خاطرة قلبي

الحب المحرم

صوت صرختها الصوت الوحيد الي كان مسموع.... الكل بكا... بكا لنهاية هاد الحب...
هو ما صدق قلهم... حدا شاف حبيبتي قبل كم ثانية كانت تبكي وبتتطلع بعيوني.... مين عارف وينها... وين راحت... حبيبتي ؟! تعي يلا....
لا اسكتو هاي مو هي... انتي ما هربتي لتموتي... قرب من جثتها... بكا لاول مرة بحياته... قومي يلا.... يلا قومي
تركتك الف مرة.... جرحتك وتركتك تعاني الموت بسببي... بكيتي كتير بسببي... والله هعوضك... والله ما هبكيكي اصحي يلا... وعدك وين... وين يلا قومي... ازا ما كنتي مرتي مين هتكون... بحكو انك متي... ارجعي بترجاكي... والله مااا هزعلك فتحي عيونك يلا... ما هعصب غليكي مشان شعرك والله... هنستناه ليطول... يلا قومي بترجاكي بس قومي.... قومي مشان الله.... انا رجعت وما هتركك.... ليه عيونك مسكرة....
شو هادا الاحمر... ليه بتلعبي معي... مرة اسود ع قميصي وهلا احمر ع قميصك... يلا بعرف انكم يتمزحو وهدول الناس بمزحو... هاد مو دمك.... يلا قدامنا الكتير لنعيشه... بدي اولاد احكيلهم قصتي معك....
اطلعت عليه بعين متالمة... وهو مو عارف متألمة منه... ولا من الم الموت... حكتله بصوت ضعيف.... نفس صوتها بس كان يسمعها عالتلفون بتبكي وما كان هامه... حكتله اخر جملة....
(اعطيتك حب كتير كبير... اعطيتك... اعطيتك حب ما حلم فيه مخلوق.... واهديتني جرح ماا بتحمله كافر... كتير حكي كان بدي قلك ياه ومو قادرة.... هتلاقي ب شنتتي رسالة اقرأها وضل قوي...
اخر كلمة... انا... انا بح.... بحبك...
هون هي غمضت غيونها.... ابتسمت بسمة اخيرة... وجهها بارد متل التلج.... بس دمعتها نزلت... دمعة اخيرة نزلت من عينها... يمكن ماتت وهي بتبكي بس هاي اخر دمعة.... نزلت ايدها من ايده ودمعتها وقفت .... هدا جسمها... المكان كامل سكت... احترام للموت... احترام لنفس البنت هاي... لروحها البريئة... الي كل زنبها انها حبت بوقت غلط...
الناس بعدون عنها صرخ كتير... صرخ رجوعني عندها هستناها لتفيق... بدي استناها هي وعدتني ما تروح... والله هتصحا... اصحي يلا.... بعدوه اكتر واكتر....
اطلع ع قميصه.... كان ذكرى سيئة... راحت وتركت دمعتها...
ما تجرأ يقرأ مسجتها الاخيرة... ما تجرأ ابدا يفتحها....
ضل يبكي وبس... يبكي بهدوء... صار متل طفل صغير ما في شي يسكت دموعه.... هي راحت ع قبرها... وهو رجع عبيته... مسح دمعته ودخل وكأنو انسان ميت... صديقه قله... الله يرحمها... وكيف ممكن هلا ما تنزل دمعته... رجع بكا من جديد....

ضل الجزء الاخير 💔