مًفُـتٌـرقُ طِرقُ

معنى الرجولة

لا تحسب على عرض أكتافك صرت رجال

لا تحسب على عرض أكتافك صرت رجال

لا وبالذي خلقني مو على ذولي تجي الرجولة

الرجولة لي عرف ربه ونبيه وش قال

وصلّى فرضه وعينه لربه مذلولة

الرجل في كلامه من اعتدال جلسته تنقال

من حكمته كلّ المصايب عنده محلولة

ما تلعب في رأسه أكاذيب وحكي عذّال

يرفع منو بالصدق صدوق ويلعن عذولة

الرجل لي كد وحمل على أكتافه أحبال

وأتعب أنفاسه لجل يجيب العمولة

هو من تحمل في دنيته حال على حال

ما فيها غير أفراح ميّته وحظوظ مشلولة

بس ما يعوقه شي ولي قال كلمته قال

ما تنزل على الأرض مكسوره أو خجول

الرجل اللي قوله واحد وعشرة أفعال

تسبق فعايله أقواله مفعوله .. مفعولة

الرجل الذي وعده صادق مو بس حكي ينقال

لي وعد وفي ووعوده ماهي مجهولة

الرجل في إحترامه للبشر تضرب أمثال

وفي طاعته للأربع ما تلقى مثوله

ربّه ثمن الوالدين والزوجة والعيال

غصب عن النفس تطيعه بالي يقوله

الرجل واحد وإعجابه لوحده ما يطالع لعال

يكبّر في عينها دامه بعد عن الصفات الذلولة

يمكن كثر حكيي وطال بي الموال

لكني أبحكي كلمة كانت بصدري مقتولة

ترى مو كلّ من حط على رأسه شماغ وعقال

قال أنا رجال لاحشى ماقرب حوله

مو ذاك الذي هزأ ومشى كلمته الخطأ رجال

الرجل لي قالها .. قالها وهي صح ومعسولة

ولا ذاك عشانه ناسب قبيلة فلان بن فلان

حشى لاذيك القبيله ترجل ولا ذيك الحمولة

رب حكيم وحط بدنيته حكم وأمثال

وأفهمها من غير ذكر .. باللي يقوله

وتذكر إن الصبر والكلمة الزينة كفتين العقال

والسموح والعفو عن الشين وترك العجولة

وأختم كلامي برجال ٍبها ترفع لعال

وإلا كيف من غير اللي ذكرته تجي الرجولة

👑👑