سلااام البنات انا احلام ف عمري 17 سنة .. عندي هاد العام الباك (حيت بديت قرايتي صغيرة) ، لمهم حنا عائلة ميسورة الحمد لله ، بابا خدام في المقاطعة ، و ماما ربة بيت ، انا هي المتوسطة ف خوتي ههه ، كاين ايمن 26 عام مهندس (نشوف ليكم معاه ههه؟ ) ، كاين عمر 24 عام كايقرا الطب، و كاينا انا.. و ليلى 16 عام و حسنة 14 عام ..
انا بوحدي اللي خرجت ليهم لا قرايا لا والو ، كاع خوتي ها اللي مهندس ها اللي طبيب ها اللي تاتجيب 19 و 18 .. و انا ايلا جبت غير المعدل مانكولها لحد .. هادشي كامل حيت همي الوحيد هو الزواج !!! عارفاكم غا ضحكو عليا حيت باقا صغيرة ، ولكن انا مليت من هاد القراية ، بغيت تا انا نحس بلي كاين شي حد كا يبغيني كيما انا كابغيه ف الحلال طبعا (عارفاكم عقلكم موسخ ههه)
احلام : ماما فيناهوما كتوباتي
الام (مي زهرة) : سعدي ببنتي كاتقلب على كتوباتها باش تحفض!!
احلام : واا لا وراه الهام (صاحبتي) نسات كتوباتها عند جداتها ، بغاتني نسلفها كتوباتي باش تراجع
الام : ونتي ماغاتراجعيش !!
ايمن : (يالاه جا من خدمتو ) السلاااام عليكم (باس يد ماما و راسهاو جا سلم عليا)
الام : الله يرضي عليك ا ولدي ، اجي كلس نمشي نحط ليك عشاك
ايمن : واخ ا مي ..
احلام : اوووففف المرض هو هادا !
ايمن : امالك ا احلام ؟
احلام : كانقلب على واحد 2 كتوبا ما بانوش ليك؟
ايمن : هاي هاي هاي هي باغا تقراي ههه
احلام : بفف.. لا لصاحبتي .. يااه هاهومااا ههه ماما هاني جايا غانمشي عند الهام لدارها ندي ليها الكتوبا
الام : واخا ا بنتي دي معاك ليلى تونسك (جاتكم غريبة تخليني ماما نخرج ف الليل؟ ههه راه غير حيت الهام جارتنا)
ليلى (من بيتنا )(بيت كانعس فيه انا و ليلى و حسنة) : اللا ا ماما غير خليني نراجع عندي فرض
احلام : بلاش ! هاني غادا ا ماما ..
الام : بالسلامة ا بنيتي ما تعطليش
احلام : كوني هانيا (خرجت و سديت الباب)
أنت تقرأ
فينك يا حلالي!
Romantik"فينك يا حلالي!" هي قصة من سلسلة قصص مغربية مختلفة (اول قصة في هذه السلسلة) كا تهضر على فتاة بسيطة سميتها احلام في عمرها 17 سنة ، بحالها بحال اي بنت باغيا تلبس و تقاد و تحب ، ملات من قرايتها ، بغات غير تزوج و يجي النهار اللي تولي فيه عروسة ... ولكن...
