كما تبعتو معانا فالجزء لي قبل مريم خرجات
مع اسامة و داها لداك لصالون
----------------------------------------------
هبطت دخلنا و كولشي تايكول سلام السي زياد
انا مفهمت والو هو غمزني و خرج و جاو ضارو عليا دوك البنات هالي شدات شعري يدي ضفاري رجلي
مفهمت والو
حتى جات قدامي واحد البنت زوينة بزاف تباركالله
البنت : سلام ريم خطيبك السي زياد وصانا عليك
مريم: اشنووو؟؟! خطيبيي؟
وهو يوصلني مساج من عند اسامة عارفك مفاهما والو والايني كولي انا سميتي زياد و نتي ريم وحنا مخطوبين
اويلي شهادشي شهاد التخربيق وانا نشوف فديك البنت
البنت : علاش السي زياد هو خطيبك
مريم: اه اه هو غير زعما تفاجأت دغيا قالها للناس
البنت : ههه باينا فيه كايبغييك الله يخليكوم لبعضياتكم
اودي كون غير كنت خاطيبتو بالصح راه تايحسبني بحال ختوو صافي
انا: هههه (ضحكة الصفرة) امين احبيبة
المهم ضارو بيا شي بنات حداخرين تايقادو ليا الماكياج هادشي كامل وانا مكتنشوف والو
عند اسامة:
تفاهمت مع مالين الصالون و ديت لهم مريم احح ديك البنت شحال فنيونة المهم عيطت للواليدة
انا: آلو الوليدة لباس؟
الام: لاباس اوليدي ونتا شخبارك
انا: الحمدلله
الام: اوا و بنيتي مريم
انا : اه االواليدة على ودها عيطتلك
الام: الله يسمعنا خبار الخير ، اش كاين؟
انا : المهم من بعد و نقوليك
راه انسيفطلك الشيفور يديك لديك الدار لي عندنا فسلا
الام: واخا اولدي اتجي نتا؟
انا : اه انجي انا وواحد الضيفة ان شاء الله
الام : اممم ضيفة اوا مزياان اولدي
عند مريم:
انا خليتهم تيصابولي و ترخيت حتى فيقني شي حد
حليت عيني لقيت ديك البنت لي هضرات معايا فاللول قاتلي اجي معايا لهاد البيت
انا معرفتش شنو دايرينلي فوجهي والايني شعري بانلي سبغوه
الله يخرج هادشي بخير و على خير و صافي
البنت : آنسة ريم تفضلي معايا
مريم : اه واخا
مشيت تبعتها دخلوني لواحد البيت دارولي لاسيغ للجسم ديالي كامل و دارولي لي سوان دو كوغ حسيت بداتي رطبااا بزاف و نقية
و داووني لواحد البيت آخر غي حلو الباب وانا نحل فمي 360درجة واحد البلاصة عامرا حوايج وديك البنت عطاتني كسيوة كري حد الركبة و و تجاكيط دالكويغ فالكحل و طالون كحل
وهي تقولي
البنت: تباركالله جيتي فنة بلا شك سي زياد اتعجبيه
مريم : ههه اه
مكملات حتى هضرتي و هو يدخل اسامة(زياد) و با تيشوفيا من رجلي لفوق و قالي
.....(يتبع...)
أنت تقرأ
حبيبي بوحدي
Roman d'amourهادي قصة مغربية بالدارجة اللي انحكي ليكم فيها من الواقع عن مريم اللي تعرفات على النصف التاني ديالها اسامة ا بقاو بجوجهم رغم المشاكيل و الصعوبات . ❤️ فيها المغامرة-الأكشن - الحب 💕💕😻💉 ••••••••••••••••••••••••••••••••••••••••••••••••••••• ...
