مرت ايام غيبه امي بصعوبه ومجنه نطيق رجعه البيت فگضيناهه كله مطاعم وتعرفت بحبيبته وجانت صدك حلوه ومثل الملاك تدخل الكلب اسمهه ريام..وصدك رجعت امي وسوينالهه احلى استقبال
وبعد ناارتاحت كم يوم فتحنا الموضوع مال ايمن وامي فرحت ورحنا وخطبنا وصار ايمن ع ابواب زواج ..
اني جهزت كل شي اله.. جان هو وخطيبته يجون يختارون الي يردو ويرحون.. وصدك مقصرت بحقهم وحتى ادينت من محاميه ويايه وكالت براحتج شوكت مترجعيهن..
من كل هذا مطلبت من ايمن غير بس انه يبقى ويانه وميعوفنا ابد
وهو گال انتو عيوني شلون اعوفكم...
وصدك سوينا ارقى عرس وعزمت من المحاميات الي ويايه.. وامي هم عزمت كل معارفهه وعمامي محد اجه ولاعماتي.. لان جانو منتظرين ايمن يتزوج من بناتهم...
وصلنا ايمن للفندق هو وزوجته واحنه وصلنا زوج زينب وبقت هي يمنا وابنهه شلع گلبها خليته بحظني وغفه وبقيته طول الليل يمي لان جنت مشتاقتله هوايه..
وبعد ايام رجع ايمن للبيت ويا زوجته الي حسبتهه مثل زينب جانت حيل تحترمني وتموت ع امي .. ايمن من صدك اختار بنت اوادم...
وبيوم من الايام سبحت وطلعت جنت امشط كبال المرايه وانتبهت ع نفسي!! راح كل شي حلو جنت اشوفه بيه.. مثل الورده مجففه عبالك.. طبعا استمريت بنوبه بجي لحد مانمت...
لزمت دعاوي ضخمه وكسبتها وصار الي اسمي طبعا موذيج المعرفه مثل ابو لسامر وكدرت افتح مكتب وطبعا بتشجيع من ايمن وامي...
واليوم مر 5 سنوات ع ذاك اليوم الاسود الي دمر كل شي...
مانسى ذاك اليوم ابد.. مااسامح الجان السبب الي هو صبيح
بس جنت اغرك نفسي بالشغل حتى انسى ودعوى ورا الثانيه
وبيوم لبست المريله مال المحامين ودخلت للقاعه عندي مرافعه وجانت بسيطه يمكن ببساطه اول مرافعه لزمتها...
گعدت بمكاني واجه المستشار وبعده القاضي ووكفنا..
ومن شلت. راسي جان سامر !! اي هذا سامر نفس شكله ممتغير بس الشيب الي طالع باطراف شعره ومخلي بعد احلى!
لحظة هذا شديسوي! ليش كعد بمكان القاضي!
هو شافني وتقريبا انشل ووجهه صوفر..
اني متحملت خليت وطلعت وكلت لمحاميه ويايه هي تدخل بمكاني بَـßÊـسّ رفضت.. وكلتلي ميصير عيب القاضي دخل وهذا شوي صعب؟
سألتها منو هو القاضي!؟
جان تكلي سامر صبيح!
معقوله! صرت قاضي.. بس يلوگله...
من شفته حسيت كل شي ضرجع.. ريحه ذاك الشارع.. الجاي الي جنا نشربه.. ريحة عطره الي تفوح من يدخل... اول يوم شلون استقبلني بي!!
هو راد يبدي الجلسه واني دخلت..
حاولت قدر الامكان مااخلي هل شي يأثر واتصرف كانه اي قاضي عادي.. ومادري شلون خلصت الجلسه او اتأجلت بالاحرى.. آني شمرت المريله وطلعت ركض.. ومادري وين اروح..
شنو هل حظ الي عندي... ومنين رجع !!
جنت امشي بالشارع وشايله هم الدنيه كله وماشفت اله سياره سوده وكل شي ممبين منها وكفت بصفي ونزلت الجامه وجان هو
دك هورنات واني امشي ماجني اسمعه...
لحد ما مل وراح... آٌنـّ ℳέ ـّي ظل هل سؤال ابالي لعد اذا هيج تحبني ليش اتخليت عني باول فرصه!!
وظليت احرك بروحي واتصلو عليه لان عندي جلسه ثانيه..
رحت وهم مااعرف شلون خلصت..
