مصطفى(مسح دموعها):خلاص علشان خاطري متعيطيش بدل ما اعمل حاجة قدام امي مش لطيفة خالص
سارة ابتسمت وقام باخذها في حضنه وقبل رأسها فابتعدت عنه
سمية:انا اسفة يا بنتي معرفتش اضايفك كويس
سارة:متقوليش كدا بس وبعدين بتحصل في احسن العائلات
سمية:طب تحبي تشربي ايه
سارة:انا عاوزة اقعد مع حضرتك ومصطفي يعملنا حاجة نشربها
سمية:اه واهو نقعد براحتنا
مصطفى:اتفقتو عليا ماشي هروح اعملكم حاجة تشربوها
دخل مصطفى المطبخ وتركهم
سمية:عارفة يا سارة لما مصطفى حكالي انك كنتي متجوزة مروان انا كنت رافضة بس بعد كدا لما عرفت انكم مبتحبوش بعض وانه بيحب واحده تانية وافقت
سارة:بصراحة عين العقل
سمية:قوليلي بقا بتحبي مصطفى
سارة:بصراحة اه
سمية:عاوزاكي تحطيه في عينك
سارة:في عيني انا مقدرش ازعله دا كفايه حنيته وطيبته
سمية:وناوين تعيشو فين والفرح امتى
سارة:لسه متفقناش بس انا افضل اقعد في بيتي علشان الظروف بتاعت بابا الصحية
سمية:وانا معنديش مانع طالما دا اللى هيريحك لانك من اللحظة ديه بنتي وانا معاكي وفي ضهرك ضد الواد اللى جوا دا لو غلط في حقك
مصطفى:يلهوي عليا انتو هتبهدلوني بقا على كدا اتفضلي يا قهوتك اتفضلي يا سارة العصير بتاعك وانا هتفضل الشاي مهو انا الفلبنية
سارة:متقولش كدا على نفسك تاني
سمية:اه متقولش كدا على نفسك اينعم انت شبههم بس متقولش كدا
ضحكو وجلسو يتحدثون سويا
سارة:طنط عاوزة اطلب من حضرتك طلب
سمية:طنط ايه يا بت انتي انا ماما فاهمة
سارة:فاهمة
سمية:اؤمري يا حببتي
سارة:عاوزة حضرتك تيجي تعيشي معانا
سمية:بس
سارة(قطعتها):من فضل حضرتك انتى لسه قايلة دلوقتي اني اقولك ماما ومافيش ام تعيش بعيد عن بنتها وابنها وانا مكنتش هطلب كدا الا لو محتاجه وجودك جنبي
مصطفي:يا ماما انتى مش بتزهقي من القعدة لوحدك
سمية:طيب خلاص هاجي بس علشان خاطر سارة
مصطفى:ماشي انا هبدأ اغير من سارة دا من ساعتين كلام بس وبقيتو عسل دا ايه دا هقوم الم انا حاجة حضرتك
أنت تقرأ
ذات العيون الزرقاء
Romanceغالية:يا حببتي نفسي اشوفك عروسة ومتجوزة من واحد بتحبيه زي باقي البنات سارة(بابتسامة سخرية):زي باقى البنات هو انا حياتي زي باقي البنات قوليلى جيتي تاني ليه غالية:كنت عاوزة افكرك انك لازم تظهري كأخوكي في الشركة النهاردة لما تكسبو الصفقة النهاردة سا...
