قاسية

ابتعاد

احيانا تجبرنا الحياه على اتخاذ قرارات تكون صعبه جدا بالنسبه لنا وللمحيطين من حولنا
وترغمنا على الابتعاد ..فنبتعد كثيرا ولكن هل سنعود ام ان الاوان قد فات كثيرا

——————————————————
# الروايه
- عندما لاحظت نور ان المناقشه ازدادت حدة بين عشق ويوسف اخذت ملك وصعدت بها الى الاعلى حتى لا يسمعوا النقاش
بينما تركت العشيقان العنيدان فى عراك عنيف
يوسف( بغضب ) : استقلتى من الشغل ليه
عشق (بتعب ونبرة منخفضه جدا ) : شيئ يخصنى انا ممكن لو سمحت ت اا..
- لم تنتهى عشق من جملتها واصبحت الدنيا سوداء للغايه ووقعت على الارض
يوسف (بتلهف ): عشق عشق فوقى
ولكن لا يوجد من مستجيب
- حملها يوسف بسرعه ووضعها فى سيارته وقاد ناحيه المشفي بسرعه كبيره ......
يوسف : عايز دكتور بسرعه فين الزفت
احدى الممرضات : اهدى بس يا استاذ
يوسف : اخرسي خالص وهاتى دكتور حالا
- فى اقل من دقائق اصبحت المشفى فى حاله من الفوضى بسبب صراخ يوسف وتجمع الاطباء حوله واخذوا عشق وذهبوا بها الى احدى الغرف ليقوموا بفحصها سريعا .....
يوسف : ايه اللى حصلها
احد الاطباء : احنا عملنا التحاليل والنتيجه هتظهر بعد ٣ ساعات
يوسف : هتفوق امتى
احد الاطباء : هتبدأ تفوق دلوقتى
- ذهب يوسف الى غرفه عشق ولم يهتم لكلام الاطباء ولا انهم قاموا بمنعه للدخول الى الغرفه
يوسف : عشق
- نظرت عشق الى يوسف بتعب وارهاق شديد
عشق : لو سمحت انا مش قادرة اتناقش ممكن تسبنى لوحدى
يوسف : اا..
عشق : من فضلك
- ضغطت عشق على الزر الموجود بجانبها لاستعداء احدى الممرضات بينما خرج يوسف من الغرفه بصمت وجلس على الكراسى الموضوعه فى الممر ووضع راسه بين يديه واخذ يفكر فى كل ما حدث واخذ يلوم نفسه على انه هو السبب في ما حدث مع عشق
**بينما فى مكان اخر **
....: مش عايزة اى حد يعرف نتيجه التحاليل دى غيريها بتحاليل سليمه وهتاخدى كل اللى انتى عايزاه
...: بس
.....: اسمعى الكلام انتى مش عارفه انا ممكن اعمل ايه النتيجه تختفى والاقى بدلها نتيجه سليمه ١٠٠٪ انتى فاهمه
...: حاضر
—————————————————
# يوسف
لم اعلم كم مر من الوقت وانا اجلس خارج الغرفه ولكنى قررت الذهاب الى الطبيب لارى سبب ما حدث
يوسف : ممكن اعرف سبب اللى حصل
الطبيب : احنا عملنا كل التحاليل اللازمه وهى سليمه جداا
يوسف : اغمى عليها ليه
الطبيب : ممكن يكون اثر الارهاق او الاجهاد والتعرض ل حاله نفسيه مضطربه
يوسف : وهتخرج امتى
الطبيب : انا كتبتلها على خروج وتقدر تخرج حالا
- خرجت من عند الطبيب لاذهب الى غرفه عشق لاجدها تقف وكانت على وشك الذهاب
يوسف : راحه فين
عشق : الدكتور كتبلى على خروج وانا عايزة امشي
يوسف : ياله وانا هوصلك
- خرجت عشق من الغرفه وانا وراءها وصعدنا الى السيارة وعدنا الى المنزل وكان الصمت رفيقنا
——————————————————
# عشق
كنا انا ويوسف فى السيارة وانا حقا لا استطع التحدث ف انا اشعر بالتعب والخمول الذى يكاد يقتلنى وعندما وصلنا الى المنزل نزلت من السيارة بهدوء ودخلت الى المنزل وصعدت الى غرفتى وارتميت على سريرى بتعب وحزن ف انا لم اتخيل يوما انى سوف اقدم على استقالتى ف حالتى الصحيه لا تسمح لى بالاستمرار فى العمل بسبب ذلك المرض الذى يصارع حتى يجعل روحى تصعد الى السماء
كانت اسوأ لحظات حياتى عندما سمعت طلبهم منى ان اقدم على استقالتى وقتها تحطمت حياتى حقا .. عملى الذى كان حياتى ب اكملها اضطر للابتعاد عنه بسبب مرضى يالسخريه ..انا من كان يحلف الجميع بقوتى وقسوتى اليوم اصبحت ضعيفه وغدا سوف اكون على فراش الموت ......
قاطع تفكيرى صوت طرقات على باب غرفتى
عشق : اتفضل
نور : اهلا
عشق : تعالى اقعدى واقفه ليه
- جلست نور بجانبى وكانت تنظر الى جميع انحاء الغرفه الا عينى
عشق : نور فى ايه
نور : اا ..انا ..
عشق : في ايه يا نور متقلقتنيش
نور (بسرعه شديدة ): عشق انا بحب يوسف
- ااااه هذا اخر ما توقعته حتى حب حياتى لا استطيع ان انعم بحبه ف من ناحيه رفيقى وهو مرضى المميت ومن الناحيه الاخرى اختى الى تحب حبيبي ..اااااه لا يوجد سخريه للقدر اكثر من ذلك
نور : عشق عشق انتى سمعانى
عشق : ايوة ..نور معلش بس ممكن تسبينى ارتاح دلوقتى وهنتكلم بكرة عشان انا تعبانه
نور : ماشى وملك انا نيمتها فى اوضتى
عشق : شكرا
- خرجت نور من الغرفه لارتمى مرة اخرى على السرير بضعف وحزن وحسرة وألم على فقدان حبى الحب ..وقفت بسرعه واتجهت الى الخزانه واخرجت بنطال اسود وتيشيرت اسود واخذت هاتفى والسماعات وخرجت من المنزل ولم اهتم لاى شيئ
وضعت السماعات فى اذنى وظللت اتمشي بضعف وبلا هدف افكر فى كل شيئ مر شريط حياتى باكملها امامى فى دقيقتين لاتوقف وسظ حديقه فارغه وابدا بالصراخ الشديد
عشق: ياااااااااااااااارب ارحمنى يااااااااارب ياااااااااااااااارب  انا فى اختبار صعب اوووى وانا ضعيفه مبقتش قادرة مبقتش القويه اللى بتقف قدام كل حاجه انا بقيت ضعيفه انا اتحطمت ..اتحطمت
——————————————————
# اليوم التالى
- استيقظت نور وهى تشعر بالسعادة بسبب وجود يوسف فى نفس المنزل ثم ذهبت الى الحمام وقامت بتبديل ملابسها وخرجت من غرفتها واتجهت الى غرفه يوسف لتيقظه
- استيقظ يوسف على طرقات خفيفه على باب غرفته
يوسف (بصوت رجولى ): اتفضل
نور : احم احم انا جايه اصحيك ياله عشان هجهز الفطار
يوسف (بهدوء): حاضر عشر دقايق وهتلاقينى تحت
نور : ماشى
- خرجت نور من غرفه يوسف واغلقت باب الغرفه واستندت عليه وهى تضع يدها على قلبها
نور : هو انا مش هبطل توتر كدا كل اما اشوفه وقلبى دا مش هيسكت شويه
**فى نفس الوقت كانت عشق بالقرب من الغرفه وسمعت ما قالته نور ف اتجهت سريعا الى غرفتها وكتمت شهقاتها من الوصول الى الخارج ..الم تخبركم انها تحب بل تعشق يوسف حد الجحيم تعشق نظرته وصوته الرجولى وملامحه الحادة قليلا تعشق انتظام انفاسه وتعشق رائحه عطره اصبح يوسف بالنسبه لها كالادمان التى لا تستطع التخلص منه
_______________________________________