عند ياسين:
حليت لباب د الدار دخلت حتى بغيت ندخل
البيت ديال مريم وانا نلقا قطرات دالدم مجرجرين لبيتها
دخلت تانجري وهيا مليوحا فالارض ومتكيا على فراشها
يالاه بغيت نقرب ليها حتا تايبان لي شي حد ناعس فوق فراشها و كانت هادي الصدمة ما يمكنش
مشيت قربت لحدا الشخص ا تنمسح فعينيا مزيان باش نتاكد وانا نلقاه هو اه هو و الله حتى هو ناااري ياكما مان تيقلب عليا
عند اسامة:
بديت تنحل عيني شويا بشويا واخا داكشي مضبب
والايني حسيت بشيحد داز قدامي و مشا سديت عيني و عاود حليت هو يبانلي شيعد خارج بشويا
بديت تانحاول نوض واخا راسي دارني لمهم محاول شويا بشويا واخا دوخا مي داكشي مسلك الحمدلله
تلافت بانت لي مريم فالارض خرجت من لبيت قشعتو
اه هو مي ما يمكنش شتايدير هنا ؟ يكون تابعني زعما ؟
نن ماتانضنش
بزاف دالاسئلة فراصي و تبعتو خرج هز طوموبيل و كسيرا مشا وخلا موراه غير الغبابر انا نقلت الرقم دالماتريكيل ديالو و رجعت لدار مريم لي خليت لباب محلول هزيتها حطيتها فبلاستها و حيدت ديك المخدة لي فيها الدم و درت وحدا اخرى و غطيتها و طفيت الضو و خرجت هزيت طوموبيلتي و مشيت للشركة
عطيت الرقم دالماطريكيل ل أمير (صديقي و خدام معايا و كاذالك تايجيب ليا المعلومات بحكم خدمتي السرية مع المافيا)
انا: لقيت ياسين
امير:داك البرهوش لي شهد مع طورو؟
انا: واييه وا طلقنا ا صاحبي بغيتو يحضر عندي واخا يكون تحت الارض ماشغليش!!
❣❣❣❣❣❣❣❣❣❣❣❣❣
فين تايعرف ياسين اسامة؟
علاش ياسين هرب؟
شكون طورو؟
و شنو ايوقع ل مريم؟
الا بغيتو تعرفو تسناو الجزء الموالي 😘
أنت تقرأ
حبيبي بوحدي
Romanceهادي قصة مغربية بالدارجة اللي انحكي ليكم فيها من الواقع عن مريم اللي تعرفات على النصف التاني ديالها اسامة ا بقاو بجوجهم رغم المشاكيل و الصعوبات . ❤️ فيها المغامرة-الأكشن - الحب 💕💕😻💉 ••••••••••••••••••••••••••••••••••••••••••••••••••••• ...
