خاطرة قلبي

مذكرتي....

اليوم 30/1 .... اليوم الاثنين.....
صحيت ع الستة وشوي .... وما عرفت اضل قاعدة لازم باي شكل اطلع.... فضليت لزبطت طلعة مع اعز صاحباتي نتمشا ومن هالحكي وكنت حابة اشوف مركز لاسجل في مادة حاسوب ...
لبست عباي ... وشال زهري بارد ... رحت عندها والعاهة لسا مو مخلصة ... قعدت عندها وعجبتها العباي علي كتير لاني طويلة ... هي لبست عباي متلي وشال زهري بس مو نفس درجة لوني.... وراحت تصلي ... وامها سلمت علي وبلشت تسالني وين رايحين ومن هاد الحكي ... هههه انا بريئة علاخر ... يعني ممكن بسهولة اقنعك فيي ... صوتي هادي وهيك ... وطلعنا المهم ...
رحنا على المركز وعبايتي اتعبت مي هههههه موقف سيء.... بعدين المدير شافني قلي من بعيد تعي شوي ... هو انا مرة تطاوشت مع معلم الانجليزي وصار شوي موقف سيء بيناتنا وانا ما غلطت ههه هو الغلط ...رحت وقلي كيف امتحانك ومن هاد الحكي ... بس انا كنت مبتسمة ومنشكحة علاخر لانو شافني الف مرة ببكي ...
المهم طلعنا ... وضلينا نقيس جلابيب ... هي كسلانة بتخليني انا اقيس .... وطبعا بنخترع حجج وبنطلع ههههه وضلينا هيك ... وكان احلا يوم بحياتي ... بعد هاد الحكي .... قررنا نروح ... رحنا ع سوبر ماركت قريب ... الزلمة الي هناك صاحبتي بتعرفو معرفة بسيطة لا غير ... انا علاقتي مع اي واحد مبينة ... يعني مستحيل اطلع فيه مهما حصل. ... بس بحكي يسلمو وبطلع بس اشتري شي ... المهم ، مرة رحت لحالي اشتري من هناك ... هو مؤدب ما اطلع علي ... انا فتت اشتري الا بقلي لو سمحتي المحل قاعد نازل حاولي اسرعي دزبط المحل ... كنت بدي اضربه واموته ... هزيت راسي .. وانهيت ... هو كان بطلع بعيوني ...  بس انااا ما كنت اطلع .. يعني بقدر اشوف ازا بطلع او لا وما اطلع ... وما كنت ارفع راسي ... دفعتله حكتله يسلمو وطلعت ... ف اليوم لما رحنا صار يحكي بخصوص قصة بترتبط ب حب ... مو هقدر احكي شو سبب هاد الحكي بس انا ما دخلني ... فحكا انو شي ممكن وطبيعي يحب واحد ويخد غيرها صح بتصير واطلع علي يعني احكي ... انا هزيت راسي يعني لا ... حكالي لا ؟! انا انفعلت ما عرفت التزم الصمت متل دايما ... حكتله ... لا ، لو بحبها ما بسمح لحاله يوخد غيرها ... حكا بس بتصير حكتله لا بكون ما بحبها ... بحبها ما بعمل هيك ... بلش يقلي قصة صاحب اله ... وانو حب سبع سنين وبلاخر هي تركتو مشان واحد معه مصاري ... للعلم هاي اول مرة انطق حرف واحكي مع اي شخص ... بس هو استفزني ... بس وانا بحكي كان كلامي بشكل بدل ع تربايتي وادبي ... يعني انا بس اطلع بحط براسي شي ... ربي وثقة ماما الي طلعتني ... يعني يمكن البعض بحكي غلط الي عملتو ... بس كان مجرد كلام بسيط ... ومااا ضحكت ما عملت شي مجرد حكي كان ... وضليت منكدة من حكيه لانو مو حب هااد الي بحكي عنه.... هاد ابدا مو حب ... وروحت عبيتها ضلينا نوكل ونحكي ... هاي البنت احسن بنت .... مؤدبة وخلوقة ... وهنلبس جلباب سوا ... انا وهي ما بهمني ولا اكبر همنا رجل ... احنا حلمنا نعيش ب امل ... ونطلع واكل ...
لا بهمني ولا بهمها رجل ... اهلي وثقو فيي مو مشان اضحك مع رجال ... ولما امشي بمشي معي شرفي وشرف اهلي ....
وانا بفتخر اني بنت اهلي ...
وروحت علبيت جليت الجلي هههه وصليت ... وكتبت اجزاء بلرواية هاي ... وحكيت مع صاحبتي فرطنا ضحك عكل اشي .... بدنا جلباب نفس الشي واللون النا نحنا التنتين ... هلا بنطمح ل نتخرج ونخلص توجيهي
دعترفلكو اعتراف ...مهم ههه .
بعتقد بكرة في شي بقرروه ماما وخالاتي بعرفهوش ... سر ... ماما اجلت يوم دوامها مشان بكرة ... بس بعرفش شووو في ... سالتها حكتلي فش اشي ... بس الا في مو متطمنة ههههه بدي اطلع وبس زهقت هههه ...
وهاد اليوم تاعي هلا بسمع قرآن انا ... وباي هههههه الله يبسطني ، ويبسطها ... ويبسط كل حدا بقرأ كلماتي ...
صحيح الحياة مردغتني كتير بس عادي ... حياتي الجديدة احلا ... لانو قربت لربي ... بصراحة زمان كنت ضايعة ... وحابة ادخلكو ع جزء من حياتي البئيسة الي كنت فيها قبل ما اتوب .... بس اخلص طريقي للنسيان هكتب ... بعنوان ... قبل ان اقرر التوبة ... والآن وها قد تبت ... وبتمنا يفيدكم ... ياااي ... بس بشكل عام محتارة اكتب ب لغة فصحة او عادية .... وباي مذكراتي ...