حبيبي بوحدي

Partie(3)

دخل اسامة لبيتو باش ينعس وهي دخل عندو ميمتو تجري
لالة مليكة: اي يا وليدي واحد البنت ساكنة فهاد العيمارا شحال فنة و متخلقة و مصوابة الله يرضي عليها هي لي عوناتني فداك صاك معرف شنو داير فيه شحال تقيل
اسامة: اويلي يا مي ياكما حلاتو
مليكة: كتليك البنت غي عاوناتني
اسامة: اه اوا الله يجازيها بيخير
مليكة:هاك ا وليدي دي لها هاد سوارت طاحو لها
اسامة: واخة ا ماما
--------رجعو عندي شويا نسيتوني---------
انا يلاه دخلت لدار ملقيتش دوك جوج لي خليت شو ولاد لحرام رونو ليا الكزينة مشيت بدلت حوايجي لبست كسيوة باردة قصيورة شويا و درت ديل حصان وانا نسمع دقان فالباب كلت ايكو غي ياسر مشيت حليت الباب ا كانت الصدمة من لم يكن في الحسبان هاداك الوكوس
اسامة:سلام(وهو حال فمو فيها)
و مد يدو باش يسلم
انا: ا وي بونجور خويا ماكينش (و هي باقا مامستوعباش شكون قدامها)
اسامة: اممم لا مبغيتش خوك بغيتك نتي (اويلي شتنكول)
انا: انا كفاش انا اويلي(تفكرت شنو لابسا وانا نغوت ومشيت بالجرا لبيتي نلبس شيحاجا اخرى)
اسامة: او مالها ياكما واقعا لها شيحاجا!!
اسامة رد الباب ا دخل خاف على مريم وهي تبان ليه فواحد البيت تاتمشط شعرها بقا ساهي فجمالها حتى قاطعاتو مريم
مريم :شنو كلتياي بغيتي غير سمح ليا
اسامة:اه! انا كنت لهيه ا جيت (اويلي مالي تنخرف)
مريم: هههه كفاش
اسامة : بغيت نكوليك انا ولد مليكة حنا جيران جدا د
مريم :(هاد زين كامل ايولي نشوفو يوميا احححح)
ااه مرحباا و الف مرحباا سمح ليا والله معرفتك كلس نجيبلك شي حاجا دار دارك
اسامة: لا انا.....
مخلاتوش يكمل هضرتو حتى طارت للكوزينة
اسامة(الله على بنت مكدباتش فيها مي ملي كالت تادخل للخاطر ا انا دخلات لي ل قلبي ا سرقات عقلي)
مريم(اناري ميمتي على تيتيز كاين معايا فضار )
--------------نسيت مهدرتليكمش على اسامة-------
اسامة شاب عندو 20سنة ،جسم رياضي فيه 1,86متر كيقرا الاقتصاد فسويسرا ملي كانت عندو 17سنة  باش يخدم ف الشاركة لي خلا باه المرحوم ا فالصيف باش رجع للمغرب كاتليه مو بلي الفيلا جاتها كبيرة بزاف و غير هيا لي تاتكون فيها و اسامة خدا لها بارطمة في حي راقي بالرباط ، اسامة فطابعو عصبي بزاف.