فينك يا حلالي!

الجزء السادس

دخلو خوت و اب احلام للمغرب ، كان عيد الاضحى كلشي مجموع فالدار الكبيرة (دار اللي عاشت فيها احلام) ، تجمعو على الطبلة ديال الفطور ، كلشي فرحان ، الوليدات كا يلعبو و كايقلدو ف الحولي ، البنات كا يلعبو عروسة ههه ، وجدو راسكم لخيلوطة من السميات
الاب : والله تا انا فرحان ، اخيرا تجمع الشمل مرة اخرى
ايمن (اخ احلام): ايوا ابا هادشي اللي بغينا
مرت ايمن : (كاتوكل ولدها الصغير) ولاه ا عمي تا احسن حاجا هي تعيش ف بلادك
محمد (زوج احلام) : واييه
ليلى (اخت احلام) : ايوا شكون غا يتكلف بالقطبان ههه
زوج حسنة اخت احلام : ههه هاهيا حسنة
حسنة : الااا الا ههه انا كلفوني ناكل القطبان ماشي نصيبو هههه
الام : ههه يااك هههه
زوج ليلى : احلام الشهر التاسع ياك؟
احلام : ههه وايييه راني مخلوعة هههههه
يالاه بداو كايضحكو عليها ، شويا .....
احلام : ناري ميمتي ش هادشي
محمد (راجلها) : (مخلوع ) مالك !!
احلام : راني غا نولد !!!!!!!!! الدري راه خارج
عمر (اخ احلام اللي طبيب) : خودي نفس عميق يالاه ديك لكلينيك اللي انا خدام فيه هادوك كايخدمو واخا العيد
احلام : واااااا ميمتي واااا
هههه احلام كاتغوت و كاتوجع داياها لومبيلونس و هوما باركين يسجلو فيها ، هههه قلت ما يدار !!
ايوا هادي هي قصة احلام ، و قصة بزاف دال البنات اللي همهم الوحيد هو الزواج ، هاهي احلام عييااات ما تحاول و ماجابش الله ، مني تركت الامر بيد الله يسر ليها ربي و رزقها بذرية صالحة من حيث لا تدري ..
ماتنساوش ديرو vote و كومونطيو ليا الموضوع ديال القصة اللي بغيتو ننشرها ان شاء الله..
#ياسمين