فينك يا حلالي!

الجزء الثالث

الايام دغيا دازت ، الوطني قرب و احلام بالها مشغول غير بالزواج ، راسها تبلوكا مابقاتش باغا تحفظ ، جا نهار الوطني ، احلام ما دارت والو ، سقطات ما شداتش الباك ديالها
الاب: شوفي لالاك الهام شدات الباك ديالها ب 14 و نتي شدرتي !!
عمر : (بصوت حاد) هادشي اللي بغيتي !!! لا قرايا لا والو جبتي الدل و العار للعائلة!! 
بقاو كا يغوتو على احلام و هي ماضارباهاش النفس ، مسكينة مشات غالطة كان يتسحاب ليها ايلا سقطات واليديها غا يزوجوها باي واحد جا يطلب يدها ، ولكن بعدا فينهو هادا اللي غايطلب يدها !!
جات العطلة الصيفية ، كاع بنات الجيران دارو عراساتهم بقات غير احلام و الهام ، احلام كانت كاتحاول تصرف عادي تال النهار اللي غاتجيها الدقة من حيث لا تدري
الهام : ااالو احلاام !!
احلام : وي صاحبتي صافا
الهام : وا كولي مبرووووك!!!!!
احلام : اااشنو ههه
الهام : واراه تخطبت زغرتييييي
احلام : كيفاش !!!
الهام : اويلي ا صاحبتي ماتفرحيش ليا
احلام : (والدموع على حناكها ) اللا اللا مبروك فرحت ليك بززاااف
هادا كان اكفس نهار ف حياة احلام ، لان الهام تخطبات و بقات احلام هي الوحيدة في الدرب اللي عازبة ، جاتها الغيرة بزززاااااافففف لدرجة الحب و الصداقة لي كانت تجاه الهام ، ولات عبارة عن كره و غيرة و حقد
الهام تزوجات بواحد البوكوس عايش ف فرنسا ، كانت تعرفات عليه غير من الفيسبوك ، و قررو يديرو العرس مورا الخطبة ب سيمانة
....*نهار العرس*....
احلام قادات راسها بحالا كا تقاد لحبيبها ، صبغات شعرها و لبسات تكشيطة ف الحمر ، مشات لعرس الهام ، حاولات تثير الرجال ولكن بدون جدوى ، حتا حد ما داها فيها ، مشات شطحات و دارت كاع جهدها ف الشطيح ولكن تا حد ما تسوق ليها ، احلام تعصبات و تقلقات ..
الهام مشات هي و راجلها لفرنسا يعيشو تما ، بقات احلام بوحدها فالدرب كاع صاباتها تزوجو .. دازت سنوات احلام غير الدار ، قفلات احلام 21 عام و مازال ماجبش الله فارس الاحلام ديالها ، كانت كا تصبر راسها كاتكول فبالها بلي راها باقي عليها الوقت ، حاولات تدير علاقات ولكن ماكايصدقوش ليها ، لدرجة انها ولات كاتلبس لمزير و العرا غير باش تعجب شي واحد ، حيت خوتها اللي غا يحكموها فبلاصت باها مشاو .. اه نسيت ما كلتش ليكم ! احلام باباها مشا لتركيا خدم فواحد القنصلية تما ، و عمو و ايمن تزوجو ..
بقات كاتدوز الايام ، نهار مورا نهار ، تخطبات ليلى اخت احلام ، تما احلام كرهات راسها
احلام (فخاطرها): اويلي ختي اللي صغر مني تزوجات وانا مازالا  !!!!!!
تزوجات ليلى و انتقلات مع راجلها لمدينة اخرى
.. دازت الاعوام ، احلام ولا ف عمرها 29 ، بقات عايشا غير هي و الام ديالها (حيت اختها حسنة تا هيا تزوجات) .. احلام فقدت الامل ، ولاو كاع الجيران كا يهضرو فيها