ذات العيون الزرقاء

الحلقة 21 - حفل الزفاف

سارة:اللى انت بتحبها

مصطفى:اها

سارة:مافيش واحدة في الدنيا تستاهل تعمل كدا علشانها

مصطفى:هي تستاهل

سارة:يا مصطفى انت عاقل طالما بتحب جوزها وجوزها بيحبها مدمرش حياتها لانها لو ادمرت هتكرهك مش هتحبك ويا سيدي لو مش قادر تبعد عنها خليك قريب منها كصديق واخ وسند ليها مش يمكن تحبك

مصطفى:انا كل ما بشوفها معاه بتوجع وبتحرق من جوا غير وجع الضمير كمان انا بجد مش قادر

سارة:طيب بس اهدى كدا وقوملنا بالسلامة الاول

مصطفى:ع فكرة انتى حلوه اوي بالازرق بس هيفضل الاسود بيليق عليكي

سارة:ايون كدا فكك من مود الغم اللى كنت حططنا فيه دا بردك مروان مصر ع الازرق هيشلني وربنا

مصطفى:عنده حق بصراحة(ونظر في عينيها):انتى حلوة ع طول

صدمت سارة من طريقته ودخل مروان في هذه اللحظة وعندما رأه ابتسم ووقفت سارة وجلس مكانها

مروان:كدا خضتني عليك يا حيوان انت من امتى يعني وانت مبتعرفش تسوق

مصطفى:كنت تعبان شوية بس واتقلبت بيا العربية

مروان:كنت تعبان من ايه

سارة:البنت المتجوزة اللى بيحبها يا سيدي

مروان:يا ابني البنات مخلصتش من البلد اختار اي واحده وانا اجوزهالك

مصطفى:القلب وما يريد بقا والحب بهدلة

مروان:بس مكنتش اعرف انك ياض رومانسي كدا

سارة:خلاص يا مروان مصطفى تعبان

رن هاتف مروان وكانت قمر فنظر باستغراب

قمر:الو يا مروان

مروان:خير يا قمر ايه اللى حصل

قمر:هو انت هتتأخر اصل فريد قالي ابلغك انه رجع بيتكم

مروان:طيب شكرا يا قمر

اغلق مروان ورن هاتفه مرة اخرى

مروان:اظاهر انه كل المصايب ورا بعضها

سارة:خير

مروان:ابويا بيتصل الو يا بابا

والد مروان:فريد ماله يا مروان

مروان:ماله فريد

والد مروان:هو فريد بيحب

مروان:بيحب يستحيل دا كان مبهدل نفسه في المذاكرة ومش بيفكر في حاجة تانية وانا روحت ازورة عند صاحبه

والد مروان:امال ماله دا

مروان:مش عارف يا بابا والله

والد مروان:تجيلي فورا اديني بقولك اهو