حبيبي بوحدي

Partie(1)

ماما: آهياتا نوضي راه مشا الحال
انا: واخليني يا ماما وايلي حتى نهار الحد منعسوش
ماما حيداتلي لغطا
ماما:بلاتي انعيط ليه هوا لي ايعرف ليك (بابا)
انا:صافي صافي هاني فطواليط
نقزت دغيا هزيت خسلت وجهي وسناني و ديما تنبغي نصلي ا تنقطع الله يسمح ليا.
--------------------
سمحولي زريت عليكوم انا مريم عندي 17عام فالباك طويلا فيا 1,65 شعري مارو مغلوق واصل لنص ضهري عيني مارو فورمتي زوينا غير الصدر معنديش بزاف مهم نخيلكم تكملو لقرايا...
---------
مهم مشيت لكوزينا لقيت ديك لعفريتة د آية كالسة تتفطر
آية :لا حول و لا قوة الا بالله شكون ناض عاوتاني
انا: باسم الله عليك شفتي جن كولي ا صباح الخير
آية: ماما شتي مريم بقات هازا تيليفون فليل مخلاتنيش نعس غي تتهضر فيه
ماما: آه نتي بعدا(انا) صفية جارتنا كاتلية شافتك معا شي واحد حدا الكنيسة
انا:بالعمى مامشيت اصلا لدوك الجوايه
آية: سيري سيري الكذابة
خنزرت فيها ا خرجت هزيت كاس اتاي و مشيت شعلت لراي (نتي سبابي) و كلست تنجمع الدار و جففتها ساليت معا ديك 2h.
هزيت تيليفوني عندي آيفون 5s المهم هابطا طالعا ا هوا يعيط ليا شيحد بالبريڤي جاوبت؛
انا:الو
؟!؟:.......
انا:شكون معايا؟
؟!؟:........
انا :اف بنادم يعيط فاللخر يخليك مبلاكي
قطعت جمعت الوقفة لبست سروال كحل ا تيشيرت فالبيض سوبرا طالعا فالبيض حتى هي طلقت شعري ا خرجت اذا بي تنتلاقا خويا معا ياسمين صاحبتي
مشيت عنقتهوم بجوج ا كتليهم راه بقات لكم الدار خاريا كولشي خارج ا الى فيكم جوع راه شي سندويتشات د لا داند صابتهوم ا مشيت .
درت ليزيات فودني ا تميت غادا گلت نمشي نشري شي ريدبول تشهيتها دخلت لسوبر ماركت ا هوا يبان ليا واا حد البوغوس سهييت فيو ما فيقني غي تليون هيتلر تايعيط (بابا)
يتبع...)