قاسية

تغيرت كثيرا

قد نعتقد اننا تخلصنا من عقبات حياتنا ولكننا نفاجئ بشيئ جديد
قد نظن ان الحياه ستظل كما هى ولكنها تتغير
نبتسم كثيرا لنخفى جميع آلامنا
قد نرتدى قناع القسوة مجددا رغما عنا لاسباب مؤلمه
—————————
# الروايه
نور : عشق ..عشق ..عشق ياله بقا اصحى
عشق : امممم
نور : ياله بقا كل دا نوم
عشق : خلاص خلاص صحيت اهوة ..روحى صحى كريس ياله
نور : ثوانى ويكون صاحى ق
- خرجت نور سريعا من الغرفه لتيقظ كريس
-عندما خرجت نور من غرفه عشق امسكت عشق راسها بشدة ف ها هو الصداع المؤلم عاد اليهامن جديد ..قامت عشق من فوق سريرها واتجهت الى الحمام مباشره واغلقت الباب بالمفتاح واستندت على الباب وكانت تمسك راسها بشدة وتعب
نور : عشق عشق انتى فين
عشق : انا هنا فى الحمام ثوانى وطالعه
نور : اشطا هروح اغير هدومى وهستناكى تحت مع كريس
عشق : خلاص ماشى
- عندما خرجت نور من الغرفه وتأكدت عشق من خروجها خرجت من الحمام ببطء وهى تمسك برأسها جلست فوق السرير واخرجت من احدى الادراج شريط ادويه وابتلعت حبتين من الشريط وتنهدت ببطء ووقفت وبدلت ملابسها لبيجامه صيفيه ب اكمام وخرجت من الغرفه
كريس : اهلا اهلا بالقمر اللى لسه صاحى
نور : ايه دا يا استاذ كريس بتقولها قمر وبتقولى انا يا بومه
كريس : دا انتى النجمه اللى فى حياتى
عشق : اهلا بيكوا انتوا الاتنين ..ياله نروح نحضر الفطار
كريس &نور : اوامرك يا فندم
عشق : قدامى ياله ..قدامى
- وذهبوا الى المطبخ وقاموا باعداد الفطور سويا وسط ضحكاتهم معا وفجأه سمعوا صوت الباب
عشق : استنوا انا اللى هفتح ..وانتى حطوا الفطار على السفرة
- ذهبت عشق وفتحت الباب وتفاجات ب يوسف و منه وملك التى اسرعت بالقفز على عشق واحتضانها
عشق : ملوكه وحشتنى
ملك : انا زحلانه منك عشان مش بتلعبى معايا
عشق : خلاص هلعب معاكى انهاردة وهجبلك الشوكولا اللى بتحبيها
ملك : انا بحبك اثلا ومش زعلانه
عشق : اثلا هههههههه
يوسف : احم احم
عشق : ايه دا سورى افضلوا يا جماعه البيت بتكوا
يوسف : صباح الخير
عشق : صباح النور اتفضلوا معانا على الفطار تعالو
- ذهبوا جميعا باتجاه الطاوله وجلسوا سويا
يوسف : حماتى بتحبنى ولا ايه
ملك : يا عم اتنيل انت لاقى تتجوز اثلا
يوسف : نهاارك اسوود يا بت بتقولى لخالك يا عم اتنيل
منه : هههههههه
يوسف : اضحكي يا اختى اضحكى
- وفجأه قام كريس من الطاوله وذهب الى الاعلى
منه : ا..انا هطلع
عشق : ربنا معاكى ياله
- صعدت منه الى الاعلى وذهبت الى غرفه كريس
منه : كريس انا
كريس : اطلعى بره
منه : كريس بجد انت لازم تسمعنى
كريس( بعصبيه وصوت عالى ): اسمع ايه هاا اسمع ايه ..اسمع انك رحتى لواحد تانى واتجوزتيه وانتى عارفه انى كنت بحبك وانتى كنتى بتظهريلى انك كمان بتحبينى ..اسمع انك خدعتينى ولا اسمع انك كدبتى عليا هاااا اسمع ايه
منه ( ببكاء ): والله العظيم ما خدعتك ولا ضحكت عليك والله العظيم بحبك
كريس : كفايه كدب بقا
- والتف كريس للخروج من الغرفه الا ان صوت منه اوقفه
منه ( بصراخ ): هددونى انهم هيقتلوك ..هددونى
- اعاد كريس نظره اليها سريعا
كريس : انتي بتقولى ايه
منه (بضعف ونحيب ): امجد السيوفى جالى وهددنى انى لو فضلت معاك هيقتلك ..كان لازم ابعد عشان محدش يأذيك
كريس : مقولتليش ليه
منه : مقدرتش مقدرتش رجالته كان ديما حوليا ومرقبانى ..قررت انى اضحي بحبى ليك عشان تفضل عايش اتجوزت عشان اخليك عايش وخلفت كمان ..شوفت بقا وفى الاخر تتهمنى انى كنت بخدعك وبكدب عليك ..ليه بعد الحب دا كله دا انا جوزى طلقنى لانى كنت بقوله انى بكره وعمرى ما هحب حد قدك جوزى في مره كان هيقتلنى بسببك وانا اللى كنت بحافظ على حياتك
- اعتصرها كريس في عناق قووى وكان يبكى معها ..نعم فهو يحتاج الى ذلك العناق منذ سنين ولا ننكر ايضا ان منه كانت تحتاج الى ذلك العناق اكثر من اى شئ في حياتها ويقاطع ذلك العناق دخول نور الى الغرفه
نور : اوووبس انا دخلت اوضه العشاق ولا ايه
- لتبتسم منه بخجل وتختبئ في حضن كريس ليبتسم كريس باتساع
كريس : ايوة عشاق بقا وفرحنا بكره كمان
نور : اوباا بقا يا معلم ..انا هروح اقول ل عشق بقا
كريس : لا لا استنى انا اللى هقولها
- لتنظر له منه بتردد ..نعم فهى خائفه من ردة فعلها وهل ستسامحها ايضا اما لا ليفهم كريس نظرتها لينظر لها بنظرات دافئه حنونه مطمئنه
كريس : يالا ننزل كلنا
- نزلوا جميعا الى الاسفل وكانت عشق ويوسف يجلسون ويشاهدون التلفاز وملك كانت في احضان عشق
كريس : احم احم
يوسف : مالكم واقفين كده ليه اقعدوا
كريس : عشق انا عايز اقولك حاجه
عشق : قول
كريس : انا عاوز اتجوز منه ونعمل فرحنا بكره
- ما ان انهى كريس كلامه حتى تحولت نظرات عشق الي نظرات حادة تكاد تخترق صاحبها ووقفت من مكانها بسرعه واتجهت اليه
عشق : بتقول ايه
نور : عشق ااا..
عشق : اسكتى دلوقتى
عشق(بنبرة عاليه ): كنت بتقول ايه ..عايزة اسمع
- خفق قلب منه بشدة واصبحت خائفه جدا لتقف وراء كريس وهى متمسكه به
كريس : كنت ..عايز اتجوز منه بكره
عشق : تتجوز وبكره كمان ..المأذون خلاص على وصول
- انفتح فم كريس بذهول وهو يحدق فى اخته
عشق : لاء اقفل بؤك مكنتش متوقعه ان الصدمه هتخليك كدا
كريس : بجد يعنى انتى موافقه
عشق : طبعا هو انا عاوزة ايه اكتر من سعادة اخويا وخصوصا ان هيتجوز ..صحبتى
- اسرعت منه لاحتضانها بشده
عشق : ايه يا بت هتخنقيني ..والله ارجع في كلامى
- ابتعدت منه بسرعه
منه: لاء وعلى ايه الطيب احسن
ليبتسموا جميعا ويذهب يوسف ويحتضن اخته
كريس : ايه يا عم دى بتاعتى انا
ليقع الجميع ضاحكا من غيرة كريس
عشق : ياله ورانا حاجات كتير
كريس : بس احنا هنلحق نخلص كل حاجه انهاردة
عشق : الفستان جاهز كمان وعلى مقاس العروسه والبدله كمان جاهزة وفي فيلا باسمكوا انتو الاتنين جاهزة والجنينه هنا قربت تجهز مش فاضل انكم تلبسوا على  وانا متفقه مع المأذون
- انفتح فم الجميع من كلام عشق واتسعت عيونهم على اخرها
عشق : مش وقت اندهاش ياله بسرعه بسرعه
- صعد كريس ومنه ومازالوا فى حاله صدمه
عشق : بدلتك يا يوسف فى الاوضه اللى جنب السلم على الشمال ياله اطلع البسها باقصي سرعه ..ياله انت لسه واقف
- صعد يوسف وهو مبتسم ومصدوم ايضا
عشق : ايه دا يا نور انتى لسه هنا فى فستان فى اوضتك تحفه اطلعى البسيه بسرعاااه
نور : يااااى ثوانى واكون جاهزة
- صعدت نور الى الاعلى ايضا
عشق : ياله يا ملومكه عشان نطلع نلبس انا وانتى
ملك : ياله شيلينى بقا
- حملتها عشق وصعدت بها الى الاعلى
-------------------
# بعد ثلاث ساعات
نزل يوسف الى الاسفل ولم يجد احد فجلس على الاريكه ينتظر نزول الجميع وبعد نصف ساعه نزل كريس وكان يجرى على السلالم
كريس : ايه دا هما لسه مخلصوش
يوسف : يخلصوا مين دا لسه بدرى ..تعالا اقعد جمب اخوك
كريس : هههههههه لاء ما انا شكلى كده هقعد