسمها لمى..
قلت الاسماء يعني؟
-ملكيت احلى من هذا الاسم..
اني اكول لو تروح يمها احسن..
-لمى!!
ماشي ماشي..
كل الي حجا والسياره بعدهه واكفه واخيرا اتحرك... وبقى يمشي ومنعرف وين انروح..
اخر شي وصلنا تقريبا لمكان مكطوع مااعرف وين بالضبط ومردت اسأل...
-موخايفه وانتي ويايه؟ وبهيج مكان؟
اني خسرتك انته وخسرت ابويه شنو باقي اعز من ذوله!
-قبل جنتي تخافين مني.. تذكرين.. مره كذبتي وكلتي اخوج منتظرج براس الشارع بَـس حته تخلصين مني.. واني معفتج لحد ماوصلتي للبيت..
ههه ايااااام راحت ويه اهلهه...
-مراحت وهياته انتي ويايه ودترجع...
سامر! مستحيل اقبل ادمر حياتكم..
-هه حياتنه! لج اني طول هل مده اتخيلها انتي واتقربلها ع هل الاساس! شردت من هاي الحياة ورحت درست وهم مفاد وبقيتي انتي كل حياتي!
مابيدي شي الفات مات ومااكدر ارجع شي!
-مراح اتناقش وياج هوايه لان طالع لسانج من بعدي... بس خليني اشبع شوف منج..
عاد اني هنا ماقاومت ابد وخليت اديه ع رقبته وحضنته حيل...
-ااااه شكد مشتاقلج ياالله!
لتحجي خليني بحضنك واسكت..
هو محجه بعدهه ولاحرف.. وبقيت بحدود الساعه يمكن واني بحضنه وجان كلش واعي محاول يسوي اي شي...
رجعني ع البيت وجانت مشاعري ملخبطه فرحانه وخايفه ...
اتصل بليل ومقبل ينام اله ع صوتي وطبعا بوقتها جان بلفندق ومراجع للبيت.. وبعد يومين شفته بالمحكمه عيونه جانت تلمع وگلي جنسيتج بسرعه! سألته شكو ؟ گلي يريد يسويلي امتياز مااعرف شنو مفهمت بس بوقتها مترددت وانطيتهيا لان جنت أأمن ع روحي ويا...
ورا ساعه اجاني وبيده عقد وويا قاضي همين!
-يله لمى وقعي..
ع شنو؟ هاي شسويت!
القاضي زميله ضحك وكال يابه وقعي لتروحين استاذ سامر
وصديقتي كفاح هم بقت تكلي وقعي وقعي...
ماشفت اله والكل تبارك النا.. هو جان طاير من الفرح.. واني مادري شنو الي سويته ...
رجعت للبيت واني حايره أگـِول لامي لولا... المهم كلتلها هي انصدمت بالبدايه بس بعدين فرحت وكالت لتكولون هسه تزوجتو خل يجي هنا وبحجة يخطبج وبعدين يله نكول.. منريد عماتج يكولن تزوجت بغير متكول لامها..
وصدك وصلتله حجي ماما عاد ورا يومين هو اجه وبيده علب وباقة ورد..
امي جانت كلش فرحانه وحتى مسألت عن زوجته ولابنته بَـßÊـسّ كالت مدام هيج يحبج مااخاف عليج يمه...
ايمن طبعا هم جان كلش فرحان وزوجته هم فرحتلي فرح اخت لاختها وهي الي سوتلنا جو مال خطوبه هههه..
امي كلتله نعرف ترا بالي سويتو وسوالف مال مراهقين بَـس تستاهلون ..
هو گله خاله اني جنت مضيع روحي وهسه لگيتها...
هههه الكل ضحك وجان كلش جريء ومخجل من ايمن ابد.. وكل شويه يخلي ايده ع ايدي وايمن يدنك... هههه
المهم فتح العلب وجان جايب ذهب كومه وباشكال تجنن.. بده يلبسني وريام تهلهل وامي دمعت عيونهه من الفرح..
بعدين مادري شنو حجه وي امي وكالت يله روحو اطلعو بس ارجعي لتبقين هناك...
معقوله! شنو انته ساحر وتقنع الناس هههه..
-يله ساحر وقاضي شتردين بعد.. يله كدامي ع السياره
طول الطريق وايدي بيده وبين لحظه والثانيه يبوسها..
جانت الطلعه علمود الفستان مال العرس(البدله)
طبعا متخيلت نفسي البسها للبدله البيضه ابد ...
بس سامر حياتي اصر ميحرمني من هل لحظة وراد يشوفني بيها.. واشتريناهه للبدله .. وحفلة العرس بعد ثلاث ايام..
طبعا لوما مساعده ريام مخلصت وملحكت اسوي شي..
سويت الحنه بلقاعه لان هو كلي اختاري الي يعجبج واني سويتها هناك كل المحاميات حتى ألي بينا بس السلام هم اجت من سمعت بقصتنا.. اختي وامي وريام طول الوقت يمي وساعدني هوايه..، واكتشفنا ريام حامل والفرحه صارت فرحتين..
طبعا هو هم سوه حنه واهله محد اجه منهم بس اخو الاصغر لان جان يعرف بكل شي صار ويانه...فكانت حنته بس القضاه والمعارف...
رجعنا للبيت واتصل بليل وكبل حتى ميسلم كلي اعد الدقايق والساعات ...
ياروحي انته... شلونك؟
بخير.. وانتي؟
مشتاقتلك..
-ليش تخليني هسه اجي اخذج!
هههه تسويها ادري بيك..
-اي ماعندي لعب اني.. يله حبيبي.. روحي نامي لان باحر وراج سهر وهوايه سوالف حلوه نسويها...
ههههه اموت بيك..
-احبج..
مكدرت انام من الفرحة بوقتها ونسيت نفسي متزوجة واحد متزوج وزوجته موجوده... گعدت الصبح اسوي كمادات لعيوني المنفوخه من السهر.. امي جانت حايره وين تخليني تخاف عليه هههه وزينب هرجت الدنيا بالهلاهل وحتى ايمن هم ركص وهلهل هههه هيج جنت عله ع كلوبهم وماادري..
وتريگنا كلنا سوا وبعدين دخلت حمام العروس هههه واتغدينا واخذنا ايمن للصالون... وصارت الزفه وايدي بأيد حبيبي وگدام الدنيا كلها طبعا من فرحته ملزم نفسه من الرگص..
وبعدها وصلونا اهلي للفندق...
زينب:طلعو الايام الفراك ماشي لموشتي😂
انجبي ولج!
واول مدخلنا سامر صلى وبقى بس يردد شكرا يارب...
لزمني من خصري وبده يهمس بأذني من حجيه الحلو وفتح الطرحة وبعدها البدله ووووذبت بين اديه...وووو
-انتي روحي...
اموت بيك..
وبقه كلما يشوفني يخلي بوسه ورا الثانيه بكل مكان يعجبه...
گضيت احلى ايام بعمري ويا.. جهزلي بيت يجنن صح هو صغير بس جان مثل الجنه لان هو بي.. اما ابو جان يحاول يوصله بس هو گطع صلته بيهم وزوجته بقت ع ذمته وطلبت الطلاق وعود رادت تلوفهه وتخلي ينحكم ادعت هو تزوجني بدون علمهه بَس هي نست انه قاضي ومعارفه هوايه ومستحيل ينحكم
وبالتالي هي الخسرت واطلگت منه مردت هيج يصير بس هذا قدرنا وهي الي جبرته عليها وهي الي عافته... وبنتهم بقت يم امها بس بين فتره وفتره يجيبها يمي وكلش محبوبه بنته...
اما اني شديت حيلي مثل موصتني امي وصرت حامل هههه..
واليوم موعد السونار وجان يطلع ولد... سامر اله شويه دمعت عيونه من الفرح واول مرجعنا للبيت سجد سجدة شكر...
والحمد لله ولدت همام... وابو اتمرض وطلب يشوفنه واني اصريت يتصالح ويا.. وبالفعل تصالحو واهله حبوني وحبو ابنا همام... ومن بعد كل حزني الله عوضني بفرحه مالها نهايه وي حبيبي سامر وابني همام.. وهمينا الي احسبها بنتي لولو..
ان بعد العسر يسر... ونعم بالله...
