قاسية

التحول القاسى

# بعد ٦ سنوات
تتمشي فى الطرقات بقوة وهيبه ووراءها السكرتيرة الخاصه تمضى بعض الملفات
...: المشروع دا لازم يبقى على المكتب قبل ٢٤ ساعه
السكرتيرة : حاضر يا فندم
...: ابعتيلى المهندس اللى ماسك المشروع على المكتب حالا
السكرتيرة : ثوانى ويوصل يا فندم
...: ماشى اتفضلى على شغلك
- دخلت الى مكتبها وجلست على الكرسى بجمود واخذت تراجع بعض الملفات ووضعت تركيزها فى ورقه ما وقطع تركيزها صوت الباب
...: اتفضل
السكرتيرة : المهندس ستيفن برة يا فندم
...: دخليه دلوقتى
السكرتيره : حاضر يا فندم
- خرجت السكرتيرة ليدخل ستيفن الى المكتب
ستيفن : صباح الخير
...: المشروع كان المفروض يبقى على مكتبى امبارح ..ايه مبرر تاخيرك
ستيفن : اا...
...: اكتر حاجه بكرها انى حد يمسك شغل هو مش قده ..شغل مش هيقدر يكمله ليه يمسكه من الاول
ستيفن : هو..اا..
...: اخر مرة والموضوع لو اتتكرر حضرتك هتشيل حاجاتك من مكتبك وتتفضل من الشركه
ستيفن : اكيد الموضوع مش هيتكرر تانى
...: يستحسن ..اتفضل وورق المشروع عايزاه دلوقتى
- خرج ستيفن من الغرفه لتغلق الملفات امامها وتعود براسها للخلف على الكرسى وتغمض عيناها وتتذكر جميع ما مضى فى حياتها وكانه شريط ذكريات يعاد على ذاكرتها مرة اخرى
...: ادمنت الغموض ..ادمنت السواد ..ادمنت القسوة ..ادمنت الكثير والكثير وجميع ادمانى حولنى الى الاسوأ ..
—————————————————
# مصر - فى احد القصور #
....:بابااااا
....: بااااابااااا
كريس : اييييييه
...: شوفت يا بابا ابنك عمل فيا ايه
كريس : عمل فيكى ايه ابنى يا سيلين هانم
سيلين : ابنك يا استاذ بابا بيلعب فى شعرى
....: بنتك يا بابا مش بترد عليا
كريس : هو بقا فيها بابا
سيلين : خلى ابنك مازن يبعد عنى
مازن :بنتك مش راضيه تلعب معايا
كريس : مناااااااااه ..يا منااااه
منه : ايه فى ايه
كريس : خدى عياالك من وشى الساعادى
ملك :انا صدعت صدعت ..كان لازم يا استاذ بابا انت وماما تيجبوا الاتنين دول ما انا موجودة اهوه لزمتهم ايه غير انهم ببصدعونى
كريس : منه خدى بنتك الكبيرة كمان
ملك : مالك يا استاذ بابا ..كلمه الحق بتزعل فى البلد دى صحيح
كريس : البت دى جابت الكلام دا منين
منه : المدرسه يا روحى
كريس : عوض ربنا فى اللى جااى
ملك : بابا
كريس : ايه الاحترام دا كله بابا من شويه كان استاذ
ملك : بكلم بجد استرجل
كريس : يخربيتك ..مفيش مرواح المدرسه دى تاانى
ملك : يا عم كبر المهم ..عايزة اكلم عمتو
كريس : دلوقتى
ملك : وحشتنى يا راجل الله
كريس : انتى مش المفروض تكلميها انتى تعيشى معاها عشان تربيكى
ملك : مش عجباك التربيه ربتهالى ليه يا حبيبى
كريس : اللهم طولك ياااااا رووووح
منه : كريس
كريس : خير اللهم اجعله خير
منه : عايزة اكل شوكولاته
كريس : والنبى اوعى تكونى بتتوحمى كفايه التلاته اللى معانا والنعمه ما نااقص
سيلين ومازن : نونا جديدة هيييه نونا جديدة هييييه
كريس : صلاه النبى احسن
ملك : البس يا كوكو
———————————————
# مريم السيوفى
مريم السيوفى زوجه امجد السيوفى ووالدة عشق وكريس ونور ايضا ..اعلم ان اولادى كانوا يعتقدون اننى لست على قيد الحياه بسبب ما حدث منذ اعواام طويله
——فلاش باااك
مريم : انت مستحيل تكون بنى ادم
امجد : اخرسى مش عايز اسمع صوت
مريم : انت ازاى اب ازاى اب فى اب يعمل فى والده كده
امجد : الولاد اما يعصوا كلام ابوهم من حقه يعاقبهم
مريم : يعصوا كلام ابوة ايه انت عايز ولادك اللى  مكملوش ٥ سنين يتدربوا عشان القتل انت اكيد اتجننت
امجد : صوتك بدأ يعلى
مريم : لازم يعلى عايزيى اشوف اللى بتعمله فى الولاد واسكتلك
امجد : لاء انتى لازم تتربى من الاول
- انهال امجد عليها بالضربات واهان كرامتها ك انثى ولم يتركها حتى وجدها مغمى عليها
ولكن كان هناك عيون صغيرة مليئه بالدموع تشاهد ما يحدث
امجد : عايزكوا تخفوها من على وش الارض فاهمين
احد الرجال : اوامرك يا امجد بيه
- اخذ ذلك الرجل مريم وذهب بها بعيدا وعندما راها وراى حالتها اشفق عليها ووضعها امام احد المنازل ودق الباب وانصرف سريعا
- كان فى ذلك المنزل امراه كبيرة فى السن اخذت مريم وعالجتها واهتمت بها وكانت تعاملها وكانها ابنتها واحبتها جداا حتى مريم احبتها واخبرتها مريم عن زوجها وحياتها وابنائها كانت مريم خائفه من العودة حتى لا يقتلها زوجها لذا فضلت البقاء مع تلك المراه ووضعت احد الرجال حتى يعمل مع امجد ويخبرها عن حال ابنائها  وفى يوم توفيت تلك المراة واصبح المنزل الى مريم قامت بتحويل المنزل الى شركه خاصه وغيرت اسمها واجتهدت فى عملها حتى اصبح لها كيان وسط رجال وسيدات الاعمال واصبح لها نفوذا خاصه
ولكنها لم تنسى ابنائها ابدا وكانت تشعر دائما بالخوف عليهم من اباهم ولكن لم يكن لديها الجراه لتعود اليه كانت تعلم كل تفصيله سواء كانت كبيرة او صغيرة عن زوجها وعندما علمت بوفاته لم تستطع ان تذهب الى اولادها بسبب خوفها من رد فعلهم معها واعتقدت انهم لن يسامحوها على تركها لهم وعندما علمت بمرض ابنتها كانت هى المنقذ الوحيد الى ابنتها لذا اضطرت ان تذهب الى ابنتها وتخبرها ان والدتها ما زالت على قيد الحياه وها هى امامها الان وفجاتها عشق كثيرا عندما احتضنتها واخذت تبكى فى حضنها لم تكن تتخيل ان ابنتها ما زالت بريئه كما هى ومازالت تفتقد الى الحنان منذ الطفوله وقضت معها بعض الايام حتى تعافت ابنتها وخرجت من المشفى
- ظلت عشق مع والدتها اسبوعين فى منزل مريم الخاص حتى جاء ذلك اليوم الذى قلب عشق مرة اخرى
عشق : ماما انا لازم انزل مصر
مريم : ليه بس يا حبيبتى ما انتى عايشه معايا هنا اهوه ناقص ايه تانى
عشق : عايزة انزل اشوف اخواتى يا ماما كريس ونور وحشونى وشغلى هناك
مريم : هو يعنى اا..
عشق : فى ايه يا ماما
مريم: عشق عايزة اقولك حاجه بس حاولى تهدى
عشق : فى ايه يا ماما قولى
مريم : كريس ونور اتخانقوا ونور سابت البيت
عشق : ازاى دا حصل وازاى كريس وافق انها تسيب البيت
مريم : نور هى اللى اختارت تسيب البيت
عشق : انا مش فاهمه حاجه
مريم : نور اختارت انها تتجوز يوسف وتنساكى انتى وكريس
- كانت الصدمه على عشق كفيله بان تدمر قلبها وتسحقه ..اختها فعلت ذلك ..ابتعدت من اجل ان تتجوز من تحب ..وايضا يوسف هل من الممكن انه قد نسي الحب الذى كان يحمله بداخله تجاهى ..كيف يفعل ذلك ..اعلم ان نور انانيه ودائما تفكر فى نفسها ولكن يوسف لما يفعل ذلك لما
- اتصلت عشق ب كريس وعلمت منه كل ما حدث ومن وقتها وعشق لا تتحدث ابدا مع اختها ولا يمكن ان يذكر اسم نور او يوسف امام عشق ابدا ومن بعدها تحولت عشق كثيرا اصبحت قليله الكلام واصبحت جادة جداا ولا تتحدث او تضحك الا مع اولاد اخاها او المقربين جداا منها غير ذلك مستحيلا
—— عودة الى الحاضر
ترررررررن ترررررررن
مريم : الو
سيلين : انتى يا استاذه تيته انا زحلانه منك
مريم : ليه بس يا عيون تيته
سيلين : انتى لسه فاكرة انى عيونك يا استاذة تيته
مريم : جاايبه الشقاوة دى من مين بس هموت واعرف
سيلين : متقلقيش بكرة تموتى وتعرفى
مريم : ادينى بباكى اديهولى
سيلين : كوكو دلوقتى فى وضع المصدوم
مريم : يا بت احترمى بابا شويه
سيلين : استاذ بابا دا له حسااب عسير معايا
مريم : طب ادينى مامتك
سيلين : دى بقا شكلها هتجيب نونا جديدة وعماله تاكل شوكولاته من امبارح وكلت بتاعتى كمان
مريم :  ايه داا نونو جديد الف الف مبروك
سيلين : ابنك جه اهوه كلميه بقا
كريس : ازيك يا ماما عامله ايه
مريم : كويسه الحمد لله يا حبيبى انت عامل ايه
كريس : تمام يا ماما
مريم : ومنه والنونا الجديدة
كريس : الله اكبر هى سيلين لحقت تقولك
مريم : ههههههههههه بنتك دى ما شاء الله عليها شقيه شقاوتك بالضبط وانت صغير
كريس : ظلمانى يا حبيبتى دا انا كنت نسمه
مريم : اه يا حبيبى ظلماك ههههههههه
كريس : عشق عامله ايه يا ماما
مريم (بتنهيدة ): لسه زى ما هى والله يا كريس دايما علطول سرحانه ساعات تتكلم معايا ساعات تفضل ساكته ومش بشوف الضحكه طالعه من قلبها الا وهى بتتكلم معاكوا وخاصه الصغيرين بتوعك
كريس: ان شاء الله ربنا هيسعدها وهترجع كويسه تانى وعلطول بتضحك ومبسوطه
مريم : يارب يا ابنى ياارب
كريس : هى فى البيت دلوقتى ولا لسه فى الشركه
مريم : مجتش البيت من امبارح واتصلت بالشركه عرفت انها هتفضل ٤ ايام متواصل فى الشركه
كريس : طب كلمتيها
مريم : بعتتلى مسج تتطمنى عنها وقالت انها هترجع بعد ٤ ايام ..وغير كدا انا برضو مقدرة حالتها وعارفه انها عايزة تفضل لوحدها شويه ..
كريس : ماشي يا ماما خلى بالك من نفسك انا هقفل دلوقتى وعلى بالليل كدا هكلمك
مريم : ماشى يا حبيبى ..لا اله الا الله
كريس : محمد رسول الله يا ماما
——————————————
ها هى تخرج من مكتبها بقوتها المعهودة ونظراتها الحادة الى الجميع ووراءها السكرتيرة الملازمه لها دائما
...: الصفقه الجديدة المفروض تتسلم امتى
السكرتيرة : بعد ٣ ايام يا فندم
...: ولسه الصفقه مجهزتش من ناحيتنا
السكرتيرة : المصنع شاغل على الصفقه يا فندم من فترة
...: حقيقى
السكرتيرة : اه يا فندم
...: رايحين المصنع اهوه وهنشوف
- بعد ان وصلوا الى المصنع اتجهت باتجاه الالات والماكينات لترى ان العمال يجلسون ولا يفعلون شيئا ...: واضح ان الشغل ماشى كويس جداا
- وقف العمال بسرعه وصدمه وخوف
...: ايه اللى انا شايفاه ده
السكرتيرة : دى فترة الاستراحه يا فندم
...: بصى فى الساعه كدا الاستراحه خلصت من ربع ساعه
السكرتيرة : يا فندم ..اا
...: محدش هيروح البيت الا اما شغل الصفقه يكون جاهز حتى لو هتباتوا هنا ..مفهوم
- اومأ العمال فى خوف بينما خرجت هى من المصنع بجمود وعادت مرة اخرى الى الشركه
السكرتيرة : فى اجتماع كمان ١٠ دقايق يا فندم
...: اوضه الاجتماع جاهزة
السكرتيرة : اه يا فندم
...: ابعتى ورق الاجتماع على المكتب حالا قبل الاجتماع ياله
السكرتيره : اتفضلى يا فندم الورق معايا
...: صاحب الشركه ايه
السكرتيرة : دول شركاء يا فندم
...: اسمهم ايه
السكرتيرة : مش مكتوب الاسماء يا فندم مكتوب Y &N
...: ماشى اما يجوا
—— وقت الاجتماع
السكرتيرة : اصحاب الشركه وصلوا يا فندم
...: ياله
السكرتيرة : اتفضلى يا فندم
- دخلت الى غرفه الاجتماعات ليقف جميع من بالغرفه دون ان ينظروا لها ..جلست على الكرسى ولكن لم يرى احدا وجهها الى  وجلس الباقى
المتحدث الرسمى للشركه الاخرى : يسعدنا سيدتى التعامل مع شركتك
...: حسنا
المتحدث الرسمى للشركه الاخرى : يوسف بيه ونور هانم يريدون ان يتعاملوا مع شركتك يا سيدتى
- ما ان سمعت الاسماء حتى وقفت بسرعه رهيبه لينظر لها الجميع
يوسف & نور : عشق _____
————————————————
البااارت خلص
-  الشخصيه الغامضه
- كريس واسرته
- عشق ومامتها
عايزة رايكوا فيهم ..وعايزة
تفااعل تفااااعل يا جماااعه والنبى
انا بكتب وبسيب المذاكرة عشان خاطركوا قدرونى يا جماعه من فضلكم
وياريت الاقى تفاعل منكم
وشكر خااص جداا للانسان اللى تفاعلت وعلقت وكانوا منتظرينى
فوتات + كومنتات بقا