حبيبي بوحدي

الجزء 22

البنات سمحو لي راه عندي الباك عاد سالينا اليوما و ان شاء الله انرجع نكتب ليكم ❤️ كاين شي ترحيب بعداا ؟؟
و قولولي الرأي ديالكم على كتاباتي 🙏🙏

☀️☀️☀️☀️☀️☀️☀️☀️☀️☀️☀️☀️☀️

فاقت مريم  غسلات و جهها بغات تبدل حوايجها
حلات البلاكار د البيت فاش نعسات
لقات حوايج الدراري هزات واحد التيشرت شورط
لي ردوها بحال شي شمكارة حيت
كبار عليها

بدات تادور فالبيت و تاتقلب لقات واحد لالبوم
د التصاور نعسات فوق الفراش
و بدات تاتشوف فيه
التصاور ديال اسامة مني كان صغير

مريم:( اححح شحال كان كيوت هاد الدري فاش كان صغيرههه وا باينا وا راه تيتيز حتى دابا)

بقات تاتقلب فالتصاور و لاحضات
انه بعض التصااور مقطع منهم واحد الولد صغيير
يا اما مقطع لو وجهو ولا مخربق فوقو
مي واحد التصويرة لا

بداات مريم تاتحقق فيه
وماعارفاش حيت بحالا فايتلها شافتو
ما خرجها من التركيز ديالها غير اسامة
داخل بعجاجتو و طير لها لالبوم

عند اسامة:

فقت بكري مشيت جبت الفطور و حطيتو فوق الطبلة
و شفت الساعة لقيتها 10:30 دالصباح
قلت نمشي نفيق مريم لي خمراات

انا كيف حليت لباب لقيتها محنية على شيحاجة
قربت لها لقيتها تاتبقشش فتصاوري
ناااري معقلتش على راسي و طيرتو لها

اسامة بعصبية : لاش تتقلبي بزااف

مريم : سمحلينا و ناس تايقولو صباح الخير

هنا اسامة عطاها بالضهر وحتا كان هابط فالدروج
وهو يقول لها

اسامة : صباح الخير و هبطي الفطور واجد

هبطو ابطالنا بداو يفطرو فجو ممل وصامت من غير التقرقيب
ديال المواس و الفراشط حتى نقزات مريم و كسرات الصمت

مريم: كملت الحمد لله دبا شرح ليا شنو غاندير بالضبط؟

اسامة: المهم انا بدلت لك الشكل ديالك باش مايتمش اكتشافك حيت الرجال ديالنا تا يعرفو على عائلتكم الصغيرة و الكبيرة
و انت دابا باش نقدر ندخلك المجموعة خاسك تكوني محترفة فشي حاجة انترنيت و لا المسارعة ولا السيارات المهم باش هكدا يتم قبولك و غاتبداي تمشي لسونطر تولي تهضري بالانجليزية و الاسبانية

مريم : اسامة انا راه مستاعدة ندير كولشي على قبل عائلتي
وراه ديجا كانت عندي سمطا كحلا ف الكاراطي

اسامة : بداي تقولي زياد تولفي باش ماتلفييش و مزيانة هاد القادية يعني ديجا عندك تجربة . تسناي انا جاي

عند مريم :

يااه فين كنت عايشا و كي ولييت فين ماما و بابا توحشت غواتهم عليا اما بابا مسكين ماليه والو و دخل لهادشي تاهو

باقا تا نهضر مع راسي عتى لاح ليا سي زياد واحد الضوسي
فوق الطبلة

اسامة: حلييه

يالاه حليتو لقيت فيه واحد الورقة بقيت حالا
فمي
اواااااه😱😱

**************************************

اشنو لقات ريم او مريم ؟
شنو فديك الورقة ؟

خليو توقعاتكم فلي كومونطييير

🔥و ديرو ابوني باش يوصلكم الجدييد 🔥