ذات العيون الزرقاء

الحلقة 8 - الحب لا يوجد به عقل

فريد:تحبي اوصلك

قمر:انت عاوزهم يدبحوني ولا ايه طبعا لا انا هروح لوحدي

صعدت قمر وقامت بتبديل ملابسها

سارة:فريد ما ترسى على بر بقا متشلش اهلى

فريد:اول ما ارسى هقول اني بحبها بس المنطق والعقل بيقول مينفعش العلاقة ديه تبدأ اصلا

سارة:ومن امتى الحب في عقل ومنطق

قمر نزلت وقبلت سارة من وجنتها

قمر:مش عاوزة حاجة

سارة:لا خدى بالك من نفسك بس

قمر:عاوز حاجة يا فريد

فريد:لا شكرا

خرجت قمر ووقف فريد

سارة:رايح فين

فريد:بصراحة عاوز اشوف حياتها

سارة:اوكى

خرج وقام بمراقبتها ووجدها تنزل من سيارة الاجرة امام بناية قديمة في مكان شعبي وصعدت فوق وهو لم يرغب بالنزول وظل جالسا حتى وجد عمرو وعائلته يصعدو البناية ورنو الجرس وعندما فتحت قمر

قمر:عمرو انت عرفت ازاي

عمرو:اللى يسأل ميتهوش مش هدخلينا

قمر:اتفضلو

دخلو الى الشقة وجلسو مع والدتها وبعد ان انهو زيارتهم وطلبو يدها سلمت قمر علي عائلتها ونزلت وظلت تسيير بلا هدف وكان خلفها فريد ومن ثم اوقفت سيارة اجرة وعادت لمنزل سارة وعاد فريد وكانت قمر طرقت باب المكتب ودخلت تتحدث مع سارة وقصت لها ما حدث وكان فريد يسرق السمع لهم وعندما انهو حديثهم صعد لغرفته مسرعا ومن ثم صعدت قمر لغرفتها وامسكت سارة هاتفها واتصلت بمروان

سارة:اخبار حبيبي ايه

مروان:حبيبك منفوخ

سارة:ايه دا يعني مش هتتغدا معايا

مروان:والله مش هقدر بس لو حببتي الحلوة تجييب اكل وتجيلي ناكل في المكتب هبقا مبسوط اوي

سارة:كان على عيني يلا هقفل بقا

مروان:على فكرة مش هاكل غير لما ارجع البيت هتسيبي حبيبك جعان كل دا

سارة:غصب عني بقا على العموم انا هقفل سلام

اغلقت الهاتف وذهبت الى المطبخ

سارة:غالية بقولك ايه الغدا اللى بتعمليه عاوزاكي تغلفي الاكل بتاعي انا ومروان

غالية:ليه

سارة:هو مش هيقدر يجي وانا هوديله الاكل

غالية:هتخرجي في الشمس

سارة:لا طبعا هتصرف بس ممكن تعملي اللى بقولك عليه

صعدت سارة الى غرفتها وارتدت ملابسها ومن ثم ارتدت نضارة شمسية ووشاح وقبعه وقفازات واصبح لا يظهر منها اي شئ ونزلت للأسفل كي تأخذ الطعام افزعت غالية من شكلها واعطتها الطعام وخرجت سارة ووصلت لشركة مروان ونزلت وجميع الموظفين ينظرون لها ووصلت الى مكتب مروان ولم تجد احد فدخلت ووجدته منهمك وسط الاورق