Poem (What My Lips Can't Say)

Punto

Dumating na naman sa puntong puno ng ngiti ang aking mga mata
Dumating sa puntong kinikilig sa mga imahinasyong nakikita
Dumating sa puntong mukha mo ang tanging laman ng diwa
Dumating sa puntong gusto kang laging nakakasama

Pero minsan sa kabila ng ngiti, may takot na sumisingit
Sa bawat kilig, may pangangambang naiisip
Sa bawat pag iisip, may damdaming pinipilit
Sa bawat paghahangad, may kalungkutang nakakamit

Nararamdama'y sadyang kay hirap intindihin
Masaya sa pakiramdam pero may takot na pumapain
Magaan sa loob ngunit minsan sa puso ko'y mayroong dumidiin
Akin mang iwaksi, ito'y mahirap manipulahin

Darating ang araw, tunay na rason ay malalaman ko rin
Rason sa kabila ng pangambang dinadaing
Magtiwala ka lang, tunay na ligaya'y makakamtan natin
Mahal, tayo'y sasaya nang walang pangamba sa aking piling