ذات العيون الزرقاء

الحلقة 22 - محاولة تصحيح الاخطاء

قمر(بألم):انا قولتلك المره ديه وخلاص

فريد:بس مكنتش اعرف ان هيقرب منك كدا وانتى هتكوني بالانبساط دا

قمر(خفضت رأسها من الالم وتجمعت الدموع في عينها):ف ف فريد انت بتوجعني

وجدت عمرو اقترب منهم وقام باخذ قمر ورقص معاها بدون استأذان ودون ان يلاحظ احد ومن ثم امسك يدها وسحبها الى داخل المنزل وفريد وقف مزهول وتحرك الى داخل المنزل ووقف بالقرب من الباب رأها وهي تبكي بشدة وحاول عمرو احتضنها لكنها منعته فبتعد ووضع يده على ضهرها

عمرو:ممكن تهدي انا مش مستحمل دموعك دموعك غالية عليا اوي

قمر:انا مش عارفه اعمله ايه دا انا قولتله اه انا بحبه بس مش هعرف استحمل كتير واذا كان بيعمل كدا واحنا لسه مافيش حاجة رسمي امال بقا لما يبقا فيه

عمرو:بس دا معناه انه بيحبك

قمر:عارفه انه بيحبني بس اللى بيحب يحس باللى قدامه انا كنت بتوجع ومحسش بيا يا عمرو دا غير ان بعد اخر خناقة مقربش منى خالص مش عارفة في ايه وانا ضعيفة اوي قدامه ومش بعرف استقوى عليه حتى

عمرو:طب اهدى بس يلا وقومي اغسلي وشك وبعدين انا عمري ما شوفت قمر بيعيط ويحلو كدا

قمر(ابتسمت):طيب هقوم اغسل وشي شكرا يا عمرو فعلا سوبر هيرو

عمرو:اي خدعه دا واجب الصحاب ولا ايه

قمر وقفت وذهبت الى الحمام وعمرو رأى فريد واقف فاشار له ان يأتي وذهب اليه فريد وجلس

عمرو:ينفع اللى عملته دا بص يا فريد مش انا عمري ما اخد واحده بتحب واحد تاني غيري ومن يوم ما اتفقت مع قمر اننا صحاب وانا فعلا بعتبرها واحده صحبتي ولا اكتر ولا اقل فملوش لزوم الغيرة والمعاملة ديه وقمر انسانة رقيقة جدا مينفعش معاها اسلوبك دا الستات عموما بتيجي بالحنية وبالهدايا وبالكلمة الحلوة مش بالاسلوب دا خالص يا ابني هوا انا  اللى هقولك يعني

فريد:انا لما بغير مبشوفش قدامي والله غصب عني

عمرو:عارف لاني راجل زيي زيك بس هي متفهمش دا ومينفعش الاسلوب دا معاها لان الستات اضعف مننا لازم نحتويهم مش نستقوى عليهم فهمني

قمر:انا خلص ... طب انا هطلع برا بقا

عمرو:استني يا قمر اقعدي مع فريد وصارحيه بكل حاجة وحلو اللي بينكم بهدوء انا اللى هطلع

خرج عمرو ومسك فريد يد قمر وجعلها تجلس

فريد:انا اسف يا قمر انا عارف اني ببقا ناشف شويا بس صدقيني لما بشوفك مع حد تاني بتجنن عيني بتتعمي مش ببقا شايف قدامي

قمر:عارفه والله بس انت وجعتني اوي

فريد:اسف ياريت كانت ايدي اتقطعت قبل ما اعمل كدا