Ito ay tula para sa mga taong may crush. Lahat naman tayo ay may crush, diba? Kaya ang tulang ito ay para sa ating lahat.
^_^_^_^_^_^
Araw-araw, sumusulat ako sa aking mahiwagang diary
Nilalaman nito ay aking buhay na puno ng pangyayari
Sa aking lihim na crush at ako ay may pagtingin, wala ni isa nakakaalam
Sa bawat pahina ng aking aklat, pangalan niya lang ang tanging nakalaan
Dear Crush,
Dumaan ako mismo sa iyong harapan
At ikaw ay labis na pinakatitigan
Isinaulo ang bawat sulok at angulo
Ng iyong mga paa hanggang ulo
Nabusog ang aking mga mata
Walang masabi aking bunganga
Tuloy, hindi na makatulog, mga pagkain ko hindi na nakakain
Pero nararamdaman ko ang gutom kapag wala ka na sa paningin
Dear Crush,
Hindi mo napansin nang ako ay umupo sa tabi mo
Gusto kong hawakan ang iyong kamay, sino nga ba ako?
Hindi maaari, ayokong malaman mo ang bugso ng damdamin
Gusto kong idikit ang katawan, pero baka ako ay kaladkarin
Sabihin mo pang ako ay mamboboso
Umalis na lang ako baka makagawa pa ng loko
Kuntento ako dahil naamoy ko ang iyong pabango
Lumilipad sa kalangitan ang baliw na puso
Dear Crush,
Ako ay nasa malayo, ngunit heto papalapit na sa'yo ng tuluyan
Inilabas ang camera at kinuhanan ka ng mga larawan
Malapit nga sa iyo ngunit ako ay nagkukubli sa isang sulok
Mata ko sa iyo ngayon parang tanga, tutok na tutok
Ang daming tao sa paligid ngunit ikaw lang ang tanging nakikita
Ang ingay-ingay nila pero tibok lang ng puso ang pumapasok sa tainga
Salita sila ng salita ngunit boses mo lang ang naririnig
Ang baho-baho nila pero nalalamyos ko pa rin ang mabango mong tinig
Dear Crush,
Sana balang araw, ako rin ay mapansin
Nahihiya muna ngayon at ililihim muna ang pagtingin
Magpapansin na lang at kakapalan ang mukha sa susunod
Hini iyong wala akong ginagawa na parang uugod-ugod
Dear Crush,
Hanggang dito muna ang kaya kong sulatin
Ako muna ay magmumuni-muni tungkol sa aking damdamin
Asahan mo ako, ako ay gagawa ng hakbang
Upang tayo minsan ay magakasama lamang
YOU ARE READING
ALL ABOUT LOVE
PoezieIto ay koleksyon ng mga tula para sa pusong nagmamahal. Malayo o malapit man sa isa't-isa, masaya o malungkot man ang istorya, maganda o masaklap man ang tadhana, patuloy pa rin natin silang mamahalin at susubaybayan, kahit sa huli an...
