احلام : (كاتدق الباب)
الهام : شكووون
احلام : حلي الفردة هدي انا القردة
الهام : (حلات الباب) ههه دخلي دخلي جايا بعجاجتك
احلام : بازز هه
استقبلت ام الهام احلام و حطات ليهم كاس ديال اتاي ف الصالون
ام الهام : مرحبا بيك ا بنيتي ، كيدايرا نتي و ماماك و خواتاتك؟؟
احلام : بييخير ا خالتي
بقات احلام كاتهضر مع الهام و امها تا شويا كا يسمعو الدقان
ام الهام : ويلي شكون يكون كايدق !!
الهام : يااا رب يكون بابا
ام الهام : ايييه يا بنتي ما تبقايش تفكريني (اب الهام كان خدام ف العسكر و مازال ما سمعو عليه تا خبار)
الهام : احلام اجي اجي راه خوك ايمن
احلام: وييلي تعطلت ، تهلاي ا خالتي (باست ام الهام و مشات مع ايمن)
مشات احلام هي وخوها للدار و نعسات ، فاقت ف الصباح طركات الهام و مشاو بجوج للمدرسة
.....*في القسم*.....
الاستاذ : احلاام ؟؟ واا احلام ؟ فين ساهيا
احلام : ننعم ا ستاذ !! لا لا والو غي مريضة
الهام : ويلي ا صاحبتي مالك
احلام : ختي ما نخبيش عليك ، بغيت نتزوج
الهام : (طلقات واحد الضحكة بالجهد بلا ما تشعر ) واااهاهاها
الاستاذ : (بصوت حاد) بفففف احلام الهام خرجو عليا !!
خرجات احلام و الهام من المدرسة ، مشاو لحدا البحر و بقاو كا يتمشاو ..
الهام : صاحبتي كيفاش بغيتي تزوجي هههه
احلام: وا مالك ا ختي ، الصراحة هي هادي ، انا مليت ، واش اختي انا فيا شي عيب او!!
الهام : لاا لا حاشاا غير خاصاك شي عملية تجميل صافي هاهاها
احلام: ياااك!!!
الهام : هههع غا كانضحك معاك
بقاو كا يتمشاو ف الطريق شويا جا واحد الشاب وسيم عينيه خضرين و شهب لحيتو مطراسيا موحال واش مغريبي ، وقف على الهام
الشاب : هاد الزين كولو سعدات مولاه
الهام : سير سير بحالك خرجتو على البلاد
احلام بقات غير كاتشوف
الشاب : ياك ا حبيبة
الهام : اتمشي ولا غا نغوت دابا نشوهك
احلام: صافي ا صاحبي هضرات معاك السيدة راها مخطوبا
الشاب : (بقا كايشوف ف الهام و كايهضر مع احلام) هااكاك ايوا مني مخطوبة بناقص
مشا الشاب و كملو البنات طريقهم
الهام : يخخخ كترو
احلام : وا سمحي ليا ا صاحبتي صراااحا بوووكوووووسسسس
كملو طريقهم مشات كلا وحدا لدارها ، كان نهار السبت ماقراوش ف العشية ، دخلات للدار لقات كلشي مجموع على الطبلة كا يتغداو
عمر (اخ احلام اللي طبيب) : عل السلامة خارجا مع 12 جايا ليا تالوحدة
الاب: ش هاد التعطيلة ابنتي؟
احلام: والو غير دزت من طريق اخرى
عمر : وا راك بنتي ليا غادا و كاتنحارفي
احلام ماتسوقاتش ليه
عمر جدي بزاااففف قليل فين كا يضحك ماشي بحال ايمن واخا مهندس ولكن نشيط.. مشات احلام غسلات ايديها و تغدات معاهم طلعات لبيت تكات
احلام (فخاطرها) : ويلي يارب علاش قبيلا هاداك السيد وقف لالهام و ماداهاش فيا انا ، علاش هي عجباتو و انا لا ، علاش ماشافش فيا تا الشوفا !! واش انا فيا شي عيب !!
بقات كاتفكر شويا كالت : ويلي اعوذ بالله من الشيطان الرجيم ، احلام ماتغيريش راها صاحبتك خاصك تمناي ليها الخير ..
ناضت احلام صلات الظهر و العصر و بقات كادعي ربي يجيب ليها شي ولد الناس .. مشات احلام تكات نعسات .. مافاقت تال الاحد في الصباح .. دوزات نهارها عادي الشقا و الصحابات
أنت تقرأ
فينك يا حلالي!
Romance"فينك يا حلالي!" هي قصة من سلسلة قصص مغربية مختلفة (اول قصة في هذه السلسلة) كا تهضر على فتاة بسيطة سميتها احلام في عمرها 17 سنة ، بحالها بحال اي بنت باغيا تلبس و تقاد و تحب ، ملات من قرايتها ، بغات غير تزوج و يجي النهار اللي تولي فيه عروسة ... ولكن...
