خاطرة قلبي

طريقي للنسيان ج5

رح نحكي عن شي كتير منا مر فيه وتعبه ...
حب شخصين ...
كتير فضفضنا وحكينا لناس احنا واقعين بحب اكتر من شخص ... وما سمعنا منهم الا كلام ... معتاد من الجميع ... انت حقير ... جمعية ... ومعاني بتحمل هيك ... وبستنكرو هاد العمل ... برغم انك حكيت لانك محتاج ل مساعدة ومو ل ينحكا عليك بالسيء ...
اتاكد كتير منيح ... ازا كان قلبك لاكتر من حدا فهاد مو حب ... احنا بنكون قانعين حالنا بشي اسمو حب ... لانو الحب لانسان واحد.... ومستحيل يتحرك القلب مرتين ... بنفس الثانية ...
بتكون وقعت بحب انسان ... وبفرصة تانية وصدفة اتعرفت عحدا تاني ويمكن اغرقك بالوعود والكلام وكلشي صادق ... يمكن سحرك باهتمامو ويمكن الي كسرك اكتر انو صادق معك ... هتوقع بشباك ... بين اتنين ... لا انت قادر تترك الاول ولا بامكانك تترك التاني ...
كون مقتنع انو انت بمرحلة مراهقة ... او يمكن ناقصك اهتمام ...
بلافضل تترك التنين وانت مقتنع انو حب تنين بوقت واحد بدل انو مشاعرك خاينة بعدها ... فلافضل بهيك حالة تترك الاثنين ... وما تدخل بعلاقة لانو قلبك بنبض بسرعة ... وتستنا نصيبك لا غير ...
او حتى اترك الشخص الاول ، لانك لو حبيته جد ... ولو انه ملكك كلك لما لجأت لتاني ولما بلش ينخلق فيك حب جديد ... فلو كان الاول كافي الك لما نبض قلبك لغيره ...
لا تسمح لحالك تحتار بين شخصين ... ولا تسبب لحالك آلم نفسي ما رح ينتهي ... رح تسأل حالك كتير ... انا لمين ... انا مين بحب ... او سؤال مؤلم ... وسالته لحالي كتير ... طيب شو هو الحب ؟! ....
الحب اجا ليسعدك ... اذا لقيت انو حبك هاد بكاك ودخل بمرحلة سيئة اتركو ... الحب اجا بس ليريح قلبك ... الحب راحة وسعادة ... لا تستمر ازا حزنك هاد الحب ... اتركو وتوجع ... انت متوجع عالحالتين بس توجع فترة وارتاح بعدين احسن من انو تتوجع كل شوي وبلاخير يقرر يتركك وتتوجع كمان ....
اخي واختي الي بتقعو بحب اكتر من حدا .. هاد مو حب ... لانو الحب هو انو ينبض ويموت قلبك من اجل شي واحد ..  تحب شخص واحد ... بحال ما كان لشخص واحد اعرف انك بنقصك شي ... اهتمام يمكن ... او مشاعر زائدة عندك ... او مراهقة لا غير ... لا تجرح الاثنين سوا.... لا تترك حالك بمتل هيك حالة ... اتركهم لانو قلبك ما حب صح لسا ... لانو ما اكتمل قلبك لتلاقي حدا.... اتركهم لانك عم تظلم حالك وتظلمهم معك كمان ... استنا تحب انسان صح وما يشاركك هاد الحب اخر ... .
حب اتنين مو حب حقيقي ... يمكن انت هلا متوقع انك بتحبهم كتير ومستحيل تبعد.... بس الحب انك تحتار مين حبيبك ؟! فكر منيح ... انسا لانه هاد مو حب ... اختار شريك اخر لما يجي الوقت ... لا تبحث عنه هو هيلاقيك.... واترك ل الاشخاص التانية تختار. .  لا تلعب بقلبك او فيهم ... اترك كل شي ...