" THE MEMORIES THAT WE'VE SHARED "
WRITTEN BY : SHERYL FEECHAPTER 2
" Kumusta ang lakad ni'yo anak?" salubong na tanong ni Aling Minda.
" Kagaya ng dati inay pagod pero okey lang. Ikaw inay kumusta ka po dito?" tugon ni Joanna sa ina.
" Iyan ang pinili mong bokasyon anak kaya't magtiis ka. Sabi naman ni ma'am Mheljorie dati na huwag iyan ang kunin mo pero itinuloy mo pa rin kaya't magtiis ka anak. Ano pala ang gusto mong hapunan ?" tugon naman ni Aling Minda.
Mula sa pagkakasandal ng dalaga sa kanilang upuan ay naupo siya ng tuwid.
" Wala akong pinagsisihan inay ba pinili ko ang sarili kung ambisyun kaysa ang sundin si tita Mhel. Masaya ako sa bawat assignment ko ba ibinibigay nila." tugon ng dalaga pero ang mga mata ay biglang lumumbay.
" Okey ka lang ba anak?" tanong ni Aling Minda .
" Oo naman inay. Pagod lang siguro ako lalo at malayo ang biyahe. Si itay nga pala inay 'di ko siya nakikita ah." sagot ng dalaga.
" Nasa malaking bahay anak. Tumulong doon may darating yata kasi nagpasabi si sir Bryan na linisin ang buong paligid. Galing ako doon pero nauna na ako dahil alam kung darating ka. May nakahanda ng pagkain anak baka kako gutom ka na. " tugon ni Aling Minda.
" Sabay-sabay na lang tayo mamaya pagdating ni itay. Sa kuwarto muna ako inay magpapahinga lang muna ako." sagot ni Joanna pero ang nasa isip niya ay kung sino ang darating sa mga may ari ng malaking .
" Sige anak para makapahinga ka naman. Pagod ka pa naman sa biyahe . Gisingin na lang kita pagdating ng tatay mo." tugon Aling Minda.
Hindi na sumagot ang dalaga bagkos ay tahimik niyang hinila ang kanyang maleta papasok sa kanyang kuwarto. Oo sarili niyang kuwarto dahil kahit papaano ay naiangat nila ang kanilang buhay sa sarili nilang sikap. Matagal na nanilbihan ang kanyang mga magulang sa pamilya Mondragon. Labandera ng pamilya ang kanyang ina at hardenero, driver naman ang kanyang ama. Pero ng nagmigrate ang buong pamilya sa Nevada ay nagpatayo ang mga ito ng bahay dahil na rin sa kagustuhan ng mag asawang Mheljorie at Tristan lalo at sa kanila din ipinagkatiwala ang mansiyon. Gusto ng mag asawa na doon na lang sila tumira pero magalang nila itong tinanggihan dahil ang pagpapagawa ng mga ito ng bahay ay malaking bagay na para sa kanila. Sinikap ng mga magulang niya na mapag aral siya dahil na rin sa angkin niyang talino. At heto siya ngayon limang taon na bilang isang field reporter ng ABS-CBN Baguio kaya't kung saan-saan siya napapadpad.
" Kumusta na kaya si Dragon? Sampung taon na rin ang lumipas simula ng huli kaming nagkita. I'm very much sure isa na rin siyang matagumpay na negosyante." bulong niya.
" Si Andrea hindi mo kakamustahin?" tukso tuloy ng isip niya.
" Hmmp! Bakit pa eh sigurado namang masaya na ito sa relasyun nila ni Dragon." nakangusong sagot ng dalaga sa sarili.
" Selos ka noh? " muli ay aniya sa kanya ng sarili.
" Hindi naman ah. Bakit ako magseselos eh wala naman kaming relasyon." parang baliw na sagot niya sa kanyang sarili.
Ang hindi alam ng dalaga ay sinundan siya ng kanyang ina. At dinig nito ang pagsagot sa sarili, kitang - kita din nito ang reaksiyon niya. Pero hindi na lamang ito nagpakita dahil ayaw din naman niyang mapahiya sa kanya ang nag iisa nilang anak.
" Alam kung mahal mo ang kababata mo anak. Sa ganda ng samahan at pagkakaibigan ninyo ay bigla ka na lamang umiwas sa kanya. Na kahit anong pili niyang kausapin ka ay iniwasan mo pa rin siya. Kung ano man ang dahilan kung bakit bigla ka na umiwas sa kanya ay ikaw lang ang nakakaalam pero hindi na kita tatanungin anak. May sarili ka ng isip at may kakayahang magdesisyon para sa sarili mo." bulong ni Aling Minda habang pinagmamasdan anak.