فينك يا حلالي!

الجزء الخامس

صافرات احلام للنجليز باش تعيش تما (كان حلمها هو تمشي للنجليز) ، دارت الزيف و حفظات 34 حزب ، بقات كا تثابر على خدمتها ، ولات احلام اخرى ، الحي اللي سكنات فيه فبريطانيا هو حي خاص بالمغاربة ، ساكنين فيه غير المغاربة ، الشيء اللي خلا احلام تلقى صحابات بين ليلة و ضحاها .. خرجات احلام من دارها ، دقات على دار جارتها
الجارة (سعاد): Who's there (شكون)
احلام : that's me , your friend Ahlam (هادي انا ، صاحبتك احلام)
حلات سعاد الباب لاحلام
سعاد : ياك لباس ا احلام
احلام: للا والو غير بغيت نسولك فين كاين اقرب جامع
كالت ليها سعاد فين جا الجامع ، مشاو بجوج صلاو (كان نهار الجمعة)..
احلام بدات كا تكبر ، ولا فعمرها 32 عام و هي مازالا بايرة ، ولكن مابقاش هادشي معقدها ، تال واحد النهار احلام كانت معروضة عند سعاد للغدا ، شوية كايسمعو الدقان
سعاد : شكوون ؟ بغيت نكول who is there؟
المجهول : that's me !! Your brother !! I came to see you!!(هذا انا !! خوك !! جيت باش نشوفك!!)
مشات سعاد كاتجري حلات الباب عنقات خوها لي ماشافتوش ازيد من سنتين
دخل اخ سعاد (محمد) سلم على احلام ، احلام عتابراتو بحال خوها بقات كاتسولو بتلقائية على احوالو و خدمتو ..
محمد كان ف عمرو 33 سنة ، وسيم و زوييين كا يحمق البنات
دازت سيمانة
محمد : سعاد باغي نهضر معاك
سعاد : اش حب الخاطر اخويا العزيز
محمد : وا فالصراحة بغيت صاحبتك احلام على سنة الله و رسوله
سعاد : هههه ايوا سير للمغرب خطبها !
محمد : المغرب ؟ علاش المغرب ؟؟ ياك هي كاينا هنا !
سعاد: واراها ليوما اترجع لبلادها و مابقاتش اتجي لهنا
تصدم محمد ، مشا كا يجري كسيرا بالطونوبيل مشا للمطار كا يقلب على احلام ، احلام كانت فواحد الريسطو كا تغذى حيت مازال الطيارة معطلة ، شويا كاتحس بشي يد تحطات ليها فوق كتفها
احلام : محمد ؟! ياك لاباس ؟ فينهي سعاد
محمد : احلام ، انا باغيك للزواج (...)
احلام : اا؟ (احلام تصدمات ، تخلطو عليها الاحاسيس ، يالاه بغات تكول ليه اه ، ولكن تفكرات الماضي ديالها ف البار ، و انها مابقاتش عذراء ، عرفاتو غا يرفضها) للا لا مانقدرش حيت..
محمد : حيت شنو؟؟!!!
بدات احلام كا تبكي ، عاودات لمحمد قصتها من فاش كانت عندها 17 سنة
تاثر محمد بقصة احلام بزززاااف و زاد اصر عليها انه بغاها هي
احلام وافقات و لغات الرحلة ديالها، تزوجو ف لندن و دوزو شهر العسل ديالهم ف هاواي ( على زهر عندها) دازت الايام و الاعوام ، ولا ف عمر احلام 38 سنة ، ولدات جوج توأم مجد و لين ، و سمات ابنتها الثالثة مجدولين ، هي دابا حامل و قريبا ان شاء الله غاتولد وليد اتسميه جاد..
واحد النهار كانت احلام عطلة فالمغرب ، كانت كاتمشى حتى شافت واحد الراجل، تما تخلعات و تبورشات ، فقدات الاعصاب ديالها ، اه ، هاداك راه عماد
عماد : ماعرت فيييين شفتك
احلام: بعد مني الموسخ الاخر ، دفلات عليه
شد عماد احلام وجرها لعندو و شنق عليها
احلام : وا كلت ليك بعد مني راني حاملا
عماد : تا ناخد هدكشي لي بغيت
احلام بقات كاتغوت تا جات واحد الخشبة فعماد للراس ، طاح فقد الوعي ديالو
احلام : الهلاام!!!
الهام : دائما في الخدمة
تعانقو بجججهههد مشاو كملو الخرجة ديالهم ، عماد شدوه البوليس ، و شدو حتا مو .. ماعرفتوش علاش؟ ايوا البنات هاديك الشوافة (اللي كانت مشات عندها احلام) كانت غييير كاتفلى على احلام ، هاديك الشوافة خدمتها الحقيقية تدي البنات للدعارة و تجيب لكليان لولدها.