قاسية

البارت 2 الجزء الاول

#الروايه
يستيقظ يوسف على اصابع صغيرة تلعب على وجهه وكلما يبعدها تعود مرة اخرى فتحرك بضيق وقام بفتح نصف عينه وما هى الا لحظات حتى فتح عينه بأكملها
يوسف (بصدمة) : ملوكة
ملك : ثباح الخير يا خالو
يوسف : صباح النور يا عيون خالو
ملك : انا بحبك انت ومش بحب ماما
يوسف : ههههه ليه كده
ملك : عشان ماما دى ثريرة (شريرة) 
يوسف (بصدمة) : شريرة
ملك : اه عشان هى دخلت تنام وسابت ملك لوحدها
يوسف (بخبث) : نايمة.. تعالى نروح نصحيها
ملك(بضحكة) : انت ثرير اوووى
يوسف :طب قومى ياله
وقام يوسف بحملها علي اكتافه وذهب بها الي غرفه اخته
يوسف :1..2..3
يوسف: منااااااااااااااااااااااااااااة
وفى نفس اللحظه نطت ملك علي مامتها
لتقوم منة بفزع وعندما رأت اخاها وابنتها معه
منة : والله يا يوسف ما هسيبك
يوسف : اجرررررى يا ملك
ملك : اجرررري يا خالو
وظلت منة تجرى وراء اخاها وابنتها لمده نصف ساعه
منة : لاء خلاص انا تعبت
ووقعت علي الاريكه ووقع يوسف علي الاريكة ايضا وبجانبه ملك
وقامت منة بالنظر الي اخاها وقام يوسف بالنظر الى اخته وما هى الا لحظات وكانوا في عناق اخوى
يوسف :يااه يا منة وحشتينى اوى كل دا سفر
منة : انا بقى هفضل قاعدة معاك
يوسف : طب ايه مش جعانه ولا ايه
منة : هروح اعمل فطار اهوه وانت ومنه جهزوا السفره
يوسف : حااااضر يا ماما
منة : ههههه.. طب ياله يا اخويا
يوسف : ياله يا بت من هنا
منة : فى راجل اعمال محترم صاحب شركات يقول كده
يوسف : مش انا عملت كده يبقى فيه
منة : لاء انا مش هتناقش معاك انا هقوم اعمل فطار انا جعانه
يوسف : ماشى وانا وملك هنعمل السفرة
–––––––––––––––––––––––––––––––––––––––––––

فى مكان اخر #
غرفه سوداء حالكه الظلام
فتاه تجلس فى نهايه الغرفه تبكى بصمت
آثار ضرب على جسدها
قلبها يؤلمها بشده
عيناها محمره بشده
الفتاه : احببتك بشده.. ظننت انك ستحمينى منهم.. ظننت انك ستقف بجانبى
لقد تخليت عنى.. اكرهك واكرهكم جميعا
وقامت تلك الفتاه من الارض
لتتبدل جميع ملامحها الي ملامح قاسيه وجامده
دموعها اصبحت متحجره
نعم فهى تلك الفتاه التى جرحت من اقرب الاشخاص لديها ومن الشخص الذى عشقته الي حد الجنون لقد كرهت الجميع ولم تعد تصدق احدا
لقد صممت على الانتقام منهم ولن تترك شخصا يفلت من عقابها
نعم لقد اصبحت تلك القاسيه صاحبه القلب المتحجر
ثم يصبح كل شئ اسوود اللون..
تستيقظ هاجر من الحلم الذى اصبح يلازمها دائما وتقوم من السرير وتذهب الي الشرفه وتنظر الى السماء بنظرات غامضه.. قاسية.. متألمة.. مجروحة.. نظرات عديده مختلطه
محمد : هااجر
هاجر : نعم
محمد : بقالى ساعه بنادى عليكى يا بنتي روحتى فين
هاجر : معلش سرحت شويه
محمد : طب مش جعانه ولا ايه
هاجر : جعانه وجدا كمان
ابتسم محمد لانه تأكد ان تلك الطفوله مازالت موجوده بداخل هاجر ولم تذهب مع قسوه الايام عليها
محمد : طب ياله انا جبت معايا اكل ومش بتاع المستشفي كمان
هاجر : ياله
واتجوا الي الطاوله الموجوده في ركن من الغرفه ..تلك الغرفه الوحيده في المشفي المصصمه بدقه عاليه وبجوده رائعه ويوجد بها كل الاحتياجات نعم فتلك غرفه السيده هاجر ومكتوبه بإسمها حتي تأتي الي المشفي بأي وقت
هاجر : انا همشى انهارده
محمد : حرام عليكي يا بنتي دا انا الدكتور مش انتي بس علي العموم انا جهزت ورق خروجك وتقدري تخرجي حالا
هاجر : ماشي ياله سلام
محمد (بهمس) : ولسه بنفس الجنون بتاع الطفوله
خرجت هاجر من الغرفه بل ومن المشفي بأكملها لتنظر الي الخارح وتتبدل جميع ملامحها وترتدي قناع البروده واللامبالاه للعالم حولها
––––––––––––––––––––––––––
نص بارت لو لقيت تفاعل هكمل البارت
واسفه مليون الف مره على التأخير
عارفه اني استاهل الضرب
فوت -كومنت