هلا بهاد الموضوع بدي احكي عن النسيان خاصة ... كيف ممكن تنسا ... الموضوع مستكمل ل مواضيع تانية ورا وحبيت اعمله بارت خاص ... فيه فقط ... بعد هاد الموضوع هوجه رسالة ل البنات ... ورسالة للشباب ... وك اخر شي هحكي عن الرفض من قبل الاهل والناس بهاد الحب الي بدو يصير زواج ... وهيك بكون انهيت كلشي على امل وبتمنا انو ما ضيعت موضوع او فكرة ... وبكون انهيت الفصل هاد (طريقي للنسيان ) ...
هدخل بلموضوع ...
النسيان ممكن ومو محال ... والله خلانا نقدر ننسا ... اعطانا نعمة النسيان ... في اغنية بحب كلماتها ... والي هي (وتعودت ع حياتي ببعدو انا فكرت رح موت من بعده .... وتاريك يا انسان معود على النسيان .... سبحان الله كيف بطل حدا سئلان )...
هاد واقع ... صح النسيان صعب ومتل كلمات الاغنية انها تركت حبيبها ... وصارت حياتها ببعدو ك اعتياد من بعد ما كانت مفكرة انها هتموت من بعدو .... والحقيقة الحلوة والي بتقويني ... انو انا ك انسان معود علنسيان ...
يمكن يوخد مني وقت ... بس الوقت هاد حسب طريقة استخدامك للوسائل. . وطريقتك لتنسا ... او حتى الس تركو فيك الشخص قبل الرحيل ... منا الي بضل مرتبط باي امل صغير من ضوء الماضي ... برجع لصور ... لاغاني قديمة ... بحاول يرجعله بأي طريقة ... تأكد وتأكدي انو ازا بقيتي عايشة ب ماضي انو نسيانك هيطول كتير ... .
بدي انسا ... اقنع حالك انو حقك تنسا. .. اكتب ... اكتب مرة من المرات بدفترك بتلفونك كل شي سيء بهداك الشخص ... كلمة آذتك حكاها مرة ... او موقف سيء صار فيه ومعه ... تزكر شي يزيد كرهك الك ...
ابعد عنه بلا ما ترجع ... اترك صوره ... احذفها .. هاي المرة مسموح تبكي ازا بدك ... ابكي وسب عليه ... امسح صوره ورقمه ... امسح دموعك ... وقرر انو هاي اخر مرة تبكي عليه ...
قوم صلي ... وخلي صلاتك اعمق من كل مرة ... عني انا شخصيا اني من جديد صرت بس اصلي اقرأ سور من القرآن وابدا بختمة من الاول ... هتحس انك اقرب ما يكون ل الله ... خلال يومين او تلات وقربت انهي سورة البقرة ... انا باكدلك هتحس براحة عمرك ما حسيتها.... الزم هاي الطريقة وخلي القرآن عندك عطول ... هترتاح ....
لا تسمع اغاني نهائي ... بعرف انو ترك الاغاني صعب ومو سهل ... هتحس انو محتاج لتسمع ... اسمع قرآن او انشودة عوض عن الاغاني ... لانو للاسف الاغاني بتحكيلك شو وجعك ... وبتبكيك وبتضعفك ... والقرآن بقدملك حل الها ...
صلاة ... قرآن ....
بعد هيك لا تحرم حالك الطلعات ... حاول اطلع وكون بين ناس عطول ... لانو هيجبروك تضحك من قلبك وخاصة اذا صحاب الك ... لا تكون لحالك ... ابدا لا تبقا لحالك ....
توجه لامك ... لابوك لاختك ... حبهم وعوضهم عن انو يلجأو لشخص من برا ... كونو احلا عائلة ...
بس تقرر تنام ... حط قرآن ... مشان ما يكون في وقت ليدخل الشيطان عقلك ويقنعك ترجع من اول وجديد ل الحب ومساوئه ...
يوم بعد يوم ... اولها هتتغلب ... بعدين هتعتاد ... انت هيك نسيت وقوي ايمانك اكتر وزادت علاقتك مع اهلك وصحابك ... مع مرور الوقت رح يتجبر قلبك ... وهتكون اكثر وعي وانتباه من العلاقات هاي ... هتكون قوي كفاية لتختتار مين صح ومين لا ... مين بستاهلك ومين لا .....
حط عبارات بغرفتك او اي مكان موجود فيه دائما ... متل ان معي ربي سيهدين ... او خلقت لابتسم ... طريقي للنسيان. .. انا اقوى منك يا الم ....عبارات تحفزك وتقويك وتحط بقلبك الامل ... والثقة ...
لا تحكي لا ما بدي اجرب بخاف ... انو تعمل شي وتفشل افضل من انو ما تعمله خوفا من الفشل ...
نصيحة اخوية ... كلمة الفشل لا تحطها بقاموس حياتك ... انت انسان ... والفشل مو موجود بحياتك ...
ابعد عنه ... وانساا ... ..
ملحوظة ...
بعرف انو لسا ما عندي متابعين كتير وما في كتير بتابع كلامي ... وما بدي شهرة ولا غيرو .. بدي اساعد اي حدا ممكن الله يدل قلبه ع كلامي ...
بعد ازنكم ازا في موضوع معين ما اتطرقتله ... او في موضوع معين بدكم مني احكي عنه ... لانو في ناس بتعانيه يكتبلي تعليق او يبعتلي خاص ... انا انسانة ومعرضة للنسيان ... وانا حابة اقدم شي يفيدني ويفيدكم ... لانو انا كمسلمة واجب علي الامر بالمعروف واساعد الناس ...
بتمنا تساعدوني لنتقاسم الاجر من الله ... وشكرا
أنت تقرأ
خاطرة قلبي
Tiểu Thuyết Chungاكتر من موضوع... قصص قصيرة.... في بخصوص كيف ننسا ونقدر ننسا اي شخص حبينا.... مواضيع عابرة حكيتها بوقت تعبي من قلبي.... خاطرة، ايدي كتبتها.... لكنها صادرة من قلبي....
