Ikaw ang taong hindi inaasahang mamahalin ko
Mamahalin kahit na hindi ako ang gusto mo
Ikaw ang taong gusto kong nakikita araw-araw
At ako ang taong hindi mo nais matanglaw
Ikaw ang taong nais ko sanang makamtan
Ngunit kahit isang sulyap ako'y hindi mo nabigyan
Ikaw ang dahilan ng aking mga ngiti
Subalit ikaw rin ang dahilan ng aking pighati
Ikaw ang tipo ng taong hindi ko pinangarap
Ngunit bakit ngayo'y tila lagi kang hinahanap-hanap
Ikaw ang nais ng mata kong laging matanaw
Ngunit salita'y nalilimutan kapag ikaw ay lumitaw
Ikaw ang dahilan ng luha sa aking mata'y umaagos
Humihiling sa Maykapal sakit na nadarama ay matapos
Ikaw ang hinahangad na magsilbing ilaw ng aking buhay
Ngunit sadya palang ang puso ko'y itinadhanang patay
Ikaw ang alaalang nais ko nang limutin
Subalit diwa ko'y hindi na kaya pang gamutin
Ikaw ang lugar na nais ko nang lisanin
Ngunit walang pagkakataong ito ay aking gawin
Sa pagdating pa ng mga araw
Nawa'y sa akin na ay malinaw
Na mahalin kita ay posible
Ngunit ikaw na mahal ako ay imposible
BINABASA MO ANG
Poem (What My Lips Can't Say)
PoetryI owned all of these poems. These poems are all about the things my heart wants to tell but my lips just can't.
