مًفُـتٌـرقُ طِرقُ

قصة واقعية

قصة واقعية

.. ..

وقفت لأصلي وسمعت شاب قال جملة طيرت عقلي 
هذه القصه منقوله من : شريط دمعة من هنا ودمعة من هناك ل ابراهيم المرواني
قصه قريتهافتأثرت بها جداااااا يقوووول صاحب القصه :

كنا في جده في بيت الوالده حفظها الله في صباح الجمعه ... 
وعند الضحى سألت خالي

ويش رأيك نطلع مكه نصلي الجمعه هناك و نرجع على طول

قال فكره طيبة ... نشرب الشاهي ونطلع

قلت الآن .. قبل ما يكسلنا الشيطان .. 
ولك علي اشتري لك شاهي عدني ما حصل من الخط ..
لجل نلحق ندخل الحرم قبل الزحمة .. اليوم جمعه ..
كل أهل مكه يصلوا هناك

وحنا في الطريق السريع ... 
لفت نظري قبل مكه بحوالي 
خمسة واربعين كيلومتر أو تزيد قليلا 
في الناحية الأخرى من الطريق .. 
بيت ابيض من بيوت الله ... مسجد .. 
ولفت نظري لعدة اشياء 

لونه ابيض رائع ... و مئذنته جميلة و عالية نسبيا 
مبني على أسفل سفح جبل او على تلة تقريبا .. 
مما يجعل الوصول إليه يبدو صعبا قليلا ... 
خا صة على كبار السن .. 
وإن كان واضح أن من بنى المسجد بناه على هذه الصورة 
لجل يبان للناس من بعيد ... 

إن في هذا المكان مسجد

المسجد كان مهدم .. او بمعنى أصح .. 
كان عبارة عن ثلثي مسجد فقط ... 
و الجزء الخلفي مهدوم تماما .. 
و لا يوجد ابواب او حتى شبابيك .. 
وليس اكثر من مسجد مهجور مرتفع عن الأرض 

ما ادري ليه بقى منظر هذا المسجد في قلبي ... 
وصورته ما فارقت خيالي ابدا .. 
يمكن لشموخه و وقوفه ضد السنين ... 
الله أعلم 

وصلنا مكه ولله الحمد ... 
ووقفنا السيارة خارجها نظرا لشدة الزحام 
وصلينا وسمعنا الخطبة 

بعد الصلاة .. ركبنا سيارتنا وأخذنا طريق العوده

للمرة الثانية ... مدري ليش ... 
ظهرت صورة نفس المسجد في بالي

المسجد الأبيض المهجور

جلست أكلم نفسي ... بعد شويه يظهر لنا المسجد 

جلست التفت لليمين وانا أبحث عنه 

اذكر ان بجانبه مبنى المعهد السعودي الياباني 
بحوالي خمسمائة متر 
و كل من يمر بالخط السريع يستطيع أن يراه

مررت بجانب المسجد وطالعت فيه .. 
ولكن لفت انت باهي شئ 

سيارة .. فورد زرقاء اللون تقف بجانبه

ثواني مرت وانا افكر .. ويش موقف هالسياره هنا ؟ .. 
ويش عنده راعيها ؟ .. ثم اتخذت قراري سريعا